'ചതുരം' ഒടിടിയിലേക്ക്; റിലീസ് പ്രഖ്യാപിച്ചു
Synopsis
സിദ്ധാര്ഥ് ഭരതന് സംവിധാനം ചെയ്ത ചിത്രം
റോഷന് മാത്യു, സ്വാസിക വിജയ് എന്നിവരെ പ്രധാന കഥാപാത്രങ്ങളാക്കി സിദ്ധാര്ഥ് ഭരതന് സംവിധാനം ചെയ്ത ചതുരം എന്ന ചിത്രത്തിന്റെ ഒടിടി റിലീസ് പ്രഖ്യാപിച്ചു. കഴിഞ്ഞ വര്ഷം നവംബറില് തിയറ്ററുകളിലെത്തിയ ചിത്രമാണിത്. സൈന മൂവീസിന്റെ ഒടിടി പ്ലാറ്റ്ഫോം ആയ സൈന പ്ലേയിലൂടെയാണ് ചിത്രം എത്തുക. എന്നാല് ഉടന് വരും എന്നല്ലാതെ റിലീസ് തീയതി പ്രഖ്യാപിച്ചിട്ടില്ല. ശാന്തി ബാലചന്ദ്രന്, അലന്സിയര് ലേ ലോപ്പസ്, നിഷാന്ത് സാഗര്, ലിയോണ ലിഷോയ്, ജാഫര് ഇടുക്കി, ജിലു ജോസഫ് തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
നിദ്ര, ചന്ദ്രേട്ടന് എവിടെയാ, വര്ണ്ണ്യത്തില് ആശങ്ക എന്നീ ചിത്രങ്ങള്ക്കു ശേഷം സിദ്ധാര്ഥ് ഭരതന് സംവിധാനം ചെയ്ത ചിത്രമാണിത്. സിദ്ധാര്ഥ് ഭരതനൊപ്പം വിനോയ് തോമസും ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്. ഗ്രീന്വിച്ച് എന്റര്ടെയ്ന്മെന്റ്സ്, യെല്ലോ ബേഡ് പ്രൊഡക്ഷന്സ് എന്നീ ബാനറുകളില് വിനീത അജിത്ത്, ജോര്ജ് സാന്റിയാഗോ, ജംനീഷ് തയ്യില്, സിദ്ധാര്ഥ് ഭരതന് എന്നിവര് ചേര്ന്നാണ് നിര്മ്മാണം.
പ്രദീഷ് വര്മ്മയാണ് ഛായാഗ്രാഹകന്. സംഗീതം പ്രശാന്ത് പിള്ള, എഡിറ്റിംഗ് ദീപു ജോസഫ്, ടീസര്, ട്രെയ്ലര് കട്ട് ഡസ്റ്റി ഡസ്ക്, വരികള് വിനായക് ശശികുമാര്, കലാസംവിധാനം അഖില്രാജ് ചിറയില്, വസ്ത്രാലങ്കാരം സ്റ്റെഫി സേവ്യര്, മേക്കപ്പ് അഭിലാഷ് എം, സംഘട്ടനം മാഫിയ ശശി, സൌണ്ട് ഡിസൈന് വിക്കി, കിഷന് (സപ്ത), ഓഡിയോഗ്രഫി എം ആര് രാജകൃഷ്ണന്, പ്രൊഡക്ഷന് കണ്ട്രോളര് മനോജ് കാരന്തൂര്, അസോസിയേറ്റ് ഡയറക്ടര് ആംബ്രോ വര്ഗീസ്, സ്റ്റില് ഫോട്ടോഗ്രാഫര് ജിതിന് മധു, പിആര്ഒ പപ്പെറ്റ് മീഡിയ, ടൈറ്റില് ഡിസൈന് ഉണ്ണി സെറോ, വിഎഫ്എക്സ് ഡിജിബ്രിക്സ്, കളറിസ്റ്റ് പ്രകാശ് കരുണാനിധി, അസിസ്റ്റന്റ് കളറിസ്റ്റ് സജുമോന് ആര് ഡി.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ