ISL Final 2022 : വലിയ വെല്ലുവിളികൾ കാത്തിരിക്കുന്നു, ആവേശം നിലനിർത്തുക; ബ്ലാസ്റ്റേഴ്സിനോട് സുരേഷ് ​ഗോപി

ആദ്യഘട്ടത്തിൽ ഹൈദരാബാദ് എഫ്‌സിക്കെതിരെ ലീഡെടുത്തത് കേരള ബ്ലാസ്റ്റേഴ്‌സ് ആയിരുന്നു. 69-ാം മിനിറ്റില്‍ ലോംഗ് റേഞ്ചറിലൂടെ മലയാളി താരം രാഹുല്‍ കെ പിയാണ് ബ്ലാസ്റ്റേഴ്സിനെ മുന്നിലെത്തിച്ചത്. 

ഐഎസ്എല്ലില്‍ (ISL 2021-22) ഹൈദരാബാദിനോട് (Hyderabad FC) പൊരുതിക്കീഴടങ്ങിയിരിക്കുകയാണ് കേരള ബ്ലാസ്റ്റേഴ്‌സ് (Kerala Blasters). പെനാല്‍റ്റി ഷൂട്ടൗട്ടില്‍  3-1നാണ് ബ്ലാസ്റ്റേഴ്‌സ് തോല്‍വി സമ്മതിച്ചത്. ഈ അവസരത്തിൽ നടനും എംപിയുമായ സുരേഷ് ​ഗോപി പങ്കുവച്ച പോസ്റ്റാണ് ശ്രദ്ധനേടുന്നത്. 

"ഈ സീസണിൽ നിങ്ങൾ ഞങ്ങൾക്ക് നൽകിയ ഊർജവും വിനോദവും പ്രത്യേകമായി നിലനിൽക്കും. നല്ല കളി ബ്ലാസ്റ്റേഴ്‌സ്, വലിയ വെല്ലുവിളികൾ കാത്തിരിക്കുന്നു, ആവേശം നിലനിർത്തുക!", എന്നാണ് സുരേഷ് ​ഗോപി കുറിച്ചത്. പിന്നാലെ നിരാശകൾ പ്രകടിപ്പിച്ചും മത്സരത്തെ കുറിച്ച് പറഞ്ഞും ആരാധകരും രം​ഗത്തെത്തി. 

ആദ്യഘട്ടത്തിൽ ഹൈദരാബാദ് എഫ്‌സിക്കെതിരെ ലീഡെടുത്തത് കേരള ബ്ലാസ്റ്റേഴ്‌സ് ആയിരുന്നു. 69-ാം മിനിറ്റില്‍ ലോംഗ് റേഞ്ചറിലൂടെ മലയാളി താരം രാഹുല്‍ കെ പിയാണ് ബ്ലാസ്റ്റേഴ്സിനെ മുന്നിലെത്തിച്ചത്. വിജയിച്ചു എന്ന് ഉറപ്പുവരുത്തുന്നതിനിടെ ആയിരുന്നു സാഹില്‍ ടവോരയുടെ ​ഗോളോടെ ഹൈദരാബാദും ഒപ്പമെത്തി. എന്നാൽ പെനാല്‍റ്റി ഷൂട്ടൗട്ടില്‍ ഹൈദരാബാദിന് മുന്നിൽ കേരള ബ്ലാസ്റ്റേഴ്‌സ് മുട്ടുമടക്കുക ആയിരുന്നു.