സംവിധാന അരങ്ങേറ്റത്തിന് ബ്ലോക്ക്ബസ്റ്റർ രചയിതാവ് കിരൺ ജോസി; ഭാവന സ്റ്റുഡിയോസിന്‍റെ 'പിക്‌നിക്' ജനുവരി 14 ന്

പ്രേമലു സഹരചയിതാവ് കിരൺ ജോസി ആദ്യമായി സംവിധാനം ചെയ്യുന്ന 'പിക്‌നിക്' എന്ന ചിത്രം ഭാവന സ്റ്റുഡിയോസ് നിർമ്മിക്കുന്നു.

പ്രേമലു, ബെത്‍ലഹേം കുടുംബ യൂണിറ്റ് എന്നീ ചിത്രങ്ങളിൽ ഗിരീഷ് എ.ഡിക്കൊപ്പം സഹരചയിതാവായിരുന്ന കിരൺ ജോസി, യുവതാരം സന്ദീപ് പ്രദീപിനെ നായകനാക്കി ഒരുക്കുന്ന ചിത്രത്തിലൂടെ സംവിധായകനായി അരങ്ങേറ്റം കുറിക്കുന്നു. ഭാവന സ്റ്റുഡിയോസ് നിർമ്മിക്കുന്ന ചിത്രത്തിന്റെ പേര് പിക്‌നിക് എന്നാണ്. ഒരു പക്കാ ഫാമിലി ഫൺ എന്റർടൈനറായി എത്തുന്ന ചിത്രം 2027 ജനുവരി 14 നാണ് തിയറ്ററുകളിലെത്തുക. കിരൺ ജോസിയും അനുരാജ് ഒ ബിയും ചേർന്നാണ് ചിത്രത്തിന്റെ രചന നിർവ്വഹിച്ചിരിക്കുന്നത്. ദിലീഷ് പോത്തൻ, ഫഹദ് ഫാസിൽ, ശ്യാം പുഷ്കരൻ എന്നിവർ ചേർന്ന് നിർമ്മിക്കുന്ന ചിത്രത്തിൽ ഇന്ദ്രജിത്, ദിലീഷ് പോത്തൻ എന്നിവരും നിർണ്ണായക വേഷങ്ങളിലെത്തുന്നുണ്ട്.

സുജിന ശ്രീധരൻ, അക്ഷത അജിത്, രേഷ്മ ജോസി, മേരി, വിജയ് മുത്തു, പ്രണവ് പ്രഭു, ഉത്തര ഗംഗ, ജിമ്മി ഡാനി, അർഷദ് അലി, നന്ദു കെ യു, അജസ്റ്റസ് എ ജെ, അരുൺ വെയിലർ എന്നിവരാണ് ചിത്രത്തിലെ മറ്റ് താരങ്ങൾ. ഛായാഗ്രഹണം ആദർശ് സദാനന്ദൻ, എഡിറ്റിംഗ് സനത് ശിവരാജ്, സംഗീതം ഗോവിന്ദ് വസന്ത, പ്രൊഡക്ഷൻ ഡിസൈൻ വിവേക് കളത്തിൽ, വസ്ത്രാലങ്കാരം ആശിഷ് നമ്പ്യാർ, മേക്കപ്പ് റോണക്സ് സേവ്യർ, ഗാനരചന സുഹൈൽ കോയ, സൗണ്ട് ഡിസൈൻ ശങ്കരൻ കെ എസ്, കെ സി സിദ്ധാർത്ഥൻ, ഫൈനൽ മിക്സ് വിഷ്ണു സുജാതൻ, എക്സിക്യൂട്ടീവ് പ്രൊഡ്യൂസർമാർ ബെന്നി കട്ടപ്പന, ജോസ് വിജയ്, പ്രൊഡക്ഷൻ കൺട്രോളർ ജംഷീർ പുറക്കാട്ടിരി, ചീഫ് അസോസിയേറ്റ് ഡയറക്ടർ അനീഷ് ജോർജ്, വി എഫ് എക്സ് എഗ്വൈറ്റ് വി എഫ് എക്സ്, ഡി ഐ സ്റ്റുഡിയോ കളർ പ്ലാനറ്റ് സ്റ്റുഡിയോസ്, കളറിസ്റ്റ് ശ്രീക് വാര്യർ, സ്റ്റിൽസ് ജിത്തു ഫ്രാൻസിസ്, പ്രൊമോഷണൽ സ്റ്റിൽസ് രോഹിത് കെ സുരേഷ്, ടൈറ്റിൽ ഡിസൈൻ സാർക്കസനം, പബ്ലിസിറ്റി ഡിസൈൻസ് യെല്ലോടൂത്ത്സ്, പിആർഒ വൈശാഖ് സി വടക്കേവീട്, ജിനു അനിൽകുമാർ.