പഴയ 'ചായ് പേ ചർച്ച'കളുണ്ടോ ഇപ്പോഴും ഉത്തരേന്ത്യയിൽ? ഭോപ്പാലിലെ ചായക്കടകളിലൂടെ ഒരു യാത്ര

ഉത്തരേന്ത്യൻ സംസ്ഥാനങ്ങളിലെ ചായക്കടകളെന്നും സജീവമാണ്. പ്രത്യേകിച്ച് ശീതകാലം തുടങ്ങിയതോടെ, തണുപ്പാറ്റാൻ ഒരു ചൂട് ചായ നിർബന്ധമാണ് എല്ലാവർക്കും. ചായക്കടകളിലെ ചൂടുചായയ്ക്കൊപ്പം ചർച്ചകൾക്ക് ചൂടേറ്റാൻ ഇപ്പോൾ ഒരു കാരണവുമുണ്ട്. തെരഞ്ഞെടുപ്പല്ലേ, ആര് ജയിയ്ക്കും? ആര് വീഴും? കൊണ്ടുപിടിച്ച ചർച്ചയാണ് ഭോപ്പാൽ നഗരത്തിലെ ചായക്കടകൾക്ക് മുന്നിൽ. ഞങ്ങളുടെ പ്രതിനിധി പി.ആർ.സുനിൽ ചായക്കടകളിലൂടെ നടത്തിയ യാത്ര കാണാം.

ഭോപ്പാൽ: ലോക്സഭാ തെരഞ്ഞെടുപ്പിലാണ് പ്രധാനമന്ത്രി നരേന്ദ്രമോദി 'ചായ് പേ ചർച്ച' ട്രെൻഡാക്കിയത്. ഒരു രാഷ്ട്രീയനേതാവ് ആഹ്വാനം
ചെയ്താലുമില്ലെങ്കിലും നമ്മുടെ നാട്ടിലും അങ്ങ് ഉത്തരേന്ത്യയിലും ചായയും രാഷ്ട്രീയവും നല്ല അസ്സൽ കോംബിനേഷനാണ്. ജനവികാരമറിയാൻ ഞങ്ങളും ചായക്കടകളിലൂടെ ഒന്നു ചുറ്റിനടന്നു നോക്കി.