ഷോക്കിംഗ്, ബിഗ് ബോസില് നിന്ന് ഒരാള് കൂടി പുറത്ത്
Synopsis
അമ്പതാം ദിവസവും ഒരു എവിക്ഷൻ.
ബിഗ് ബോസില് നിന്ന് ഒരു മത്സരാര്ഥി കൂടി പുറത്തായി. റെനാ ഫാത്തിമയാണ് പ്രേക്ഷകരുടെ വോട്ടിംഗിന്റെ അടിസ്ഥാനത്തില് ഇന്ന് പുറത്തായത്. മുൻഷി രഞ്ജിത്ത്, ആര്ജെ ബിൻസി, കലാഭവൻ സരിഗ, ശാരിക കെ ബി അപ്പാനി ശരത്, ശൈത്യ സന്തോഷ്, പ്രവീണ്, മസ്താനി എന്നിവരാണ് ഇതിനകം വീട്ടില് നിന്ന് വോട്ടിന്റെ അടിസ്ഥാനത്തില് പുറത്തായ മറ്റ് മത്സരാര്ഥികള്. രേണു സുധിയാകട്ടെ സ്വന്തം തീരുമാന പ്രകാരം വീട്ടില് നിന്ന് പുറത്തുപോകുകയും ചെയ്തിരുന്നു.
ആരാണ് റെന ഫാത്തിമ?
ബിഗ് ബോസ് സീസൺ 7 ൽ വ്യത്യസ്തതയാർന്ന മേഖലകളിൽ പ്രാവീണ്യം തെളിയിച്ച വിവിധ ഏജ് ഗ്രൂപ്പിൽ ഉൾപ്പെടുന്ന മത്സരാർഥികളാണ് എത്തിയ്ത. കൂട്ടത്തിൽ ഏറ്റവും പ്രായം കുറഞ്ഞ കണ്ടസ്റ്റന്റായിരുന്നു റെന ഫാത്തിമ. 19 വയസ്സ് മാത്രം പ്രായം, വിദ്യാർത്ഥി, പഠനത്തിനൊപ്പം പാർട്ട് ടൈം ജോലിക്ക് പോയി തുടങ്ങി, ഒടുവിൽ സ്വന്തമായി യൂട്യൂബ് ചാനൽ തുടങ്ങി, തന്റെ ചെറു പ്രായത്തിൽ തന്നെ സ്വന്തമായി സമ്പാദിച്ച് ജീവിക്കുന്ന മിടുമിടുക്കി. അതാണ് റെന ഫാത്തിമ.
കോഴിക്കോട് സ്വദേശിയായ റെന എട്ടാം ക്ലാസ്സിൽ പഠിക്കുമ്പോഴാണ് ആദ്യമായി ഒരു റിയാക്ഷൻ വീഡിയോ ചെയ്യുന്നത്. അപ്രതീക്ഷിതമായി ആ വീഡിയോ തരംഗമാകുകയായിരുന്നു. പിന്നീടങ്ങോട്ടാണ് എന്തുകൊണ്ട് തനിക്ക് ദിവസവും ഓരോ വീഡിയോ ചെയ്തുകൂടാ എന്ന് റെന ചിന്തിച്ചത്. വീട്ടുകാരിൽ നിന്നും റെനക്ക് സപ്പോർട്ട് തന്നെയാണ് കിട്ടിയത്. പ്ലസ് വണ്ണിൽ പഠിക്കുമ്പോഴാണ് റെന ആലിബുമായി പ്രണയത്തിലാകുന്നത്. പ്രണയം തമാശയായി കൊണ്ടുപോകാൻ റെനക്ക് താൽപ്പര്യം ഉണ്ടായിരുന്നില്ല. അതുകൊണ്ട് തന്നെ പ്രണയം വീട്ടിൽ തുറന്ന് പറയുകയും ഇരുവരും തമ്മിലുള്ള ബന്ധം വീട്ടുകാർ അംഗീകരിച്ച് അതുറപ്പിക്കുകയും ചെയ്തു. ഏതായാലും വിവാഹം ഉറപ്പിച്ച ശേഷം പിന്നീട് ആലിബും റെനയോടൊപ്പം വീഡിയോകളിൽ പ്രത്യക്ഷപ്പെടാൻ തുടങ്ങി. ഇരുവരും കൂടി മണാലി വിസിറ്റ് ചെയ്യാൻ പോയ വീഡിയോ സോഷ്യൽ മീഡിയയിൽ തരംഗമായിരുന്നു. നിലവിൽ റെന ഫാഷൺ വ്ളോഗ്ഗുകളും, അതോടൊപ്പം ഡെയിലി വ്ളോഗ്ഗുകളും ചെയ്യുന്നുണ്ട്. അതിനിടെയിലാണ് ബിഗ് ബോസിലേക്ക് റെന ഫാത്തിമയ്ക്ക് അവസരം ലഭിച്ചത്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക