മാവോയിസ്റ്റ് ഭീഷണി; മലപ്പുറത്തെ മൂന്ന് മണ്ഡലങ്ങളിലും വയനാട്ടിലും പരസ്യപ്രചാരണം ആറ് മണിക്ക് നിര്‍ത്തണം

ഏറനാട്, നിലമ്പൂർ, വണ്ടൂർ മണ്ഡലങ്ങളിലാണ് പ്രചാരണം നേരത്തെ അവസാനിക്കുക. ഈ മണ്ഡലങ്ങളിൽ വോട്ടെടുപ്പും ചൊവ്വാഴ്ച്ച ആറ് മണിക്ക് അവസാനിക്കും. 

മലപ്പുറം: മലപ്പുറത്തെ മൂന്ന് മണ്ഡലങ്ങളിൽ പരസ്യപ്രചാരണം ആറ് മണിക്ക് അവസാനിക്കും. ഏറനാട്, നിലമ്പൂർ, വണ്ടൂർ മണ്ഡലങ്ങളിലാണ് പ്രചാരണം നേരത്തെ അവസാനിക്കുക. ഈ മണ്ഡലങ്ങളിൽ വോട്ടെടുപ്പും ചൊവ്വാഴ്ച്ച ആറ് മണിക്ക് അവസാനിക്കും. മാവോയിസ്റ്റ് ഭീഷണിയെ തുടര്‍ന്നാണ് ഇവിടെ പ്രാചരണം നേരത്തെ അവസാനിപ്പിക്കുന്നത്. വയനാട്ടിലും പരസ്യപ്രചാരണം ആറ് മണിക്ക് അവസാനിപ്പിക്കും.