ഓസ്കര് അവാര്ഡിനുള്ള ചുരുക്കപ്പട്ടികയില് 'ഛെല്ലോ ഷോ'യും 'ആര്ആര്ആര്' ഗാനവും
Synopsis
എസ് എസ് രാജമൗലിയുടെ സംവിധാനത്തിലുള്ള ചിത്രത്തിലെ ഗാനം ഒറിജിനല് സോംഗ് കാറ്റഗറിയിലാണ് ഇടംനേടിയിരിക്കുന്നത്.
തൊണ്ണൂറ്റിയഞ്ചാമത് ഓസ്കര് അവാര്ഡിനുള്ള ചുരുക്കപ്പട്ടികയില് ഇടം നേടി ഇന്ത്യയില് നിന്ന് രണ്ട് ചിത്രങ്ങള്. 'ഛെല്ലോ ഷോ', 'ആര്ആര്ആര്' എന്നീ ചിത്രങ്ങളാണ് ഓസ്കറിന് മത്സരിക്കാനുള്ള പട്ടികയില് ഇന്ത്യയില് നിന്ന് സ്ഥാനം നേടിയത്. ഇന്ത്യയുടെ ഔദ്യഗിക എൻട്രിയായ 'ഛെല്ലോ ഷോ' മികച്ച വിദേശ ഭാഷ ചിത്രത്തിന്റെ അവാര്ഡിനുള്ള ചുരുക്കപട്ടികയിലാണ് അവസാന പതിനഞ്ചില് ഇടംനേടിയത്. 'ആര്ആര്ആര്' മികച്ച ഒറിജിനല് സോംഗ് കാറ്റഗറിലെ മത്സരത്തിനാണ് പട്ടികയില് സ്ഥാനം പിടിച്ചത്.
പാൻ നളിൻ സംവിധാനം ചെയ്ത ഗുജറാത്തി ചിത്രമാണ് 'ഛെല്ലോ ഷോ'. ഭാവിൻ രബാറീ, ഭാവേഷ് ശ്രീമാളി, റിച്ച മീന, ദിപെൻ രാവൽ, പരേഷ് മേത്ത എന്നിവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ഇരുപതാമത് ട്രിബെക്ക ഫിലിം ഫെസ്റ്റിവലിൽ ആണ് ചിത്രം പ്രീമിയര് ചെയ്തത്. പാൻ നളിൻ തന്നെയാണ് ചിത്രത്തിന്റെ തിരക്കഥ എഴുതിയതും.
'നാട്ടു നാട്ടു' എന്ന ഹിറ്റ് ഗാനമാണ് മികച്ച ഒറിജിനല് സ്കോര് കാറ്റഗറിക്കുള്ള ഓസ്കര് അവാര്ഡിന് മത്സരിക്കുന്ന അവസാന പതിനഞ്ചില് ഇടംനേടിയിരിക്കുന്നത്. എം എം കീരവാണിയാണ് ചിത്രത്തിലെ ഗാനത്തിന് സംഗീത സംവിധാനം ചെയ്തിരിക്കുന്നത്. ചന്ദ്രബോസിന്റെ വരികള് രാഹുല് കാല ഭൈരവ എന്നിവര് ചേര്ന്നാണ് പാടിയിരിക്കുന്നത്. ചിത്രത്തില് പ്രധാന കഥാപാത്രങ്ങളെ അവതരിപ്പിച്ച ജൂനിയര് എൻടിആറും രാം ചരണും 'നാട്ടു നാട്ടു' ഗാനത്തിന് ചെയ്ത നൃത്തച്ചുവടുകളും വൻ ഹിറ്റായിരുന്നു.
അജയ് ദേവ്ഗണ്, ആലിയ ഭട്ട്, ഒലിവിയ മോറിസ്, റേ സ്റ്റീവെന്സണ്, അലിസണ് ഡൂഡി തുടങ്ങിയ താരങ്ങളും 'ആര്ആര്ആറി'ല് അഭിനയിച്ചിരുന്നു. രാജമൗലിയുടെ അച്ഛൻ കെ വി വിജയേന്ദ്ര പ്രസാദ് ആണ് ചിത്രത്തിന് തിരക്കഥയെഴുതിയത്. 1920കള് പശ്ചാത്തലമാക്കുന്ന ചിത്രം അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യ സമര സേനാനികളുടെ കഥയാണ് പറയുന്നത്. യഥാര്ഥ ജീവിതത്തില് നേരിട്ട് കണ്ടിട്ടില്ലാത്ത ഇവര് പരസ്പരം കണ്ടിരുന്നെങ്കിലോ എന്ന ഭാവനയിലാണ് ചിത്രത്തിന്റെ കഥ രാജമൗലി എഴുതിയിരിക്കുന്നത്. ഡിവിവി എന്റര്ടൈന്മെന്റിന്റെ ബാനറില് ഡിവിവി ദാനയ്യയാണ് ചിത്രം നിര്മ്മിച്ചത്. 1200 കോടി രൂപയില് അധികം ചിത്രം കളക്ഷൻ നേടിയിരുന്നു. അടുത്തിടെ ജപ്പാനിലും റിലീസ് ചെയ്ത ചിത്രം മികച്ച പ്രതികരണമാണ് നേടിയത്.
Read More: 'കാന്താര' രണ്ടാം ഭാഗമുണ്ടാകുമെന്ന് ഉറപ്പായി