ആശങ്കപ്പെടേണ്ട, നടൻ അജിത്ത് കുമാര് ആശുപത്രി വിട്ടു, ഇനി വീണ്ടും ചിത്രീകരണത്തിലേക്ക്
Synopsis
നടൻ അജിത്തിന് ശസ്ത്രക്രിയ കഴിഞ്ഞിരുന്നു.
തമിഴ് നടൻ അജിത്ത് കുമാർ ആശുപത്രി വിട്ടു. നടൻ അജിത്ത് കുമാറിന് അപ്പോളോ ആശുപത്രിയില് നിന്ന് ശസ്ത്രക്രിയ കഴിഞ്ഞുവെന്നും ആരോഗ്യാവസ്ഥയില് ആശങ്കപ്പെടാനില്ല എന്നും നടനുമായി അടുത്ത വൃത്തങ്ങള് വ്യക്തമാക്കി. ചെവിയുടെ താഴ്ഭാഗത്തുണ്ടായ നീർക്കെട്ടിനെ തുടർന്നാണ് താരത്തിന് ശസ്ത്രക്രിയ നടത്തിയത്. വിഡാ മുയര്ച്ചിയുടെ ചിത്രീകരണത്തിനായി മാര്ച്ചില് തന്നെ അജിത്ത് കുമാര് അസർബൈജാനിലേക്ക് പോകും എന്നും മാനേജര് സുരേഷ് ചന്ദ്ര അറിയിച്ചു.
അജിത്ത് നായകനായി വിഡാ മുയര്ച്ചിയെന്ന ചിത്രം റിലീസിന് ഒരുങ്ങുകയാണ്. സംവിധാനം നിര്വഹിക്കുന്നത് മഗിഴ് തിരുമേനിയാണ്. അസെര്ബെയ്ജാനിലെ ചിത്രീകരണത്തില് പ്രധാനപ്പെട്ട ഒരു ഭാഗം അടുത്തിടെ പൂര്ത്തിയായിരുന്നു. അജിത്തിന്റെ വിഡാ മുയര്ച്ചി എന്ന സിനിമയുടെ എഴുപത് ശതമാനം പൂര്ത്തിയായി എന്നും ഇനി 30 ദിവസങ്ങള് മാത്രമാണ് ബാക്കിയുള്ളത് എന്നുമാണ് അടുത്തിടെയുണ്ടായ റിപ്പോര്ട്ട്.
വിഡാ മുയര്ച്ചിയുടെ പ്രധാന താരങ്ങളുടെ രംഗങ്ങളടക്കം ചിത്രീകരിക്കാൻ ബാക്കിയുണ്ട് എന്നും റിപ്പോര്ട്ടുണ്ട്. അജിത്ത് നായകനാകുന്ന വിഡാ മുയര്ച്ചിയുടെ ഒടിടി റൈറ്റ്സ് നെറ്റ്ഫ്ലിക്സ് നേടിയപ്പോള് ഓഡിയോ റൈറ്റ്സ് സോണി മ്യൂസിക് സൗത്തും സാറ്റലൈറ്റ് റൈറ്റ്സ് സണ് ടിവിയുമാണ് എന്നും റിപ്പോര്ട്ടുണ്ടായിരുന്നു. അജിത്തിന്റെ നായികയായി എത്തുന്നത് തൃഷയാണ്. സംവിധായകൻ മഗിഴ് തിരുമേനിയുടെ പുതിയ ചിത്രമായ വിഡാ മുയര്ച്ചിയിലൂടെ അജിത്ത് വീണ്ടും തമിഴകത്ത് മുൻനിരയില് എത്തും എന്നുമാണ് ട്രേഡ് അനലിസ്റ്റുകളുടെ റിപ്പോര്ട്ട്.
ഹിറ്റ്മേക്കര് അറ്റ്ലിയുടെ ഒരു തമിഴ് ചിത്രത്തില് അജിത്ത് നായകനാകും എന്ന് റിപ്പോര്ട്ടുണ്ട്. സുധ കൊങ്ങര പ്രസാദ് സംവിധാനത്തിലുള്ള ചിത്രത്തിലും അജിത്ത് നായകനായേക്കുമെന്നും ഒരു റിപ്പോര്ട്ടുണ്ട്. സംവിധായകൻ ശ്രീ ഗണേഷ് അജിത്തുമായി സിനിമ സംബന്ധിച്ച് ചര്ച്ചകളിലാണെന്ന റിപ്പോര്ട്ടുകള് ആരാധകര്ക്കിടയില് പ്രചരിക്കുന്നുണ്ട്. ശ്രീ ഗണേഷ് 'കുരുതി ആട്ട'ത്തിന്റെ സംവിധായകൻ എന്ന നിലയില് ശ്രദ്ധയാകര്ഷിച്ചതാണ്. സംവിധായകനായി ശ്രീ ഗണേഷിന്റെ ആദ്യത്തെ ചിത്രം 'തോട്ടക്കള്' ആണ്. സംവിധായകൻ ശ്രീ ഗണേഷിന്റെ രണ്ടാമത്തെ ചിത്രം അടുത്തിടെ പുറത്തിറങ്ങിയ 'കുരുതി ആട്ടം' ആണ്. അഥര്വ നായകനായി വേഷമിട്ട് എത്തിയ ചിത്രത്തില് നിരവധി അജിത്ത് റെഫറൻസുകളുള്ളതിനാലാണ് അത്തരം ഒരു വാര്ത്ത വ്യാപകമായി പ്രചരിക്കുന്നത്.
Read More: ബോളിവുഡിനെ രക്ഷപ്പെടുത്തുമോ ശെയ്ത്താൻ?, ആദ്യ ദിവസം നേടിയതിന്റെ കണക്കുകള്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക