
മിനി സ്ക്രീൻ പ്രേക്ഷകർക്ക് സുപരിചിതയാണ് സിനിമാ സീരിയൽ താരം ആൻ മരിയ. സീരിയലുകൾക്കും സിനിമകൾക്കും പുറമേ ചില സിനിമകളിലും വെബ് സീരീസുകളിലും ആൻമരിയ അഭിനയിച്ചിട്ടുണ്ട്. അടുത്തിടെയാണ് ഫുഡ് വ്ളോഗറായ ഷാൻ ജിയോയുമായി ആൻമരിയ വേർപിരിഞ്ഞത്. ഇരുവരുടെയും രണ്ടാം വിവാഹമായിരുന്നു ഇത്. തന്റെ രണ്ടു വിവാഹമോചനങ്ങളെക്കുറിച്ചും ആൻമരിയ പല അഭിമുഖങ്ങളിലും തുറന്നുപറഞ്ഞിട്ടുണ്ട്. തന്റെ എല്ലാ കാര്യങ്ങളും മനസിലാക്കി കൂടെ നിൽക്കുന്നയാളാണ് മകളെന്ന് ആൻമരിയ പറയുന്നു.
''വീട്ടുകാര്ക്ക് വേണ്ടിയാണ് ഞാന് ജീവിക്കുന്നതെന്ന് മനസിലാക്കിയാണെന്ന് തോന്നുന്നു, മമ്മിക്ക് സെല്ഫ് ലവ് ഇല്ല, സെല്ഫ് കെയര് ഇല്ല, മമ്മി ഇനി വേണം മമ്മിക്ക് ഇഷ്ടമുള്ളത് പോലെ പോവാന്, എന്നെ നോക്കരുത് എന്നാണ് മോള് എന്നോട് പറയുന്നത്. മമ്മി ഇനിയെങ്കിലും മമ്മിക്ക് വേണ്ടി ജീവിക്കണം. മറ്റുള്ളവരെന്ത് പറയും എന്നതൊന്നും ആലോചിക്കരുത്. കൂടെയുള്ളവര്ക്ക് വേണ്ടി എന്തും ചെയ്യുന്ന പ്രകൃതമാണ് എന്റേത്. അങ്ങനെയൊന്നും വേണ്ട, മമ്മിക്ക് വേണ്ടിയും ജീവിക്കണം എന്നാണ് അവള് പറഞ്ഞത്. എല്ലാം മനസിലാക്കി കൂടെ നില്ക്കുന്ന മോളാണ് എന്റേത്.
സെപ്പറേറ്റഡായതിന് ശേഷം ഞാനൊരുപാട് കാര്യങ്ങള് പഠിച്ചു. മോള് പറഞ്ഞത് പോലെ ഒരുപാട് ബോണ്ടിംഗ് കാണിക്കുമ്പോള് ഞാന് തന്നെ തകര്ന്നുപോയിട്ടുണ്ട്. ബന്ധങ്ങള് വേണം, പക്ഷേ, ചത്ത് കിടന്നുള്ളത് വേണ്ട. ഒരു കൈ അകലത്തില് മതി എന്ന് സ്വയം തിരിച്ചറിഞ്ഞു. മോള്ക്ക് എല്ലാം തിരിച്ചറിയാന് പറ്റുന്ന പ്രായമായിരുന്നല്ലോ, എല്ലാം മനസിലാക്കിയാണ് അവള് മമ്മി, മമ്മിയുടെ തീരുമാനം എടുത്തോളൂ എന്ന് പറഞ്ഞത്. എന്റെ മമ്മി എല്ലാം അറിയിച്ചാണ് എന്നെ വളര്ത്തിയത്. അതുപോലെ, വിഷമങ്ങളെല്ലാം അറിയിച്ചു തന്നെയാണ് മോളെ വളര്ത്തിയത്. പറയുന്നതെല്ലാം സാധിച്ചു കൊടുക്കാറില്ല. ഇല്ലായ്മയൊക്കെ അറിയിച്ച് തന്നെയാണ് വളര്ത്തുന്നത്'', ആൻമരിയ അഭിമുഖത്തിൽ പറഞ്ഞു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ