കണ്ണൂര് സ്ക്വാഡിന്റെ കുതിപ്പ്, മമ്മൂട്ടി ചിത്രത്തിന് മറ്റൊരു റെക്കോര്ഡും
Synopsis
കളക്ഷനു പുറമേ മമ്മൂട്ടി നായകനായ ചിത്രം കണ്ണൂര് സ്ക്വാഡിന്റെ മറ്റൊരു റെക്കോര്ഡ്.
മമ്മൂട്ടിയുടെ കണ്ണൂര് സ്ക്വാഡ് ഒട്ടേറെ കളക്ഷൻ റെക്കോര്ഡുകളാണ് ഭേദിച്ചത്. വൻ ഹൈപ്പില്ലാതെ എത്തിയിട്ടും മമ്മൂട്ടി ചിത്രം കണ്ണൂര് സ്ക്വാഡിന്റെ വിജയം പ്രതീക്ഷകള്ക്കപ്പുറമാണ്. അതുകൊണ്ടുതന്നെ മമ്മൂട്ടി നായകനായി എത്തിയ സിനിമയുടെ വിജയം പ്രാധാന്യമര്ഹിക്കുകയും ചെയ്യുന്നു. മമ്മൂട്ടിയുടെ കണ്ണൂര് സ്ക്വാഡിന്റെ ആഗോള ഷോകളുടെ എണ്ണത്തില് വൻ നേട്ടമുണ്ടായിരിക്കുന്നു എന്നാണ് പുതിയ റിപ്പോര്ട്ട്.
കണ്ണൂര് സ്ക്വാഡിന് ആഗോളതലത്തില് 50000 ഷോകള് പൂര്ത്തിയായി എന്നാണ് വിവിധ ട്രേഡ് അനലിസ്റ്റുകള് ട്വീറ്റ് ചെയ്തിരിക്കുന്നത്. ഡിസ്നി ഹോട്സ്റ്റാറാണ് മമ്മൂട്ടി ചിത്രത്തിന്റെ സ്ട്രീമിംഗ് റൈറ്റ്സ് നേടിയിരിക്കുന്നത് എന്നും നവംബറില് പ്രദര്ശനം ഉണ്ടാകുമെന്നും ഒടിടി പ്ലാറ്റ്ഫോമുമായി അടുത്തവൃത്തങ്ങള് ഏഷ്യാനെറ്റ് ന്യൂസ് ഓണ്ലൈനിലൂടെ സ്ഥിരീകരിച്ചിരുന്നു. മമ്മൂട്ടിയുടെ കണ്ണൂര് സ്ക്വാഡ് 100 കോടി രൂപ ക്ലബില് ബിസിനസില് എത്തിയെന്ന് ഔദ്യോഗികമായി അറിയിച്ചിട്ടുമുണ്ട്. റിലീസിന് കണ്ണൂര് സ്ക്വാഡ് 2.40 കോടി രൂപ നേടി ബോക്സ് ഓഫീസില് കുതിപ്പിന് തുടക്കമിട്ടപ്പോള് വൻ വിജയത്തിലേക്കുള്ളതാണ് എന്ന് ഇപ്പോള് മനസിലാകുകയും ചെയ്യുന്നു.
റോബി വര്ഗീസ് രാജാണ് സംവിധാനം. റോബി വര്ഗീസ് രാജ് സംവിധായകനായി തുടക്കം മികച്ചതാക്കിയിരിക്കുന്നുവെന്നാണ് പ്രതികരണങ്ങളും. മുഹമ്മദ് ഷാഫിക്കൊപ്പം കണ്ണൂര് സ്ക്വാഡിന്റെ തിരക്കഥാ രചനയില് നടൻ റോണി ഡേവിഡ് രാജും പങ്കാളിയപ്പോള് മികച്ച ഒരു ത്രില്ലര് ചിത്രമായിരിക്കുന്നു കണ്ണൂര് സ്ക്വാഡ്. നൻപകൽ നേരത്ത് മയക്കത്തിനും റോഷാക്കിനും ശേഷം മമ്മൂട്ടി കമ്പനിയുടെ നിര്മാണത്തില് എത്തിയ കണ്ണൂര് സ്ക്വാഡിന്റെ വിതരണം ദുല്ഖറിന്റെ വേഫെറര് ഫിലിംസും ആണ്.
കണ്ണൂര് സ്ക്വാഡിലൂടെ പ്രകടനത്തില് വിസ്മയിപ്പിക്കുന്ന താരം മമ്മൂട്ടി ബോക്സ് ഓഫീസിലും റെക്കോര്ഡുകള് തീര്ക്കുന്നതിന്റെ സന്തോഷത്തിലാണ് ആരാധകരും. മമ്മൂട്ടി ജോര്ജ് മാര്ട്ടിൻ എന്ന കഥാപാത്രമായി വിസ്മയിപ്പിക്കുമ്പോള് കണ്ണൂര് സ്ക്വാഡില് കിഷോർ കുമാർ, വിജയരാഘവൻ, അസീസ് നെടുമങ്ങാട്, ശബരീഷ്, റോണി ഡേവിഡ്, മനോജ് കെ യു, അർജുൻ രാധാകൃഷ്ണൻ, ദീപക് പറമ്പോല്, ധ്രുവൻ, ഷെബിൻ ബെൻസൺ, ശ്രീകുമാർ തുടങ്ങി നിരവധി താരങ്ങളും പ്രധാന വേഷങ്ങളിലുണ്ട്. മമ്മൂട്ടിയുടേത് മാത്രമല്ല ഓരോരുത്തരുടെയും കഥാപാത്രം സിനിമയില് നിര്ണായകവുമാണ്. മമ്മൂട്ടിയുടെ നേതൃത്വത്തില് ഉത്തരേന്ത്യയിലേക്ക് ഒരു കേസ് അന്വേഷണത്തിന് പോകുന്നതുമായി ബന്ധപ്പെട്ട സംഭവങ്ങളാണ് കണ്ണൂര് സ്ക്വാഡില് പറയുന്നത്.
Read More: അമ്പമ്പോ വമ്പൻ റെക്കോര്ഡ്, സലാറിന്റെ ഒടിടി റൈറ്റ്സ് വിറ്റതും വൻ തുകയ്ക്ക്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക