അമ്പരപ്പിക്കുന്ന കുതിപ്പുമായി രായൻ, തമിഴ്നാട്ടിലെ കളക്ഷനില് ആ നിര്ണായക സംഖ്യ മറികടന്നു
Synopsis
വൻ കുതിപ്പുമായി ധനുഷിന്റെ രായൻ.
ധനുഷ് നായകനായി വേഷമിട്ട് വന്ന ചിത്രമാണ് രായൻ. ധനുഷിന്റെ രായൻ ആഗോളതലത്തില് 131 കോടി രൂപയിലധികം നേടിയിട്ടുണ്ട് എന്നാണ് റിപ്പോര്ട്ടുകള് സൂചിപ്പിക്കുന്നത്. തമിഴ്നാട്ടില് ധനുഷിന്റെ തിരുച്ചിദ്രമ്പലത്തിന്റെ ലൈഫ്ടൈം കളക്ഷൻ രായൻ മറികടന്നിരിക്കുകയാണ്. തമിഴ്നാട്ടില് നിന്ന് മാത്രം 70 കോടി രൂപയിലധികം രായൻ നേടിയിട്ടുണ്ടെന്നാണ് റിപ്പോര്ട്ട്.
സണ് നെക്സ്റ്റിലൂടെയാണ് ധനുഷിന്റെ രായൻ ഒടിടിയില് പ്രദര്ശനത്തിനെത്തുക എന്നും റിപ്പോര്ട്ടുകള് സൂചിപ്പിക്കുന്നു. സണ് നെക്സ്റ്റില് രായൻ ഓഗസ്റ്റ് അവസാനയാഴ്ചയോടെയാകും എത്തുക എന്നുമാണ് പുതിയ റിപ്പോര്ട്ട്. ഇന്നോളമുള്ള ധനുഷിന്റെ മികച്ച ഓപ്പണിംഗ് കളക്ഷനാണ് രായന്റേത് എന്നാണ് റിപ്പോര്ട്ടുകള് സൂചിപ്പിക്കുന്നത്. അടുത്ത കാലത്ത് തമിഴില് നിന്നുള്ള സിനിമകള് പ്രതീക്ഷിച്ചത്ര വിജയം നേടാനാകാതെ തളരുമ്പോള് കളക്ഷനില് രായൻ കുതിക്കുന്നതാണ് കാണാനാകുന്നത്.
ധനുഷ് രായൻ എന്ന ടൈറ്റില് കഥാപാത്രത്തെ അവതരിപ്പിച്ച് പ്രേക്ഷകരെ അക്ഷരാര്ഥത്തില് ഞെട്ടിച്ചിരിക്കുകയാണ്. സംവിധാനവും നിര്വഹിച്ചിരിക്കുന്ന് ധനുഷാണ്. ഛായാഗ്രാഹണം ഓം പ്രകാശാണ്. ധനുഷ് നായകനായ രായന്റെ സംഗീത സംവിധാനം എ ആര് റഹ്മാനാണ് നിര്വഹിച്ചിരിക്കുന്നത്.
മലയാളത്തില് നിന്ന് അപര്ണയ്ക്ക് പുറമേ ചിത്രത്തില് നിത്യ മേനൻ, കാളിദാസ് ജയറാം എന്നിവരും എത്തുമ്പോള് ധനുഷ് സംവിധായകനായ രായനില് മറ്റ് പ്രധാന താരങ്ങള് സുന്ദീപ് കിഷൻ, വരലക്ഷ്മി ശരത്കുമാര്, ദുഷ്റ വിജയൻ. എസ് ജെ സൂര്യ, പ്രകാശ് രാജ്, സെല്വരാഘവൻ എന്നിവരാണ്. രായനിലെ ധനുഷ് അവതരിപ്പിക്കുന്ന നായക കഥാപാത്രം ഒരു കുക്കാണ് എന്ന് റിപ്പോര്ട്ടുകളുണ്ടായിരുന്നു. എന്നാല് മുമ്പ് അധോലോക നായകനുമാണ് കഥാപാത്രം എന്നാണ് റിപ്പോര്ട്ടുകളില് നിന്ന് വ്യക്തമാകുന്നത്. എസ് ജെ സൂര്യയാണ് ധനുഷിന്റെ ചിത്രത്തില് പ്രതിനായകനായി എത്തുന്നത് എന്നതും ആകര്ഷണീയമാണ്.
Read More: അത്ഭുതം കാട്ടി ദേവദൂതൻ, കോടികളുടെ കളക്ഷൻ, ഇനി ആ രാജ്യങ്ങളിലേക്ക് എത്തുന്നു
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക