മുൻ ഭാര്യ സൈറയ്ക്ക് അടിയന്തര ശസ്ത്രക്രിയ; സഹായവുമായി എആര്‍ റഹ്മാന്‍

സംഗീതസംവിധായകൻ എ.ആർ. റഹ്മാന്റെ മുൻ ഭാര്യ സൈറ ആരോഗ്യപ്രശ്നങ്ങളെ തുടർന്ന് അടിയന്തര ശസ്ത്രക്രിയയ്ക്ക് വിധേയയായി. റസൂൽ പൂക്കുട്ടിയും എ.ആർ. റഹ്‌മാനും സൈറയ്ക്ക് പിന്തുണ നൽകി.

മുംബൈ: സംഗീതസംവിധായകൻ എആർ റഹ്മാന്‍റെ മുൻ ഭാര്യ സൈറ ആരോഗ്യപ്രശ്നത്താല്‍ അടിയന്തര ശസ്ത്രക്രിയയ്ക്ക് വിധേയയായി.  സൈറയുടെ അഭിഭാഷക വന്ദന ഷായാണ് സൈറയുടെ ആരോഗ്യ വിവരങ്ങൾ പങ്കുവെച്ചത്.  സൗണ്ട് ഡിസൈനറുമായ റസൂൽ പൂക്കുട്ടിയെയും ഭാര്യ ഷാദിയയെയും സൈറയുടെ മുൻ ഭർത്താവ് എആർ റഹ്‌മാനും ഈ സമയത്ത് പിന്തുണ നല്‍കിയെന്ന് വന്ദന പുറത്തിറക്കിയ കുറിപ്പില്‍ പറയുന്നു.

പ്രസ്താവന ഇങ്ങനെയായിരുന്നു, “കുറച്ച് ദിവസം മുമ്പ് ശ്രീമതി സൈറ റഹ്മാൻ മെഡിക്കൽ എമർജൻസി കാരണം ആശുപത്രിയിൽ പ്രവേശിപ്പിക്കുകയും ശസ്ത്രക്രിയയ്ക്ക് വിധേയനാവുകയും ചെയ്തു. ഈ വെല്ലുവിളി നിറഞ്ഞ സമയത്ത്, സൈറയുടെ ഏക ശ്രദ്ധ വേഗത്തിൽ സുഖം പ്രാപിക്കുന്നതിൽ മാത്രമാണ്. ചുറ്റുമുള്ളവരിൽ നിന്നുള്ള പിന്തുണ സൈറ വളരെയധികം വിലമതിക്കുകയും അവളുടെ നിരവധി അഭ്യുദയകാംക്ഷികളിൽ നിന്നും പിന്തുണക്കാരിൽ നിന്നും പ്രാർത്ഥനകൾ അഭ്യർത്ഥിക്കുകയും ചെയ്യുന്നു.

“ഈ ദുഷ്‌കരമായ സമയത്ത് നൽകിയ പിന്തുണയ്‌ക്ക് ലോസ് ഏഞ്ചൽസിൽ നിന്നുള്ള  സുഹൃത്തുക്കൾ, റസൂൽ പൂക്കുട്ടി, അദ്ദേഹത്തിന്‍റെ ഭാര്യ ഷാദിയ,  മിസ്റ്റർ റഹ്മാൻ എന്നിവരോടും സൈറ ഹൃദയംഗമമായ നന്ദി അറിയിക്കുന്നു" എന്നാണ് കുറിപ്പ് അവസാനിക്കുന്നത്. 

29 വർഷത്തെ ദാമ്പത്യത്തിന് ശേഷം 2024 നവംബറിൽ റഹ്മാനും സൈറയും വേർപിരിയുന്നതായി പ്രഖ്യാപിച്ചത്. ദമ്പതികൾ വേർപിരിയാൻ തീരുമാനിച്ചതിന് ശേഷം സൈറയുടെ അഭിഭാഷക വന്ദന അവരുടെ വിവാഹമോചനം പ്രഖ്യാപിക്കുന്ന ഒരു പ്രസ്താവന പോസ്റ്റ് ചെയ്തിരുന്നു.

"മുപ്പത് വര്‍ഷം പൂര്‍ത്തിയാക്കുമെന്ന് ഞങ്ങൾ പ്രതീക്ഷിച്ചിരുന്നു, എന്നാൽ എല്ലാത്തിനും അദൃശ്യമായ ഒരു അന്ത്യം ഉണ്ടെന്ന് തോന്നുന്നു. തകർന്ന ഹൃദയങ്ങളുടെ ഭാരത്താൽ ദൈവത്തിന്‍റെ സിംഹാസനം പോലും വിറപ്പിക്കും. എന്നിട്ടും, ഈ തകർച്ചയിൽ, ഞങ്ങൾ അർത്ഥം തേടുന്നു, തകര്‍ന്നത് കൂട്ടിയോജിപ്പിക്കാന്‍ സാധിച്ചില്ല. ഞങ്ങളുടെ സുഹൃത്തുക്കളോട്, ഈ ദുർബലമായ അവസ്ഥയിലൂടെ ഞങ്ങൾ സഞ്ചരിക്കുമ്പോൾ നിങ്ങളുടെ ദയയ്ക്കും ഞങ്ങളുടെ സ്വകാര്യതയെ മാനിച്ചതിനും നന്ദി" എന്നാണ് റഹ്മാന്‍ അന്ന് വിവാഹ മോചനത്തെക്കുറിച്ച് പ്രതികരിച്ച്.