തിരുവനന്തപുരം: നിയമസഭാ തെരഞ്ഞെടുപ്പിൻ്റെ വോട്ടിംഗ് കേരളത്തിൽ ആരംഭിച്ചു. രാവിലെ ഏഴ് മണിക്ക് പോളിംഗ് ആരംഭിക്കും മുൻപേ തന്നെ ബൂത്തുകളിൽ വോട്ടർമാരുടെ നീണ്ട നിര ദൃശ്യമായിരുന്നു. പ്രമുഖ വ്യക്തിത്വങ്ങളെല്ലാം അതിരാവിലെ തന്നെ ക്യൂവിലെത്തി തങ്ങളുടെ സമ്മിതദാനവകാശം വിനിയോഗിച്ചു.
- കോഴിക്കോട് ജില്ലാ കളക്ടർ ഡോ.എസ്. സാംബശിവറാവു കോഴിക്കോട് സെൻ്റ് മൈക്കിൾസ് സ്കൂളിൽ വോട്ട് രേഖപ്പെടുത്തി
- ബാലുശ്ശേരി മണ്ഡലത്തിലെ 145-ാം ബൂത്തായ മൊടക്കല്ലൂർ എയുപി സ്കൂളിൽ ബിജെപി അധ്യക്ഷൻ കെ.സുരേന്ദ്രൻ വോട്ടു രേഖപ്പെടുത്തി
- തൃപ്പൂണിത്തുറയിലെ യുഡിഎഫ് സ്ഥാനാർഥി കെ ബാബു തൃപ്പൂണിത്തുറ ഗവ. ഗേൾസ് സ്കൂളിൽ വോട്ട് ചെയ്തു.
- കൽപ്പറ്റ എസ് കെ എം ജെ സ്കൂളിൽ 28-ാം നമ്പർ ബൂത്തിൽ എംവി ശ്രേയാംസ്കുമാർ വോട്ട് രേഖപ്പെടുത്തി
- മലപ്പുറം പാണക്കാട് സി.കെ.എം.എൽ.പി സ്കൂളിൽ 97 എ ബൂത്തിൽ പി.കെ.കുഞ്ഞാലിക്കുട്ടി വോട്ടു ചെയ്തു
- മുൻമന്ത്രിയും പിറവം നിയോജകമണ്ഡലം യുഡിഎഫ് സ്ഥാനാർത്ഥിയായ അനൂപ് ജേക്കബ് രാവിലെ 7 മണിക്ക് തിരുമാറാടി വൊക്കേഷണൽ ഹയർ സെക്കൻഡറി സ്കൂളിലെ 139 ാം നമ്പർ ബൂത്തിൽ കുടുംബസമേതം എത്തി ആദ്യ വോട്ടറായി വോട്ട് രേഖപ്പെടുത്തി.
- കൂത്തുപറമ്പ് എൽ ഡി എഫ് സ്ഥാനാർഥി കെ.പി മോഹനൻ പുത്തൂർ എൽ പി സ്ക്കൂളിൽ 83 - നമ്പർ ബൂത്തിൽ ആദ്യ വോട്ടറായി വോട്ട് രേഖപ്പെടുത്തി.
- കൊല്ലം നിയോജക മണ്ഡലം യുഡിഎഫ് സ്ഥാനാർത്ഥി അഡ്വ. ബിന്ദുകൃഷ്ണ ചാത്തന്നൂർ നിയോജക മണ്ഡലത്തിലെ കൈതക്കുഴി ഗവ. എൽ.പി സ്കൂളിൽ (ബൂത്ത് നമ്പർ 19 ) വോട്ട് രേഖപ്പെടുത്തി.
- മലപ്പുറം ലോക്സഭ ഉപതെരെഞ്ഞെടുപ്പ് യു.ഡി.എഫ് സ്ഥാനാർത്ഥി എം.പി.അബ്ദു സമദ് സമദാനി കോട്ടക്കൽ ആമപ്പാറ എ .എം.എൽ.പി സ്കൂളിൽ വോട്ട് രേഖപ്പെടുത്തി
- അമ്പലപ്പുഴ യുഡിഎഫ് സ്ഥാനാർഥി എം. ലിജു, ഹരിപ്പാട് ആനാരി യുപി സ്കൂളിൽ വോട്ട് രേഖപ്പെടുത്താൻ എത്തി
- തൊടിയൂർ 180 നമ്പർ ബൂത്തിൽ കരുനാഗപ്പള്ളി ഇടതുമുന്നണി സ്ഥാനാർഥി ആർ.രാമചന്ദ്രൻ വോട്ട് ചെയ്തു.
- കൊങ്ങോർപ്പിള്ളി 45 ആം ബൂത്തിൽ വികെ ഇബ്രാഹിം കുഞ്ഞ്, യുഡിഫ് സ്ഥാനാർത്ഥി വി.ഇ. അബ്ദുൽ ഗഫൂർ എന്നിവർ വോട്ട് രേഖപ്പെടുത്തി.
- വട്ടിയൂർക്കാവ് മണ്ഡലം എൽഡിഎഫ് സ്ഥാനാർഥി വി. കെ പ്രശാന്ത് കഴക്കൂട്ടം സെന്റ് ആന്റണീസ് LP സ്കൂളിലെ ഒൻപതാം നമ്പർ ബൂത്തിൽ വോട്ടു രേഖപ്പെടുത്തി
- തൃശൂർ മണ്ഡലം യു ഡി എഫ് സ്ഥാനാർത്ഥി പത്മജ വേണുഗോപാൽ പൂങ്കുന്നം ഹരിശ്രീ സ്കൂളിൽ വോട്ട് രേഖപ്പെടുത്തി.
-
തിരുവനന്തപുരം മണ്ഡലം ബിജെപി സ്ഥാനാർഥി ജി കൃഷ്ണകുമാർ കാഞ്ഞിരംപാറ ഗവണ്മെന്റ് എൽപി സ്കൂളിൽ വോട്ട് ചെയ്തു ഭാര്യ സിന്ധുവിനും മക്കൾ ദിയയ്ക്കും ഇഷാനിക്കും ഒപ്പമാണ് സ്ഥാനാർത്ഥി വോട്ട് ചെയ്യാനെത്തിയത്.
-
ബിഷപ്പ് മാർ ജോസഫ് പള്ളിക്കാപറമ്പിൽ പാലാ സെന്റ് തോമസ് ഹയർ സത്യം സെക്കണ്ടറി സ്കൂളിലെ ബൂത്തിലെത്തി വോട്ട് രേഖപ്പെടുത്തി
-
ഈരാറ്റുപേട്ട കുറ്റിപ്പാറ സ്കൂളിലെ 17 നമ്പർ ബൂത്തിൽ പി സി ജോർജ് വോട്ട് രേഖപ്പെടുത്തി
-
കടുത്തുരുത്തി യു ഡി എഫ് സ്ഥാനാർഥി മോൻസ് ജോസഫ് സെൻ്റ മാർത്താസ് സ്കൂൾ പൂഴിക്കോലിലെ ബൂത്ത് നമ്പർ 18 - ൽ വോട്ട് രേഖപ്പെടുത്തി. കുടുംബത്തോടൊപ്പമാണ് എത്തിയത്
-
യുഡിഎഫ് സ്ഥാനാർഥിയും വയനാട് ഡിസിസി പ്രസിഡണ്ടുമായ ഐ സി ബാലകൃഷ്ണൻ നടവയൽ infant ജീസസ് സ്കൂളിൽ വോട്ട് രേഖപ്പെടുത്തി
-
കോണ്ഗ്രസ് നേതാവ് കെ സി വേണുഗോപാൽ ആലപ്പുഴ തിരുവമ്പാടി ഹയർ സെക്കൻഡറി സ്കൂളിൽ വോട്ട് ചെയ്തു.
-
കോടിയേരി ബാലകൃഷ്ണൻ ,ഭാര്യ വിനോദിനി ബാലകൃഷ്ണൻ, ബിനോയ് കോടിയേരി എന്നിവർ കോടിയേരി ജൂനിയർ ബേസിക് സ്കൂളിൽ വോട്ട് ചെയ്തു.
-
കെ.ടി. ജലീൽ മലപ്പുറം ജിഎംഎൽപി സ്കൂളിൽ വോട്ട് ചെയ്തു. ഇരിങ്ങാലക്കുട ഡോൺബോസ്ക്കോ സ്കൂളിൽ സിനിമ താരം ഇന്നസെന്റ വോട്ട് രേഖപെടുത്തി.