പ്രചാരണത്തിനിടെ അപകടം; റോജി എം ജോണിന്‍റെ പര്യടന വാഹനങ്ങള്‍ക്ക് മീതെ പോസ്റ്റും മരവും വീണു

എയർപോർട്ട് മരോട്ടിച്ചോട് കനാൽ ബണ്ട് റോഡിൽ വൈകിട്ട് ആറരയോടെയാണ് അപകടം ഉണ്ടായത്. ശക്തമായ മഴയിലും കാറ്റിലുമാണ് വൈദ്യുതി പോസ്റ്റും മരവും വീണത്. 

കൊച്ചി: അങ്കമാലിയിലെ യുഡിഎഫ് സ്ഥാനാർത്ഥി റോജി എം ജോണിന്‍റെ പര്യടന വാഹനങ്ങൾക്ക് മീതെ വൈദ്യുതി പോസ്റ്റും മരവും വീണു. സ്ഥാനാർത്ഥിയും സംഘവും അപകടത്തിൽ നിന്ന് പരിക്കേല്‍ക്കാതെ രക്ഷപ്പെട്ടു. എയർപോർട്ട് മരോട്ടിച്ചോട് കനാൽ ബണ്ട് റോഡിൽ വൈകിട്ട് ആറരയോടെയാണ് അപകടം ഉണ്ടായത്. ശക്തമായ മഴയിലും കാറ്റിലുമാണ് വൈദ്യുതി പോസ്റ്റും മരവും വീണത്. വൈദ്യുതി ബന്ധം വിഛേദിക്കപ്പെട്ടതിനാൽ വൻ ദുരന്തം ഒഴിവായി. അങ്കമാലിയിൽ നിന്നും ഫയർഫോഴ്‌സ് എത്തിയാണ് മരം വെട്ടിമാറ്റിയത്.