ഒന്നാമനാകുമോ ശിവകാര്ത്തികേയൻ?, തിയറ്ററുകളില് 20 ദിവസങ്ങള്ക്ക് അപ്പുറം അമരൻ
Synopsis
വിജയ്ക്ക് പകരക്കാരനാകുവാൻ സാധിക്കുമോ ശിവകാര്ത്തികേയന്?.
തമിഴ് പ്രേക്ഷകരുടെ പ്രിയപ്പെട്ട ഒരു താരമാണ് ശിവകാര്ത്തികേയൻ. ശിവകാര്ത്തികേയന്റേതായി ഇനി വരാനിരിക്കുന്ന ഒരു ചിത്രമാണ് അമരൻ. വലിയ പ്രതീക്ഷയുള്ള ചിത്രവുമാണ് അമരൻ. അമരൻ എന്ന സിനിമ ഹിറ്റായാല് താരങ്ങളില് മുന്നിലെത്താം എന്നതും ശിവകാര്ത്തികേയന്റെ ലക്ഷ്യമാണ്.
വിജയ് രാഷ്ട്രീയത്തില് സജീവമാകുന്നതിനെ തുടര്ന്ന് സിനിമയില് നിന്നു വിട്ടുനില്ക്കുന്നതിനാല് തമിഴിലെ ഒന്നാമത്തെ താരമാകാൻ സാധ്യതയുള്ളയാളാണ് ശിവകാര്ത്തികേയനും. മുകുന്ദ് വരദരാജനായിട്ടാണ് ചിത്രത്തില് ശിവകാര്ത്തികേയനുണ്ടാകുക. അശോക ചക്ര രാജ്യം അദ്ദേഹത്തിന് മരണാനന്തര ബഹുമതിയായി നല്കിയിരുന്നു. ശിവകാര്ത്തികേയന്റെ അച്ഛൻ ഒരു പൊലീസ് ഓഫീസറായിരുന്നു എന്നത് അമരൻ സ്വീകരിക്കാൻ പ്രേരിപ്പിച്ചതാണ്.
മേജറിന്റെ ജീവിത കഥ ഒരു സിനിമയായി എത്തുമ്പോള് അതിലുണ്ടാകുന്നതിന്റെ ആവേശത്തിലാണ് തമിഴ് താരം ശിവകാര്ത്തികേയൻ. സിനിമ സ്വീകരിക്കാൻ കാരണം യൂണിഫോമായിരുന്നുവെന്ന് പറയുന്ന ശിവകാര്ത്തികേയൻ മേജര് മുകുന്ദ് വരദരാജിന് തന്റെ അച്ഛനുമായി സാമ്യമുണ്ടെന്നും ചൂണ്ടിക്കാട്ടുന്നു. കളറേ മാറുന്നുള്ളൂ, ഉത്തരവാദിത്തം ഒന്നാണ്. ഞാൻ ആ സിനിമ സ്വീകരിക്കുമ്പോള് വരുന്ന വെല്ലുവിളികള് ബോധ്യമുണ്ടായിരുന്നു. വേറിട്ട ഒരു വ്യക്തിയായി മാറാൻ തന്റെ ഊര്ജ്ജം എല്ലാം സംഭരിക്കേണ്ട ആവശ്യമുണ്ട്. യൂണിഫോം ധരിക്കാൻ താൻ സ്വയം തന്നെ പരിശീലിച്ചു. യഥാര്ഥ ഒരു വ്യക്തിയുടെ കഥ ആയതിനാല് സിനിമ സുഹൃത്തുക്കളും അടുപ്പമുള്ളവരും കാണും. പക്ഷേ യൂണിഫോം താൻ ധരിച്ചപ്പോള് ഒരു ഹീറോയായി അനുഭവപ്പെട്ടു. മുകുന്ദായി ഞാൻ ചിത്രത്തില് വേഷമിട്ടപ്പോള് തന്നെ യഥാര്ഥ ആര്മിക്കാര് അഭിനന്ദിച്ചു എന്നും പറയുന്നു ശിവകാര്ത്തികേയൻ.
യുദ്ധത്തിന്റെ പശ്ചാത്തലവും പ്രമേയമായി വരുന്ന ചിത്രം എന്ന പ്രത്യേകതയുമുണ്ട്.. സംവിധാനം രാജ്കുമാര് പെരിയസ്വാമി നിര്വഹിക്കുന്ന ചിത്രം അമരനില് ഭുവൻ അറോറ, രാഹുല് ബോസ് തുടങ്ങിയവര്ക്കൊപ്പം ശ്രീകുമാര്, വികാസ് ബംഗര് എന്നീ താരങ്ങളും പ്രധാന കഥാപാത്രങ്ങളായുണ്ട്. സായ് പല്ലവിയാണ് ശിവകാര്ത്തികേയൻ നായകനാകുന്ന ചിത്രത്തില് നായികയായി എത്തുന്നത്. കശ്മീരിലടക്കം ചിത്രികരിച്ച അമരൻ എന്ന സിനിമയുടെ നിര്മാണം കമല്ഹാസന്റെ രാജ് കമലിന്റെ ബാനറില് ആണ്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ