സിനിമയുടെ പ്രതിഫലം ഉയര്ത്തി അനിരുദ്ധ് രവിചന്ദര്, കിങ്ഡമിനായി വാങ്ങിക്കുന്നത് ഞെട്ടിക്കുന്ന തുക
Synopsis
അനിരുദ്ധ് രവിചന്ദറിന്റെ പ്രതിഫലത്തിന്റെ വിവരങ്ങള്.
തെന്നിന്ത്യൻ സിനിമയിലെ മുടിചൂടാമന്നനാണ് ഇപ്പോള് അനിരുദ്ധ് രവിചന്ദര്. അനിരുദ്ധ് രവിചന്ദ്രൻ ചെയ്യുന്ന പാട്ടുകളൊക്കെ ഹിറ്റായി മാറുന്നു. ഇറങ്ങാനിരിക്കുന്ന കൂലിയിലെ രണ്ട് പാട്ടുകളും വൻ ഹിറ്റായി. ഇപ്പോഴിതാ അനിരുദ്ധ് രവിചന്ദര് തെലുങ്ക് സിനിമയ്ക്ക് പ്രതിഫലം വര്ദ്ധിപ്പിച്ചു എന്നതാണ് പുതിയ റിപ്പോര്ട്ട്.
വിജയ് ദേവെരകൊണ്ട നായകനാകുന്ന ചിത്രത്തിന് അനിരുദ്ധ് രവിചന്ദര് വാങ്ങിക്കുന്ന പ്രതിഫലം തന്നെ ചര്ച്ചയാകുന്നുമുണ്ട്. കിങ്ഡം എന്ന ചിത്രത്തിനായി 12 കോടി രൂപയാണ് അനിരുദ്ധ് രവിചന്ദര് പ്രതിഫലം വാങ്ങിക്കുന്നത്. തെലുങ്കില് നിരവധി സംവിധായകരാണ് പുതുതായി അനിരുദ്ധ് രവിചന്ദറെ സമീപിക്കുന്നതും. അനിരുദ്ധ് രവിചന്ദര് 15 കോടിയാണ് നിലവില് തെലുങ്ക് സിനിമയ്ക്കായി ആവശ്യപ്പെടുന്നത് എന്ന് ഒടിടിപ്ലേ റിപ്പോര്ട്ട് ചെയ്യുന്നു.
പശ്ചാത്തല സംഗീതത്തിനായി അനിരുദ്ധ് രവിന്ദര് സമയം അധികമെടുത്തതിനാലാണ് കിങ്ഡം വൈകിയത് എന്നും റിപ്പോര്ട്ടുണ്ട്. മെയ് 30ന് ആണ് ചിത്രത്തിന്റെ റിലീസ്. ആക്ഷന് ഡ്രാമ ഗണത്തില് പെടുന്ന ചിത്രത്തില് ശാരീരികമായി വലിയ മേക്കോവര് നടത്തിയാണ് ദേവരകൊണ്ട അഭിനയിച്ചിരിക്കുന്നത്. ചിത്രത്തിന്റെ സ്വഭാവത്തെപ്പറ്റി കൃത്യമായി പറയുന്ന ടീസറിന് 1.55 മിനിറ്റ് ദൈര്ഘ്യമാണ് ഉള്ളത്.
ജേഴ്സി അടക്കമുള്ള ചിത്രങ്ങളിലൂടെ ശ്രദ്ധ നേടിയ സംവിധായകന് ഗൗതം തിണ്ണനൂരിയാണ് കിങ്ഡമിന്റെ രചനയും സംവിധാനവും. മലയാളി സിനിമാപ്രേമികളെ സംബന്ധിച്ചും കൗതുകകരമായ ഒരു ക്രെഡിറ്റ് കാര്ഡ് ഈ ചിത്രത്തില് ഉണ്ട്. മലയാളികളായ ജോമോന് ടി ജോണും ഗിരീഷ് ഗംഗാധരനുമാണ് ചിത്രത്തിന്റെ ചായാഗ്രഹണം നിര്വ്വഹിച്ചിരിക്കുന്നത്. സിതാര എന്റര്ടെയ്ന്മെന്റ്സ്, ഫോര്ച്യൂണ് 4 സിനിമാസ് എന്നീ ബാനറുകളില് നാഗ വംശി എസും സായ് സൗജന്യയും ചേര്ന്നാണ് ചിത്രം നിര്മ്മിക്കുന്നത്. പ്രൊഡക്ഷന് ഡിസൈനിംഗിന് ഏറെ പ്രാധാന്യമുള്ള ചിത്രത്തില് ആ റോള് കൈകാര്യം ചെയ്തിരിക്കുന്നത് അവിനാഷ് കൊല്ലയാണ്. തെലുങ്കിന് പുറമെ തമിഴ്, ഹിന്ദി പതിപ്പുകളിലും ചിത്രം പ്രദര്ശനത്തിന് എത്തുന്നുണ്ട്. തെലുങ്ക് പതിപ്പില് ജൂനിയര് എന്ടിആര് ആണ് നറേറ്റര് ആയി എത്തുന്നത്. തമിഴില് ഈ സ്ഥാനത്ത് സൂര്യയും ഹിന്ദിയില് രണ്ബീര് കപൂറുമാണ്. സാമ്രാജ്യ എന്നാണ് ഹിന്ദി പതിപ്പിന്റെ പേര്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ