'നമ്മൾ ​ഗേ ആണെന്ന് നാട്ടുകാര് മൊത്തം പറയുന്നുണ്ട്'; രസിപ്പിച്ച് 'ശുക്രൻ' ടീസർ

ഉബൈനി സംവിധാനം ചെയ്യുന്ന 'ശുക്രൻ' എന്ന പുതിയ സിനിമയുടെ ടീസർ പുറത്തിറങ്ങി. ബിബിൻ ജോർജ് നായകനാകുന്ന ഈ റൊമാന്റിക് കോമഡിയിൽ ഷൈൻ ടോം ചാക്കോ, ചന്തു നാഥ്, ആദ്യാ പ്രസാദ് എന്നിവർ പ്രധാന വേഷങ്ങളിലെത്തുന്നു.

ബിബിൻ ജോർജ് നായകനായി എത്തുന്ന ഏറ്റവും പുതിയ ചിത്രം ശുക്രന്റെ ടീസർ റിലീസ് ചെയ്തു. റൊമാന്റിക് കോമഡി ജോണറിൽ ആണ് ചിത്രം ഒരുക്കിയിരിക്കുന്നത്. ഷൈൻ ടോം ചാക്കോയും ചന്തു നാഥും ചിത്രത്തിൽ പ്രധാന വേഷത്തിൽ എത്തുന്നുണ്ട്. ഉബൈനി ആണ് സംവിധാനം. ശുക്രൻ വൈകാതെ തിയറ്ററുകളിൽ എത്തും.

ജീസിനിമാസ്, എസ്.കെ.ജി.ഫിലിംസ്, നിൽ സിനിമാസ് എന്നീ ബാനറുകളിൽ നിർമ്മിക്കുന്ന ഈ ചിത്രത്തിൻ്റെ നിർമ്മാതാക്കൾ - ജീമോൻ ജോർജ്, ഷാജി.കെ. ജോർജ്, നീൽസിനിമാസ് എന്നിവരാണ്. ഷിജു ടോം, ഗിരീഷ് പാലമൂട്ടിൽ, ദിലീപ് റഹ്‍മാൻ , സഞ്ജു നെടുംകുന്നേൽ എന്നിവരാണ് കോ - പ്രൊഡ്യൂസേർസ്യ കളിക്കൂട്ടുകാരായ രണ്ട് ആത്മ സുഹൃത്തുക്കൾ ഒരേ ലക്ഷ്യം നിറവേറ്റാൻ നടത്തുന്ന ശ്രമങ്ങളാണ് തികച്ചും റൊമാന്റിക് ഹ്യൂമർ ജോണറിൽ ഈ ചിത്രത്തിലൂടെ അവതരിപ്പിക്കുന്നത്.

ചിത്രത്തിൽ ആദ്യാ പ്രസാദാണ് നായിക.കോട്ടയം നസീർ, ടിനി ടോം, അശോകൻ, അസീസ് നെടുമങ്ങാട്,ഡ്രാക്കുള സുധീർ, ബാലാജി ശർമ്മ, ,ബിനു തൃക്കാക്കര , മാലാ പാർവ്വതി, റിയസ്‌നർമ്മകല, തുഷാര പിള്ള ,ദിവ്യാ എം. നായർ,, ജയക്കുറുപ്പ്, ജീമോൻ ജോർജ്, രശ്‍മി അനിൽ എന്നിവരും പ്രധാന വേഷങ്ങളിലെത്തുന്നു.

രാഹുൽ കല്യണിന്റേതാണ് തിരക്കഥ. ഗാനങ്ങൾ - വയലാർ ശരത്‍ചന്ദ്ര വർമ്മ, രാജീവ് ആലുങ്കൽ .സംഗീതം -സ്റ്റിൽജു അർജുൻ. പശ്ചാത്തല സംഗീതം - സിബി മാത്യു അലക്സ്. ഛായാഗ്രഹണം - മെൽബിൻ കുരിശിങ്കൽ. എഡിറ്റിംഗ് സുനീഷ് സെബാസ്റ്റ്യൻ. കലാസംവിധാനം - അസീസ് കരുവാരക്കുണ്ട്. മേക്കപ്പ് - സിജേഷ് കൊണ്ടോട്ടി. കോസ്റ്റ്യും ഡിസൈൻ- ബ്യൂസി ബേബി ജോൺ. ആക്ഷൻ- കലൈകിംഗ്സ്റ്റൺ,മാഫിയാ ശശി, കൊറിയോഗ്രാഫി - ഭൂപതി. ചീഫ് അസ്സോസ്സിയേറ്റ് ഡയറക്ടർ -ബോബി സത്യശീലൻ. സ്റ്റിൽസ് - വിഷ്‍ണു .ആർ. ഗോവിന്ദ് . സൗണ്ട് മിക്സിങ് - അജിത്.എം. ജോർജ്. ലൈൻ പ്രൊഡ്യൂസർ - സണ്ണി തഴുത്തല. പ്രൊജക്റ്റ് ഡിസൈനർ - അനുക്കുട്ടൻ ഏറ്റുമാന്നൂർ. ഡിസൈൻസ് - മനു സാവിഞ്ചി. പ്രൊഡക്ഷൻ എക്സിക്യൂട്ടീവ് - ജസ്റ്റിൻ കൊല്ലം. പ്രൊഡക്ഷൻ കൺട്രോളർ - ദിലീപ് ചാമക്കാല. ചിത്രത്തിന്റെ പോസ്റ്റ് പ്രൊഡക്ഷൻ ജോലികൾ പുരോഗമിച്ചു വരുന്നു. പിആര്‍ഒ വാഴൂർ ജോസ്.