ശ്രീനാഥ് ഭാസിയുടെ 'പടച്ചോനേ ഇങ്ങള് കത്തോളീ'; ശ്രദ്ധനേടി ഫസ്റ്റ് ലുക്ക് പോസ്റ്റര്
Synopsis
കാര്ട്ടൂണ് ശൈലിയില് ചിത്രത്തിലെ പ്രധാന കഥാപാത്രങ്ങളെയെല്ലാം കാരികേചര് സ്കെച്ച് പോലെ അണിനിരത്തിയ ഒരു കോമിക് പോസ്റ്റര് ആണ് പുറത്തിറക്കിയിരിക്കുന്നത്.
ശ്രീനാഥ് ഭാസിയും ആന് ശീതളും കേന്ദ്ര കഥാപാത്രങ്ങളായി എത്തുന്ന ചിത്രം 'പടച്ചോനേ ഇങ്ങള് കത്തോളീ'ന്റെ (Padachone Ingalu Katholi) ഫസ്റ്റ് ലുക്ക് പുറത്തിറങ്ങി. ടൈനി ഹാന്ഡ്സ് പ്രൊഡക്ഷന്സിന്റെ ബാനറില് ബിജിത് ബാല സംവിധാനം ചെയ്യുന്ന കുടുംബ-ഹാസ്യ ചിത്രമാണിത്.
ജോസ്കുട്ടി മഠത്തില്, രഞ്ജിത്ത് മണമ്പ്രക്കാട്ട് എന്നിവര് ചേര്ന്ന് ടൈനി ഹാന്ഡ്സ് പ്രൊഡക്ഷന്സിന്റെ ബാനറില് നിര്മിക്കുന്ന നാലാമത് ചിത്രം ആണ് ഇത്. ചിത്രത്തിലെ അഭിനേതാക്കള്ക്ക് പുറമെ ഇരുപത്തിയഞ്ചില് പരം മലയാളത്തിലെ പ്രമുഖ നടി-നടന്മാര് ചേര്ന്നാണ് ചിത്രത്തിന്റെ ഫസ്റ്റ് ലുക്ക് പോസ്റ്റര് തങ്ങളുടെ ഔദ്യോഗിക പേജിലൂടെ പുറത്തിറക്കിയത്.
കാര്ട്ടൂണ് ശൈലിയില് ചിത്രത്തിലെ പ്രധാന കഥാപാത്രങ്ങളെയെല്ലാം കാരികേചര് സ്കെച്ച് പോലെ അണിനിരത്തിയ ഒരു കോമിക് പോസ്റ്റര് ആണ് പുറത്തിറക്കിയിരിക്കുന്നത്. ശ്രീനാഥ് ഭാസി, ആന് ശീതള്, ഗ്രെയ്സ് ആന്റണി, രസ്ന പവിത്രന്, വിജിലേഷ്, ഹരീഷ് കണാരന്, നിര്മ്മല് പാലാഴി, ദിനേശ് പ്രഭാകര്, കൂടാതെ പുതുമുഖങ്ങളായ രഞ്ജിത്ത് മണമ്പ്രക്കാട്ട്, നാഥനിയേല് മഠത്തില് എന്നിവരൊക്കെയാണ് ഫസ്റ്റ് ലുക്ക് പോസ്റ്ററില് നിറഞ്ഞു നില്ക്കുന്നത്.
അലന്സിയര്, മാമുക്കോയ, ജോണി ആന്റണി, ശ്രുതി ലക്ഷ്മി, ഷൈനി സാറ, സരസ ബാലുശ്ശേരി, സുനില് സുഗത, ഉണ്ണിരാജ, രഞ്ജി കണ്കോല്, എന്നിവരും ചിത്രത്തിലെ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. ഗ്രാമീണ പശ്ചാത്തലത്തില് നര്മ്മത്തിനൊപ്പം തന്നെ സംഗീതത്തിനും പ്രണയത്തിനും വളരെയധികം പ്രാധാന്യം നല്കുന്ന മുഴുനീള എന്റര്ടെയ്നറായിട്ടാണ് ചിത്രം ഒരുക്കിയിരിക്കുന്നത്. ഒരു ചെറിയ ഇടവേളക്ക് ശേഷമായിരിക്കും മലയാള സിനിമ പ്രേക്ഷകരുടെ ഏറ്റവും പ്രിയപ്പെട്ട ഈ ജനപ്രിയ വാണിജ്യ സിനിമ ഫോര്മുലയില് ഒരു ചിത്രം ഒരുങ്ങുന്നത്.
ഷാന് റഹ്മാനാണ് ചിത്രത്തിന് സംഗീതം നല്കുന്നത്. രചന: പ്രദീപ് കുമാര് കാവുംതറ, ഛായാഗ്രഹണം: വിഷ്ണു പ്രസാദ്, എഡിറ്റര്: കിരണ് ദാസ്, പ്രൊഡക്ഷന് കണ്ട്രോളര്: ദീപക് പരമേശ്വരന്, ആര്ട്ട് ഡയറക്ടര്: അര്ക്കന് എസ് കര്മ്മ, മേക്കപ്പ്: രഞ്ജിത്ത് മണാലിപ്പറമ്പില്, കോസ്റ്റ്യൂംസ്: സുജിത്ത് മട്ടന്നൂര്, എക്സിക്യൂട്ടിവ് പ്രൊഡ്യൂസേഴ്സ്: ആന്റപ്പന് ഇല്ലിക്കാട്ടില് & പേരൂര് ജെയിംസ്, ചീഫ് അസോസിയേറ്റ് ഡയറക്ടര്: ഷിജു സുലേഖ ബഷീര്, അസ്സോസിയേറ്റ് ഡയറക്ടര്സ്: കിരണ് കമ്പ്രത്ത്, ഷാഹിദ് അന്വര്, ജെനി ആന് ജോയ്, സ്റ്റില്സ്: ലെബിസണ് ഗോപി.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ