കേരള റെക്കോര്‍ഡുകള്‍ സലാര്‍ തിരുത്തും?, ഇതാ സൂചനകള്‍, പ്രഭാസിന് വൻ റിലീസ്

കേരളത്തിലെ റെക്കോര്‍ഡുകള്‍ തിരുത്താൻ സലാര്‍.  

രാജ്യമൊട്ടാകെ കാത്തിരിക്കുന്നതാണ് പ്രഭാസിന്റെ സലാര്‍. പൃഥ്വിരാജും ഒരു പ്രധാന കഥാപാത്രമായി ചിത്രത്തില്‍ എത്തുന്നതിനാല്‍ കേരളവും സലാറിന് പ്രതീക്ഷകളുള്ളതാണ്. കേരളത്തില്‍ പ്രഭാസിന്റെ സലാര്‍ ആവേശമാകുമെന്നാണ് ചിത്രത്തിന്റെ പുതിയൊരു അപ്‍ഡേറ്റ് സൂചിപ്പിക്കുന്നത്. കേരളത്തില്‍ സലാറിന് വമ്പൻ റിലീസായിരിക്കും.

കേരളത്തില്‍ ഒരു തെലുങ്ക്- കന്നഡ ചിത്രത്തിന് ലഭിക്കുന്ന വലിയ റിലീസുകളില്‍ ഒന്നായിരിക്കും സലാറിന്റേത്. കേരളത്തില്‍ ഏകദേശും മുന്നൂറിലധികം സ്‍ക്രീനുകളില്‍ ചിത്രം റിലീസ് ചെയ്യുമെന്നാണ് റിപ്പോര്‍ട്ട്. . യാഷ് നായകനായ കെജിഎഫ് ഹിറ്റാക്കിയ സംവിധായകൻ പ്രശാന്ത് നീലും പ്രഭാസും ഒരു ചിത്രത്തിനായി ഒന്നിക്കുമ്പോള്‍ കേരളവും ആവേശത്തില്‍ അലിയും. കെജിഎഫ് കേരളത്തില്‍ വമ്പൻ ഹിറ്റായിരുന്നു.

കേരളത്തില്‍ സലാര്‍ വിതരണം ചെയ്യുക ചിത്രത്തില്‍ വര്‍ദ്ധരാജ് മാന്നാര്‍ ആയി എത്തുന്ന പൃഥ്വിരാജിന്റെ പ്രൊഡക്ഷൻസാണ് എന്ന് നേരത്തെ പ്രഖ്യാപിച്ചിരുന്നു. കേരളത്തില്‍ പ്രഭാസിന്റെ സലാറിന്റെ ഫാൻസ് ഷോ സംഘടിപ്പിക്കുന്നത് ഓള്‍ കേരള പൃഥ്വിരാജ് ഫാൻസ് ആൻഡ് വെല്‍ഫെയര്‍ അസോസിയേഷനാണ് എന്നതിനാല്‍ ആരവമാകുമെന്നും ഉറപ്പ്. അസോസിയേഷന്റെ കോട്ടയം ജില്ലാ കമ്മിറ്റി ഷോ തീരുമാനിച്ചും കഴിഞ്ഞു എന്നും റിപ്പോര്‍ട്ടുകളുണ്ടായിട്ടുണ്ട്. പൃഥ്വിരാജിന്റെ സലാര്‍ കോട്ടയത്ത് അഭിലാഷ് തിയറ്ററില്‍ പ്രദര്‍ശിപ്പിക്കുമെന്ന് പ്രഖ്യാപിച്ചിട്ടുണ്ട് എന്ന് മാത്രമല്ല ടിക്കറ്റ് ബുക്കിംഗ് തുടങ്ങിയിട്ടുമുണ്ട് എന്നാണ് സാമൂഹ്യ മാധ്യമങ്ങളില്‍ നിന്ന് മനസിലാകുന്നത്.

ഡിസംബര്‍ 22നാണ് ഇന്ത്യയിലെ റിലീസ്. ഒടിടി റൈറ്റ്‍സിന് സലാറിന് 160 കോടി രൂപയാണ് ലഭിച്ചത് എന്നാണ് റിപ്പോര്‍ട്ട്. ഒടിടി റൈറ്റ്‍സ് നൈറ്റ്ഫ്ലിക്സാണ് നേടിയിരിക്കുന്നത് എന്ന് നേരത്തെ റിപ്പോര്‍ട്ടുണ്ടായിരുന്നു. ഇത് ഒരു പ്രഭാസ് ചിത്രത്തിന്റെ ഒടിടി റൈറ്റ്‍സിന് ലഭിച്ചതില്‍ വെച്ച് ഉയര്‍ന്ന തുകയാണ് സലാറിന്റേത് എന്നത് ഒരു റെക്കോര്‍ഡുമാണ്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക