Brahmastra : 'ബ്രഹ്മാസ്ത്ര'യുടെ തുടക്കവും തയ്യാറെടുപ്പുകളും, വീഡിയോ പുറത്തുവിട്ട് സംവിധായകൻ
Synopsis
രണ്ബീര് കപൂറാണ് ചിത്രത്തിലെ നായകന് (Brahmastra).
ആരാധകര് ആകാംക്ഷയോടെ കാത്തിരിക്കുന്ന ചിത്രമാണ് രണ്ബിര് കപൂര് നായകനാകുന്ന 'ബ്രഹ്മാസ്ത്ര'. 'ബ്രഹ്മാസ്ത്ര പാര്ട്ട് വണ് : ശിവ' സെപ്റ്റംബര് ഒമ്പതിനാണ് തിയറ്ററുകളില് റിലീസ് ചെയ്യുക. അയൻ മുഖര്ജി ആണ് ചിത്രം സംവിധാനം ചെയ്യുന്നത്. ഇപ്പോഴിതാ 'ബ്രഹ്മാസ്ത്ര' എന്ന ചിത്രത്തിന്റെ തുടക്കവും തയ്യാറെടുപ്പുകളും വിവരിച്ച് ഒരു വീഡിയോ പുറത്തുവിട്ടിരിക്കുന്നു (Brahmastra).
സംവിധായകൻ അയൻ മുഖര്ജിയാണ് 'ബ്രഹ്മാസ്ത്ര' ചിത്രത്തെ കുറിച്ച് വീഡിയോയില് സംസാരിക്കുന്നത്. ബ്രഹ്മാസ്ത്രയുടെ ആശയം തനിക്ക് 2011ല് കിട്ടിയതാണ് എന്ന് അയൻ മുഖര്ജി പറയുന്നു. 2013ല് ബ്രഹ്മാസ്ത്ര എന്ന ചിത്രത്തിന്റെ ജോലികള് താൻ തുടങ്ങിയതാണെന്നും അയൻ മുഖര്ജി പറയുന്നു. ഇന്ത്യയുടെ മോസ്റ്റ് അംബീഷ്യസ് സിനിമ (India’s most ambitious film) ആയിട്ടാണ് 'ബ്രഹ്മാസ്ത്ര'യെ അയൻ മുഖര്ജി വിശേഷിപ്പിക്കുന്നതും. 'ഇഷ' എന്ന നായിക കഥാപാത്രമായിട്ട് ചിത്രത്തില് ആലിയ ഭട്ട് ആണ് അഭിനയിക്കുന്നത്. പങ്കജ് കുമാറാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. 'ബ്രഹ്മാസ്ത്ര'യുടെ തെലുങ്ക് ട്രെയിലറിന് ശബ്ദം നല്കിയത് ചിരഞ്ജീവിയാണ്.
ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലാണ് 'ബ്രഹ്മാസ്ത്ര' എത്തുക. രണ്ബീര് കപൂറിന് ഏറെ പ്രതീക്ഷയുള്ള ചിത്രമാണ് 'ബ്രഹ്മാസ്ത്ര'. അമിതാഭ് ബച്ചനും ബ്രഹ്മാസ്ത്ര എന്ന ചിത്രത്തില് അഭിനയിക്കുന്നുവെന്ന പ്രത്യേകതയുണ്ട്. ഹുസൈൻ ദലാലും അയൻ മുഖര്ജിയും ചേര്ന്ന് തിരക്കഥ എഴുതിയിരിക്കുന്നു.
എസ് എസ് രാജമൗലിയാണ് മലയാളമുള്പ്പടെയുള്ള തെന്നിന്ത്യൻ ഭാഷകളില് 'ബ്രഹ്മാസ്ത്ര' അവതരിപ്പിക്കുക. നാഗാര്ജുനയും 'ബ്രഹ്മാസ്ത്ര'യില് ഒരു കഥാപാത്രത്തെ അവതരിപ്പിക്കുന്നു. രണ്ട് ഭാഗങ്ങളായിട്ട് ഉള്ള ചിത്രം ആദ്യ ഭാഗം എത്തുന്നത് ബ്രഹ്മാസ്ത്ര പാര്ട് വണ്: ശിവ എന്ന പേരിലാണ്. ഷാരൂഖ് ഖാൻ ചിത്രത്തില് ഒരു അതിഥി വേഷത്തില് എത്തുമെന്നും റിപ്പോര്ട്ടുണ്ട്.
Read More : ധനുഷിന്റെ 'തിരുചിത്രമ്പല'ത്തിനായി കാത്ത് ആരാധകര്, ഇതാ പുതിയ അപ്ഡേറ്റ്
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ