ഷങ്കര്‍ ചിത്രത്തില്‍ ഒരു പ്രധാനപ്പെട്ട കഥാപാത്രമായി അഞ്ജലിയും.
ഷങ്കര്‍ അടുത്തതായി സംവിധാനം ചെയ്യുന്നത് ബഹുഭാഷാ ചിത്രമാണ്. തെലുങ്കിലെ യുവ നായകൻ രാം ചരണാണ് സിനിമയില്‍ നായകനായി എത്തുന്നത്. അതുകൊണ്ടുതന്നെ പ്രഖ്യാപനം തന്നെ ഓണ്‍ലൈനില്‍ തരംഗമായിരുന്നു. ഇപോഴിതാ അഞ്ജലിയും ചിത്രത്തില്‍ ഉണ്ടെന്നാണ് പുതിയ റിപ്പോര്‍ട്ട് വരുന്നത്.
ബോളിവുഡ് നടി കിയാര അദ്വാനി രാം ചരണിന്റെ നായികയായി അഭിനയിക്കും. അഞ്‍ജലിയുടെ കഥാപാത്രങ്ങളെ കുറിച്ചുള്ള വിവരങ്ങള്‍ പുറത്തുവന്നിട്ടില്ല. മെഗാ ബജറ്റ് ചിത്രത്തിന്റെ പ്രീ-പ്രൊഡക്ഷന്‍ അടുത്തിടെയാണ് പൂര്‍ത്തിയായത്. ശ്രീ വെങ്കിടേശ്വര ക്രിയേഷന്‍ ആണ് ചിത്രം നിര്‍മ്മിക്കുന്നത്.
സിനിമയുടെ പ്രമേയം ഇതുവരെ പുറത്തുവിട്ടിട്ടില്ല.
എസ് തമന്‍ ആണ് ചിത്രത്തിന്റെ സംഗീത സംവിധായകൻ.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്‍തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona.