ആ അപ്‍ഡേറ്റ് എത്തി, ധനുഷ് ചിത്രം ക്യാപ്റ്റൻ മില്ലെര്‍ ആവേശമാകും

ധനുഷ് നായകനായി വേഷമിടുന്ന പുതിയ ചിത്രം ക്യാപ്റ്റൻ മില്ലെറിന്റെ അപ്‍ഡേറ്റ് പുറത്ത്.

ധനുഷ് നായകനായി പ്രേക്ഷകര്‍ കാത്തിരിക്കുന്ന ചിത്രമാണ് ക്യാപ്റ്റൻ മില്ലെര്‍. പൊങ്കല്‍ റിലീസായിട്ടാണ് ക്യാപ്റ്റൻ മില്ലെറെത്തുക. അതുകൊണ്ട് ആരാധകര്‍ ആവേശശത്തിലുമാണ്. ധനുഷ് നായകനാകുന്ന ക്യാപ്റ്റൻ മില്ലെര്‍ സിനിമയുടെ ഗാനത്തിന്റെ അപ്‍ഡേറ്റ് പുറത്തുവിട്ടിരിക്കുകയാണ്.

കില്ലെര്‍ കില്ലെര്‍ എന്ന ഗാനം ചിത്രത്തിലേതായി 22ന് പുറത്തുവിടും എന്നാണ് പ്രഖ്യാപിച്ചിരിക്കുന്നത്. സംവിധാനം അരുണ്‍ മതേശ്വരാണ്. പ്രിയങ്ക മോഹനാണ് നായികയായി എത്തുന്നത്. വമ്പൻ ക്യാൻവാസില്‍ ഒരുങ്ങുന്ന ചിത്രവുമാണ്. തിരക്കഥയെഴുതുന്നതും അരുണ്‍ മതേശ്വരനാണ്. ഛായാഗ്രാഹണം നിര്‍വഹിക്കുന്നത് സിദ്ധാര്‍ഥാണ്. രസകരമായ ഒരു ഗാനം ധനുഷ് ചിത്രത്തില്‍ പാടും എന്ന് വെളിപ്പെടുത്തി ക്യാപ്റ്റൻ മില്ലെറിന്റെ സംഗീത സംവിധായകൻ ജി വി പ്രകാശ് കുമാര്‍ രംഗത്ത് എത്തിയത് ആരാധകരെ ആവേശത്തിലാക്കിയിരുന്നു.

വാത്തിയാണ് ധനുഷ് നായകനായി വേഷമിട്ടവയില്‍ ഒടുവില്‍ പ്രദര്‍ശനത്തിന് എത്തിയത്. വെങ്കി അറ്റ്‍ലൂരിയായിരുന്നു വാത്തി തിരക്കഥയെഴുതി സംവിധാനം ചെയ്‍തത്. മലയാളി നടി സംയുക്തയായിരുന്നു നായികയായത്. സംഗീതം ജി വി പ്രകാശ് കുമാറായിരുന്നു. ഗവംശി എസും സായ് സൗജന്യയും ചേര്‍ന്നാണ് 'വാത്തി' നിര്‍മിച്ചിരിക്കുന്നത്. ജെ യുവരാജാണ് വാത്തിയുടെ ഛായാഗ്രാഹണം. സമുദ്രക്കനിയും പ്രവീണയും പ്രധാന കഥാപാത്രങ്ങളായി ചിത്രത്തില്‍ ഉണ്ടായിരുന്നു. ചിത്രത്തിലെ ഗാനങ്ങളും ആരാധകര്‍ ഏറ്റെടുത്തിരുന്നു.

രജനികാന്ത് അതിഥി വേഷത്തിലെത്തുന്ന പുതിയ ചിത്രം ലാല്‍ സലാം ധനുഷിന്റെ മുൻ ഭാര്യയുമായ ഐശ്വര്യ രജനികാന്തിന്റെ സംവിധാനത്തില്‍ 2024 പൊങ്കലിന് റിലീസ് ചെയ്യുമെന്ന് നേരത്തെ പ്രഖ്യാപിച്ചിരുന്നു. ധനുഷ് നായകനായി '3'ഉം 'എന്ന ചിത്രത്തിനു പുറമേ വെയ് രാജ വെയ്', സിനിമാ വീരൻ എന്നിവയും സംവിധാനം ചെയ്യുകയും 'സ്റ്റാൻഡിംഗ് ഓണ്‍ ആൻ ആപ്പിള്‍ ബോക്സ്: ദ സ്റ്റോറി ഓഫ് എ ഗേള്‍ എമംഗ് ദ സ്റ്റാര്‍' എന്ന പുസ്‍തകം എഴുതുകയും ചെയ്‍ത് ഐശ്വര്യയുടെ ലാല്‍ സലാമില്‍ വിഷ്‍ണു വിശാല്‍ നായകനാകുമ്പോള്‍ മറ്റൊരു പ്രധാന വേഷത്തില്‍ വിക്രാന്തുമുണ്ട്. ഛായാഗ്രാഹണം വിഷ്‍ണു രംഗസ്വാമിയാണ്. സംഗീതം എ ആര്‍ റഹ്‍മാനും.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക