ജൂനിയര് എൻടിആറിന്റെ നായികയാകാൻ ജാൻവി കപൂറിന് വമ്പൻ പ്രതിഫലം, റിപ്പോര്ട്ടുകള് ഇങ്ങനെ
Synopsis
ജാൻവി കപൂറിന് ജൂനിയര് എൻടിആര് ചിത്രത്തില് റെക്കോര്ഡ് പ്രതിഫലം.
'ആര്ആര്ആര്' എന്ന ചിത്രത്തിലൂടെ രാജ്യത്തൊട്ടാകെ ആരാധകരെ സ്വന്തമാക്കിയ താരമാണ് ജൂനിയര് എൻടിആര്. കൊരടാല ശിവ സംവിധാനം ചെയ്യുന്ന ചിത്രത്തിലാണ് ജൂനിയര് എൻടിആര് ഇനി നായകനാകുക. 'എൻടിആര് 30' എന്ന് വിളിപ്പേരുള്ള ചിത്രത്തില് ജാൻവി കപൂറായിരിക്കും നായിക എന്ന് നേരത്തെ റിപ്പോര്ട്ടുകള് വന്നിരുന്നു. ജാൻവി കപൂറിന്റെ പ്രതിഫലം സംബന്ധിച്ച വാര്ത്തകളാണ് ഇപ്പോള് ചര്ച്ചയാകുന്നത്.
റെക്കോര്ഡ് പ്രതിഫലമായിരിക്കും ജാൻവി കപൂര് ചിത്രത്തിനായി വാങ്ങിക്കുക എന്നാണ് റിപ്പോര്ട്ട്. 3.5 കോടി രൂപയായിരിക്കും പ്രതിഫലം എന്നും ചിത്രവുമായി ബന്ധപ്പെട്ട വൃത്തങ്ങള് പറയുന്നു. എന്നാല് ഇതുവരെ 'എൻടിആര് 30'ലെ നായികയെ ഔദ്യോഗികമായി പ്രഖ്യാപിച്ചിട്ടില്ല. അടുത്തിടെ 'മിലി' എന്ന ചിത്രത്തിന്റെ പ്രമോഷന്റെ ഭാഗമായി സംസാരിക്കവേ ജൂനിയര് എൻടിആറിനൊപ്പം പ്രവര്ത്തിക്കാനുള്ള ആഗ്രഹം ജാൻവി കപൂര് വെളിപ്പെടുത്തിയിരുന്നു.
'എൻടിആര് 30' 2024 ഏപ്രില് അഞ്ചിനാണ് റിലീസ് ചെയ്യുക. ഫെബ്രുവരിയില് ജൂനിയര് എൻടിആര് ചിത്രത്തിന്റെ ചിത്രീകരണം തുടങ്ങുമെന്ന് വാര്ത്തകളുണ്ടായിരുന്നു. രത്നവേലു ആണ് ഛായാഗ്രാഹണം നിര്വഹിക്കുന്നത്. ചിത്രത്തിനായി അനിരുദ്ധ് രവിചന്ദര് സംഗീത സംവിധാനം നിര്വഹിക്കുമ്പോള് സാബു സിറിലാണ് പ്രൊഡക്ഷൻ ഡിസൈൻ.
കരുത്തുറ്റ കഥകളാല് വെള്ളിത്തിരയില് വിസ്മയം തീര്ക്കുന്ന തമിഴ് സംവിധായകൻ വെട്രിമാരനുമായി ജൂനിയര് എൻടിആര് കൈകോര്ക്കുന്നുവെന്നും റിപ്പോര്ട്ട് വന്നിരുന്നു. വെട്രിമാരൻ സംവിധാനം ചെയ്യുന്ന ചിത്രത്തിന് ജൂനിയര് എൻടിആര് സമ്മതം മൂളി എന്നാണ് റിപ്പോര്ട്ടുകള്. ഇക്കാര്യത്തില് ജൂനിയര് എൻടിആര് ഔദ്യോഗിക സ്ഥിരീകരണം നല്കിയിട്ടില്ല. എന്തായാലും കൊരടാല ശിവ, പ്രശാന്ത് നീല് എന്നിവരുടെ ചിത്രങ്ങള്ക്കൊപ്പം വെട്രിമാരന്റെ സംവിധാനത്തിലും ഒരു പാൻ ഇന്ത്യൻ സിനിമയില് ജൂനിയര് എൻടിആര് അഭിനയിച്ചേക്കുമെന്ന വാര്ത്ത ആരാധകര് ഏറ്റെടുത്തിട്ടുണ്ട്. ജൂനിയര് എൻടിആറും പ്രശാന്ത് നീലും ഒന്നിക്കുന്നുവെന്ന പ്രഖ്യാപനവും വാൻ വാര്ത്തയായി. ഒരു പാൻ ഇന്ത്യൻ ചിത്രമാണ് ജൂനിയര് എൻടിആറിനെ നായകനാക്കി പ്രശാന്ത് നീല് ഒരുക്കുക. ചിത്രത്തിന്റെ പ്രമേയം എന്തായിരിക്കും എന്ന് പുറത്തുവിട്ടിട്ടില്ല. മൈത്രി മൂവി മേക്കേഴ്സും എൻടിആര് ആര്ട്സും ചേര്ന്നാണ് ചിത്രം നിര്മിക്കുന്നത്. ഓർക്കേണ്ട ഒരേയൊരു മണ്ണ് രക്തത്തിൽ കുതിർന്ന മണ്ണാണ് എന്ന ടാഗ്ലൈനോടെയായിരുന്നു ചിത്രത്തിന്റെ പ്രഖ്യാപന പോസ്റ്റര്. എപ്പോഴായിരിക്കും പുതിയ ചിത്രങ്ങളുടെ ചിത്രീകരണമെന്നും ഇതുവരെ അറിയിച്ചിട്ടില്ല.
Read More: കാര്ത്തിയെയും അമ്പരപ്പിക്കാൻ അജയ് ദേവ്ഗണ്, 'ഭോലാ'യുടെ ദൃശ്യങ്ങള് പുറത്ത്
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ