ലക്കി ഭാസ്കര് ശരിക്കും നേടിയത്?, ടെലിവിഷൻ പ്രീമിയറും പ്രഖ്യാപിച്ചു
Synopsis
ദുല്ഖറിന്റെ ലക്കി ഭാസ്കര് സിനിമ ടെലിവിഷൻ പ്രീമിയറിന്.
മലയാളത്തിന്റെ ദുല്ഖര് നായകനായ തെലുങ്ക് ചിത്രമാണ് ലക്കി ഭാസ്കര്. വൻ വിജയമായി ചിത്രം മാറിയിരുന്നു. ദുല്ഖറിന്റെ ലക്കി ഭാസ്കര് സിനിമയുടെ ടെലിവിഷൻ പ്രീമിയറും പ്രഖ്യാപിച്ചു. സ്റ്റാര് മായില് ജനുവരി 19നാണ് ചിത്രം സംപ്രേഷണം ചെയ്യുക.
വൈകിട്ട് ആറ് മണിക്കായിരിക്കും സംപ്രേഷണം. ലക്കി ഭാസ്കര് ആഗോളതലത്തില് 113.39 കോടി രൂപയിലധികം നേടിയിട്ടുണ്ട്.നേരിട്ട പരാജയങ്ങളെയെല്ലാം പഴങ്കഥയാക്കി വമ്പൻ തിരിച്ചുവരവാണ് ദുല്ഖര് നടത്തിയതെന്നാണ് റിപ്പോര്ട്ടുകള് സൂചിപ്പിച്ചത്. മൗത്ത് പബ്ലിസിറ്റിയുമായതോടെ ചിത്രത്തിന് കൂടുതല് സ്ക്രീനുകള് ലഭിക്കുകയും ഭാഷാഭേദമന്യേ ഹിറ്റാകുകയും ചെയ്യുകയായിരുന്നു.
വെങ്കി അറ്റ്ലൂരി തിരക്കഥ എഴുതി സംവിധാനം നിര്വഹിച്ചിരിക്കുന്നത് ആണ് ലക്കി ഭാസ്കര്. മീനാക്ഷി ചൗധരിയാണ് നായികയായി എത്തിയിരിക്കുന്നത്. ചിത്രത്തിന്റെ നിര്മാണം സിതാര എന്റർടെയിൻമെന്റസിന്റെ ബാനറില് ആണ്. ശബരിയാണ് ദുല്ഖര് ചിത്രത്തിന്റെ പിആര്ഒ.
കിംഗ് ഓഫ് കൊത്തയാണ് മലയാളത്തില് ഒടുവില് ദുല്ഖറിന്റേതായെത്തിയത്. ദുല്ഖറിന്റെ കിംഗ് ഓഫ് കൊത്ത സംവിധാനം ചെയ്തത് അഭിലാഷ് ജോഷി ആണ്. ഛായാഗ്രാഹണം നിര്വഹിച്ചത് നിമീഷ് രവിയാണ്. ജേക്സ് ബിജോയ്യും ഷാൻ റഹ്മാനുമാണ് സംഗീതം ഒരുക്കിയത്. അഭിലാഷ് എൻ ചന്ദ്രനായിരുന്നു തിരക്കഥ. ദുല്ഖറിന്റെ കിംഗ് ഓഫ് കൊത്ത സിനിമയില് പ്രസന്ന, ചെമ്പൻ വിനോദ്, ഗോകുൽ സുരേഷ്, വടചെന്നൈ ശരൺ, ഐശ്വര്യാ ലക്ഷ്മി, നൈല ഉഷ, ശാന്തി കൃഷ്ണ, അനിഖാ സുരേന്ദ്രൻ എന്നീ താരങ്ങളും പ്രധാന വേഷങ്ങളില് ഉണ്ടായിരുന്നു. സംഘട്ടനം രാജശേഖർ നിര്വഹിച്ച ദുല്ഖര് ചിത്രത്തിന്റെ മേക്കപ്പ് റോണെക്സ് സേവ്യര്, പ്രൊഡക്ഷൻ ഡിസൈനർ നിമേഷ് താനൂർ, കൊറിയോഗ്രാഫി ഷെറീഫ്, വസ്ത്രാലങ്കാരം പ്രവീൺ വർമ, പ്രൊഡക്ഷൻ കൺട്രോളർ ദീപക് പരമേശ്വര്, സ്റ്റിൽ ഷുഹൈബ് എസ് ബി കെയും ആണ്.
Read More: റിലീസായി വെറും ആറ് ദിവസം, ടെലിവിഷനില് ഗെയിം ചേഞ്ചര്, ഞെട്ടിത്തരിച്ച് നിര്മാതാവ്