Prithviraj : ഹേമ കമ്മിറ്റി റിപ്പോർട്ട് പുറത്തുവിടാൻ തീരുമാനിക്കേണ്ടത് അത് രൂപീകരിച്ചവർ: പൃഥിരാജ്
Synopsis
ഹേമ കമ്മിറ്റി എന്തിനാണോ രൂപീകരിച്ചത് ആ ഉദ്ദേശ്യം നിറവേറ്റപ്പെടണമെന്ന് പൃഥ്വിരാജ് (Prithviraj).
ഹേമ കമ്മിറ്റി റിപ്പോര്ട്ട് പുറത്തുവിടണമോ എന്ന് തീരുമാനിക്കേണ്ടത് അത് രൂപീകരിച്ചവര് ആണെന്ന് പൃഥ്വിരാജ്. ഹേമ കമ്മിറ്റി എന്തിനാണോ രൂപീകരിച്ചത് ആ ഉദ്ദേശ്യം നിറവേറ്റപ്പെടണം. സിനിമാ സെറ്റുകളില് ജോലി സാഹചര്യം മെച്ചപ്പെടുമെങ്കില് അത് വലിയ കാര്യമാണ് എന്നും പൃഥ്വിരാജ് പറഞ്ഞു. ഹേമ കമ്മിറ്റി റിപ്പോര്ട്ട് എന്തുകൊണ്ട് പുറത്തുവിടുന്നില്ല അല്ലെങ്കില് ആ അധികാരം ആരുടേതാണ് എന്ന് തനിക്ക് അറിയില്ലെന്നും പൃഥ്വിരാജ് പറഞ്ഞു (Prithviraj).
പൃഥ്വിരാജ് നായകനാകുന്ന പുതിയ ചിത്രം 'ജന ഗണ മന' ആണ്. ഡിജോ ജോസ് ആന്റണി സംവിധാനം ചെയ്യുന്ന ചിത്രത്തിന്റെ ട്രെയിലര് കഴിഞ്ഞ ദിവസം പുറത്തുവിട്ടിരുന്നു. പൃഥ്വിരാജ് അടക്കമുള്ളവര് തന്നെയാണ് ചിത്രത്തിന്റെ ട്രെയിലര് ഷെയര് ചെയ്തതത്. സുരാജ് വെഞ്ഞാറമൂടും ചിത്രത്തില് ഒരു പ്രധാന കഥാപാത്രമായി എത്തുന്നു.
സുപ്രിയ മേനോനും ലിസ്റ്റിന് സ്റ്റീഫനും ചേര്ന്നാണ് ചിത്രം നിര്മിക്കുന്നത്. പൃഥ്വിരാജ് പ്രൊഡക്ഷന്സിന്റെയും മാജിക് ഫ്രെയിംസിന്റെയും ബാനറുകളിലാണ് നിര്മാണം. പ്രൊഡക്ഷന് കണ്ട്രോളര് റിന്നി ദിവാകര്, ആണ്. സഹ നിര്മ്മാണം ജസ്റ്റിന് സ്റ്റീഫന്.
പൃഥ്വിരാജിന് പുതിയ ചിത്രത്തില് മികച്ച ഒരു കഥാപാത്രമാണ് എന്നാണ് ട്രെയിലര് സൂചന നല്കുന്നത്. പൃഥ്വിരാജ് കേന്ദ്ര കഥാപാത്രമാകുന്ന ചിത്രം ഏപ്രില് 28നാണ് റിലീസ് ചെയ്യുക. തിയറ്ററുകളില് തന്നെയാണ് ചിത്രം റിലീസ് ചെയ്യുക. ഒരിടവേളയ്ക്ക് ശേഷമുള്ള തിയറ്റര് റിലീസാണ് 'ജന ഗണ മന'.
ശ്രീ ദിവ്യ, ധ്രുവന്, ശാരി, രാജ കൃഷ്ണമൂര്ത്തി, പശുപതി, അഴകം പെരുമാള്, ഇളവരശ്, വിനോദ് സാഗര്, വിന്സി അലോഷ്യസ്, മിഥുന്, ഹരി കൃഷ്ണന്, വിജയകുമാര്, വൈഷ്ണവി വേണുഗോപാല്, ചിത്ര അയ്യര്, ബെന്സി മാത്യൂസ്, ധന്യ അനന്യ, നിമിഷ, ദിവ്യ കൃഷ്ണ, ജോസ്കുട്ടി ജേക്കബ്, പ്രസാദ് അരുമനായകം, രാജ് ബാബു തുടങ്ങിയവരാണ് മറ്റ് അഭിനേതാക്കള്. സൗണ്ട് ഡിസൈന് സിങ്ക് സിനിമ. യുവഛായാഗ്രാഹകരില് ശ്രദ്ധേയനായ സുദീപ് ഇളമണ് ആണ് സിനിമാറ്റോഗ്രാഫര്. 'അയ്യപ്പനും കോശി'യും ക്യാമറയില് പകര്ത്തിയത് സുദീപ് ആയിരുന്നു. ലൈന് പ്രൊഡ്യൂസര്മാര് ഹാരിസ് ദേശം, സന്തോഷ് കൃഷ്ണന്, എക്സിക്യൂട്ടീവ് പ്രൊഡ്യൂസര് നവീന് പി തോമസ്. സ്റ്റില്സ് സിനറ്റ് സേവ്യര്, ഡിസൈന് ഓള്ഡ്മങ്ക്സ്. എഡിറ്റിംഗും ഡിഐയും ശ്രീജിത്ത് സാരംഗ്.
Read More : വിസ്മയിപ്പിക്കാൻ പൃഥ്വിരാജ്, 'ജന ഗണ മന' ട്രെയിലര് പുറത്തുവിട്ടു
മോഹന്ലാലിനെ നായകനാക്കി സംവിധാനവും നിര്വ്വഹിച്ച 'ബ്രോ ഡാഡി'യിലാണ് പൃഥ്വിരാജിനെ പ്രേക്ഷകര് അവസാനം കണ്ടത്. 'ബ്രോ ഡാഡി' ചിത്രത്തില് മോഹന്ലാല് അവതരിപ്പിച്ച ടൈറ്റില് കഥാപാത്രത്തിന്റെ മകന്റെ വേഷത്തിലായിരുന്നു രാജു. ഷാജി കൈലാസ് ചിത്രം 'കടുവ', ബ്ലെസ്സിയുടെ 'ആടുജീവിതം' എന്നിവയാണ് അഭിനയിക്കുന്നവയില് പൃഥ്വിരാജിന്റേതായി പുറത്തെത്താനുള്ള ചിത്രങ്ങള്. 'ലൂസിഫറി'ന്റെ രണ്ടാംഭാഗമായ, മോഹന്ലാല് നായകനാവുന്ന 'എമ്പുരാന്' അദ്ദേഹം സംവിധാനം ചെയ്യുന്ന ചിത്രവുമാണ്.
'കടുവക്കുന്നേല് കുറുവച്ചൻ' എന്ന കഥാപാത്രമായിട്ടാണ് ഷാജി കൈലാസ് ചിത്രത്തില് പൃഥ്വിരാജ് അഭിനയിക്കുന്നത്. പൃഥ്വിരാജ് പ്രൊഡക്ഷന്സും ലിസ്റ്റിന് സ്റ്റീഫന്റെ മാജിക് ഫ്രെയിംസും ചേര്ന്നാണ് നിര്മ്മാണം. 'ആദം ജോണി'ന്റെ സംവിധായകനും 'ലണ്ടൻ ബ്രിഡ്ജ്', 'മാസ്റ്റേഴ്സ്' എന്നീ ചിത്രങ്ങളുടെ തിരക്കഥാകൃത്തുമായ ജിനു എബ്രഹാമാണ് 'കടുവ'യുടെയും രചന നിര്വഹിച്ചിരിക്കുന്നത്. സായ് കുമാര്, സിദ്ദിഖ്, ജനാര്ദ്ദനൻ, വിജയരാഘവൻ, അജു വര്ഗീസ്, ഹരിശ്രീ അശോകൻ, രാഹുല് മാധവ്, കൊച്ചുപ്രേമൻ, സംയുക്ത മേനോൻ, സീമ, പ്രിയങ്ക തുടങ്ങിയവര് മറ്റ് വേഷങ്ങളില് എത്തുന്നു.
വിവേക് ഒബ്റോയ് ചിത്രത്തില് വില്ലനായി ഡിഐജിയായിട്ട് അഭിനയിക്കുന്നു. ജേക്ക്സ് ബിജോയ്യാണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. സുജിത് വാസുദേവാണ് ചിത്രത്തിന്റെ ഛായാഗ്രാഹകൻ. 'കടുവ' എന്ന ചിത്രം പൃഥ്വിരാജിന് പ്രതീക്ഷയുള്ള ഒന്നാണ്.