ഒളിക്യാമറയിൽ ശുചിമുറിയിൽ നിന്ന് പെൺകുട്ടികളുടെ നഗ്നചിത്രമെടുത്ത് പ്രചരിപ്പിച്ചു,പിന്നാലെ വീഡിയോ കാൾ,അറസ്റ്റ്

ഞ്ചിക്കോട് സ്വദേശി ഡി.ആരോഗ്യസ്വാമിയെ (28) ആണ് പൊലീസ് അറസ്‌റ്റ് ചെയ്‌തത്. ഫോട്ടോയെടുത്തശേഷം പശ്ചാത്തലം മുഴുവന്‍ എഡിറ്റ് ചെയ്ത് മാറ്റിയശേഷം പെണ്‍കുട്ടികള്‍ക്ക് അയച്ചുകൊടുക്കുകയായിരുന്നു.

പാലക്കാട്: ഒളിക്യാമറ ഉപയോഗിച്ച് ശുചിമുറിയിൽ നിന്നും പ്രായപൂർത്തിയാകാത്ത പെൺകുട്ടികളുടെ ചിത്രമെടുത്ത് സമൂഹമാധ്യമങ്ങൾ വഴി പ്രചരിപ്പിച്ച യുവാവ് അറസ്‌റ്റിൽ. കഞ്ചിക്കോട് സ്വദേശി ഡി.ആരോഗ്യസ്വാമിയെ (28) ആണ് പൊലീസ് അറസ്‌റ്റ് ചെയ്‌തത്. വീടിനു സമീപത്തുള്ള 13 മുതൽ 15 വയസ്സുവരെയുള്ള പെൺകുട്ടികളുടെ നഗ്ന ചിത്രങ്ങളും വിഡിയോകളുമാണ് ഇയാള്‍ ഒളിക്യാമറയില്‍ പകര്‍ത്തിയത്. സംഭവുമായി ബന്ധപ്പെട്ട് കഴിഞ്ഞ ഡിസംബറിലാണ് പെണ്‍കുട്ടികളുടെ മാതാപിതാക്കള്‍ പൊലീസില്‍ പരാതി നല്‍കിയത്. തുടര്‍ന്നാണ് സൈബര്‍ സെല്ലിന്‍റെ സഹായത്തോടെയാണ് പ്രതിയെ പിടികൂടിയത്. ഫോട്ടോയെടുത്തശേഷം പശ്ചാത്തലം മുഴുവന്‍ എഡിറ്റ് ചെയ്ത് മാറ്റിയശേഷം പെണ്‍കുട്ടികള്‍ക്ക് അയച്ചുകൊടുക്കുകയായിരുന്നു. തുടര്‍ന്ന് വ്യാജ ഫോണ്‍ നമ്പറുകള്‍ ഉപയോഗിച്ച് രാത്രിയില്‍ പെണ്‍കുട്ടികളെ വീഡിയോ കാള്‍ ചെയ്ത് ഭീഷണിപ്പെടുത്തുകയായിരുന്നു. തുടര്‍ന്നാണ് വീട്ടുകാര്‍ പരാതിയുമായി പൊലീസിനെ സമീപിച്ചത്.