നടി അനുശ്രീയുടെ മനോഹരമായ കാൻഡിഡ് ഫോട്ടോകള്, ക്യൂട്ടെന്ന് ആരാധകര്
Synopsis
നടി അനുശ്രീ പങ്കുവെച്ച കാൻഡിഡ് ഫോട്ടോകള് ശ്രദ്ധയാകര്ഷിക്കുന്നു.
മലയാളി പ്രേക്ഷകരുടെ പ്രിയങ്കരിയായ താരങ്ങളില് ഒരാളാണ് അനുശ്രീ. അനുശ്രീ സാമൂഹ്യ മാധ്യമത്തിലും സജീവമായി ഇടപെടുന്ന താരമാണ്. നടി അനുശ്രീ പങ്കുവെയ്ക്കുന്ന ഫോട്ടോകള് ഓണ്ലൈനില് വലിയ രീതിയില് ശ്രദ്ധയാകര്ഷിക്കാറുണ്ട്. ഇപ്പോള് അനുശ്രീയുടെ മനോഹരമായ കാൻഡിഡ് ഫോട്ടോകളാണ് ആരാധകര് ഏറ്റെടുക്കുന്നത്.
അനുശ്രീയുടേതായി ഏറ്റവും ഒടുവില് പ്രദര്ശനത്തിന് എത്തിയത് മോഹൻലാല് നായകനായ 'ട്വല്ത്ത് മാനാ'ണ്. ജീത്തു ജോസഫ് ആണ് ചിത്രം സംവിധാനം ചെയ്തത്. ചിത്രത്തില് നിര്ണായകമായ ഒരു കഥാപാത്രത്തെ അവതരിപ്പിച്ച അനുശ്രീക്ക് ഏറെ പ്രശംസ ലഭിച്ചിരുന്നു. 'താര' എന്ന ഒരു ചിത്രമാണ് ഇനി അനുശ്രീയുടേതായി പ്രദര്ശനത്തിന് എത്താനുള്ളത്.
ദെസ്വിൻ പ്രേം ആണ് ചിത്രം സംവിധാനം ചെയ്യുന്നത്. നായികയായ അനുശ്രീയുടെ കഥാപാത്രത്തെ കേന്ദ്രീകരിച്ചിട്ടുള്ളതാണ് 'താര'. ദെസ്വിൻ പ്രേമിന്റേതാണ് ചിത്രത്തിന്റെ കഥയും. ബിനീഷ് പുതുപ്പണമാണ് ചിത്രത്തിന്റെ ഗാനരചന നിര്വഹിച്ചിരിക്കുന്നത്. ജെബിൻ ജെ ബി പ്രഭ ജോസഫാണ് 'താര നിര്മിക്കുന്നത്. സമീര് പി എം ആണ് എക്സിക്യുട്ടീവ് പ്രൊഡ്യൂസര്. അന്റോണിയോ മോഷൻ പിക്ചേഴ്സ്, ക്ലോസ് ഷോട് എന്റര്ടെയ്ൻമെന്റ്സ്, സമീര് മൂവീസ് എന്നീ ബാനറിലാണ് ചിത്രത്തിന്റെ നിര്മാണം.
ചെന്നൈ നഗരത്തിൽ നിന്നും കൊച്ചിയിലേക്ക് യാത്ര ചെയ്യുന്ന 'സിതാര'യിലൂടെയും 'ശിവ'യിലൂടെയുമാണ് ചിത്രത്തിന്റെ കഥ വികസിക്കുന്നത്. 'സിതാര'യായി അനുശ്രീ വേഷമിടുമ്പോള് ചിത്രത്തിലെ നായകൻ 'ശിവ'യായി സനല് അമൻ എത്തുന്നു. ഛായാഗ്രഹണം ബിബിൻ ബാലകൃഷ്ണൻ ആണ്. വസ്ത്രാലങ്കാരം അഞ്ജന തങ്കച്ചൻ, കാസ്റ്റിംഗ് ഡയറക്ടർ ജെബിൻ ജെസ്മസ്, മേക്കപ്പ് മണികണ്ഠൻ മരത്താക്കര, ചീഫ് അസോസിയേറ്റ് ഡയറക്ടർ സജിത്ത് പഗോമേത്, പിആർഒ പ്രതീഷ് ശേഖർ എന്നിവരാണ് 'താര' എന്ന ചിത്രത്തിന്റെ മറ്റ് പ്രവര്ത്തകര്.