തമിഴകത്ത് ധനുഷ് ആരവം, 'വാത്തി'യുടെ കളക്ഷൻ റിപ്പോര്ട്ട് പുറത്ത്
Synopsis
വമ്പൻ വിജയമാണ് ധനുഷ് നായകനായ ചിത്രം 'വാത്തി' നേടിക്കൊണ്ടിരിക്കുന്നത്.
ധനുഷ് നായകനായി ഒടുവില് പ്രദര്ശനത്തിനെത്തിയ ചിത്രമാണ് 'വാത്തി'. മലയാളി നടി സംയുക്തയാണ് നായിക. മികച്ച പ്രതികരണമാണ് ധനുഷിനറെ 'വാത്തി'ക്ക് തിയറ്ററുകളില് നിന്ന് ലഭിക്കുന്നത്. ഇപ്പോഴിതാ 'വാത്തി'യുടെ ബോക്സ് ഓഫീസ് കളക്ഷൻ റിപ്പോര്ട്ട് പുറത്തുവിട്ടിരിക്കുകയാണ്.
വെങ്കി അറ്റ്ലൂരി സംവിധാനം ചെയ്തിരിക്കുന്ന ചിത്രം ഇതുവരെ നേടിയത് 75 കോടി രൂപയാണ്. തമിഴകത്ത് ഗ്യാരന്റിയുള്ള നടൻ എന്ന തന്റെ സ്ഥാനം അടിവരയിടുകയാണ് ധനുഷ് 'വാത്തി'യിലൂടെ. ജി വി പ്രകാശ് കുമാറാണ് ചിത്രത്തിന്റെ സംഗീത സംവിധാനം നിര്വഹിച്ചിരിക്കുന്നത്. ചിത്രത്തിന്റെ ഓഡിയോ റൈറ്റ്സ് 3.75 കോടി രൂപയ്ക്ക് ആദിത്യ മ്യൂസിക് സ്വന്തമാക്കിയിരുന്നു. വംശി എസും സായ് സൗജന്യയും ചേര്ന്നാണ് 'വാത്തി' നിര്മിച്ചിരിക്കുന്നത്. നവീൻ നൂളി ആണ് ചിത്രത്തിന്റെ ചിത്രസംയോജനം നിര്വഹിച്ചിിക്കുന്നത്. ധനുഷ് നായകനാകുന്ന ചിത്രത്തിന്റെ തിരക്കഥ എഴുതിയിരിക്കുന്നത് വെങ്കി അറ്റ്ലൂരി തന്നെയാണ്.
ധനുഷിന്റേതായി 'നാനേ വരുവേൻ' എന്ന ചിത്രമാണ് ഇതിനുമുമ്പ് പ്രദര്ശനത്തിന് എത്തിയത്. ധനുഷിന്റെ സഹോദരൻ സെല്വരാഘവൻ ആണ് ചിത്രം സംവിധാനം ചെയ്തത്. സെല്വരാഘവൻ അതിഥി കഥാപാത്രമായി ചിത്രത്തില് അഭിനയിക്കുന്നുമുണ്ട്. ഇന്ദുജ ആണ് ചിത്രത്തിലെ നായിക. ധനുഷ് തന്നെയാണ് ചിത്രത്തിന്റെ കഥ എഴുതിയത്. ധനുഷിന്റെ പ്രകടനത്തിന് മികച്ച അഭിപ്രായങ്ങള് നേടാനായിരുന്നു. ബോക്സ് ഓഫീസില് ചിത്രം മോശമല്ലാത്ത വിജയം സ്വന്തമാക്കിയിരുന്നു.
ചിത്രത്തിലെ ഗാനങ്ങളും റിലീസിന് മുന്നേ തന്നെ ശ്രദ്ധിക്കപ്പെട്ടിരുന്നു. യുവാന് ശങ്കര് രാജയാണ് ചിത്രത്തിന്റെ സംഗീത സംവിധായകൻ. 'സാനി കായിദ'ത്തിന്റെ ക്യാമറ കൈകാര്യം ചെയ്ത യാമിനി യജ്ഞമൂര്ത്തിയാണ് ഛായാഗ്രഹണം. കലാസംവിധാനം ബി കെ വിജയ് മുരുകന്. 'നാനേ വരുവേൻ' എന്ന ചിത്രം നിര്മിച്ചിരിക്കുന്നത് കലൈപ്പുലി എസ് താണുവാണ്. വി ക്രിയേഷന്സിന്റെ ബാനറിലായിരുന്നു ചിത്രത്തിന്റെ നിര്മാണം. വിഎഫ്എക്സ് സൂപ്പര്വൈസര് പ്രവീണ് ഡിയായിരുന്നു.
Read More: പുതിയ തുടക്കമെന്ന് പൃഥ്വിരാജ്, സസ്പെൻസ് എന്തെന്ന് അന്വേഷിച്ച് ആരാധകരും