വിജയ്യുടെ 'ലിയോ'യില് എന്തൊക്കെയുണ്ടാകും?, എങ്ങനെയുണ്ടാകും?, ആദ്യ പ്രതികരണവുമായി ബാബു ആന്റണി
Synopsis
'ലിയോ' എന്ന ചിത്രത്തില് എന്തൊക്കെയുണ്ടാകുമെന്ന് പറയുകയാണ് ബാബു ആന്റണി.
'ലിയോ' പ്രഖ്യാപനംതൊട്ടെ ചര്ച്ചയിലുള്ള ചിത്രമാണ്. ലോകേഷ് കനകരാജിന്റെ സംവിധാനത്തിലുള്ള വിജയ് ചിത്രമാകുമ്പോള് പ്രതീക്ഷകള് ഏറെയാണ്. എങ്ങനെയുണ്ടാകും 'ലിയോ' എന്നറിയാനുള്ള കാത്തിരിപ്പാണ്. ഇപ്പോഴിതാ നടൻ ബാബു ആന്റണി ചിത്രം എങ്ങനെയുണ്ടാകുമെന്ന സൂചനകള് പുറത്തുവിട്ടിരിക്കുകയാണ്.
ദളപതി വിജയ്യുടെ ആക്ഷൻ രംഗങ്ങളാകും ചിത്രത്തിന്റെ ഹൈലൈറ്റ് എന്ന് ബാബു ആന്റണി വെളിപ്പെടുത്തിയായിട്ടാണ് ട്രേഡ് അനലിസ്റ്റുകള് ട്വീറ്റ് ചെയ്യുന്നത്. മറ്റൊരു ആകര്ഷണം ചിത്രത്തിന്റെ ക്ലൈമാക്സാണ്. ഹൈ എനര്ജിയിലും മാസ് അപ്പീലിലുമുള്ള ചിത്രമാകും 'ലിയോ'. സമാനമായ മറ്റ് ചിത്രങ്ങളില് നിന്ന് എന്തായാലും വ്യത്യാസമായിരിക്കും. വളരെ മികച്ച സംവിധാനമാണ് ചിത്രത്തിന്റേത്. യുണീക്കായി ചില രംഗങ്ങളും വിജയും താനും ഒന്നിച്ചുണ്ട്. സഞ്ജയ് ദത്തിനും അര്ജുനും ഒന്നിച്ചുള്ള രംഗങ്ങളിലും ഉണ്ടാകും എന്നും പ്രേക്ഷകര്ക്ക ഉറപ്പു നല്കുന്നു നടൻ ബാബു ആന്റണി.
'ലിയോ'യുടെ ചിത്രീകരണം പൂര്ത്തിയായതായി അറിയിച്ച് രംഗത്ത് എത്തിയിരുന്നു ലോകേഷ് കനകരാജ്. ആറ് മാസങ്ങളില് 125 ദിവസത്തെ സിനിമാ ചിത്രീകരണം. സിനിമയ്ക്കായി സമര്പ്പിച്ചവര്ക്ക് താൻ നന്ദി പറയുകയാണെന്നും ലോകേഷ് കനകരാജ് വ്യക്തമാക്കുന്നു. എല്ലാവരിലും അഭിമാനം തോന്നുന്നു എന്നുമാണ് 'ലിയോ'യുടെ സംവിധായകൻ ലോകേഷ് കനകരാജ് സാമൂഹ്യ മാധ്യമത്തില് പങ്കുവെച്ച കുറിപ്പിലൂടെ വ്യക്തമാക്കിയിരിക്കുന്നത്.
ലോകേഷ് കനകരാജ് സംവിധാനം ചെയ്യുന്ന ചിത്രത്തില് വിജയ്യുടെ നായികയാകുന്നത് തൃഷയാണ്. വിജയ്യും തൃഷയും 14 വര്ഷങ്ങള്ക്ക് ശേഷം വീണ്ടും ഒന്നിക്കുന്നു എന്ന പ്രത്യേകതയും 'ലിയോ'യ്ക്കുണ്ട്. ഗൗതം വാസുദേവ് മേനോൻ, അര്ജുൻ, മാത്യു തോമസ്, മിഷ്കിൻ, സഞ്ജയ് ദത്ത്, പ്രിയ ആനന്ദ്, മൻസൂര് അലി ഖാൻ, സാൻഡി മാസ്റ്റര്, ബാബു ആന്റണി, മനോബാല, ജോര്ജ്, അഭിരാമി വെങ്കടാചലം, ഡെൻസില് സ്മിത്ത്, മഡോണ സെബാസ്റ്റ്യൻ, അനുരാഗ് കശ്യപ് തുടങ്ങിവരും വിജയ് നായകനായ 'ലിയോ'യില് വേഷമിടുന്നു. ലോകേഷ് കനകരാജിന്റെ സംവിധാനത്തിലുള്ള പുതിയ ചിത്രം ബോക്സ് ഓഫീസ് റിക്കോര്ഡുകള് തിരുത്തും എന്നാണ് പ്രതീക്ഷ.
Read More: ദേവ് മോഹന്റെ 'പരാക്രമം' തുടങ്ങി
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക