'ആ നായകനില്ലെങ്കില് എല്സിയു പൂര്ണമാകില്ല', സംവിധായകൻ ലോകേഷ് കനകരാജിന്റെ വാക്കുകള് ചര്ച്ചയാകുന്നു
Synopsis
ഇനി എല്സിയുണ്ടാകില്ലേയെന്ന ആശങ്കയാണ് ആരാധകര്ക്ക്,
രാജ്യമൊട്ടാകെ ആരാധകരുള്ള ഒരു തമിഴ് സംവിധായകനാണ് ലോകേഷ് കനകരാജ്. ലോകേഷ് സിനിമാറ്റിക് യൂണിവേഴ്സും ഇന്ത്യയിലെ സിനിമാ പ്രേമികളുടെ പ്രിയപ്പെട്ടതാണ്. എല്സിയുടെ പൂര്ണമാകണമെങ്കില് വിജയ്യുടെ സാന്നിദ്ധ്യം ഉണ്ടായേ തീരൂവെന്ന് പറയുകയാണ് ലോകേഷ് കനകരാജ്. ലോകേഷ് കനകരാജ് ഒരു സിനിമയുടെ പ്രമോഷൻ വേദിയിലാണ് ഇക്കാര്യം പറഞ്ഞത്.
വിജയ് സാറില്ലെങ്കില് എല്സിയു പൂര്ണമാകില്ല. അദ്ദേഹം ഇനി ചെയ്യുമോയെന്ന് അറിയില്ല. കാരണം ഇപ്പോള് അദ്ദേഹത്തിന്റെ ലക്ഷ്യം മറ്റൊന്ന്. പക്ഷേ അദ്ദേഹത്തിന്റെ സാന്നിദ്ധ്യമില്ലെങ്കില് എല്സിയു ഒരിക്കലും പൂര്ണമാകില്ല. ലിയോ 2 അദ്ദേഹത്തെവെച്ച് ചെയ്യണമെന്ന് ആഗ്രഹമുണ്ടെന്നും പറയുന്നു സംവിധായകൻ ലോകേഷ് കനകരാജ്.
ലോകേഷ് കനകരാജ് സംവിധാനം ചെയ്യുന്ന ചിത്രമായി വരാനുള്ളത് കൂലിയാണ്. തമിഴകത്തിന്റെ രജനികാന്ത് നായകനായി വരാനിരിക്കുന്ന ചിത്രവുമാണ് കൂലി. ഓഗസ്റ്റ് 14നാണ് രജനികാന്ത് നായകനായ ചിത്രം പ്രദര്ശനത്തിന് എത്തുക. സ്റ്റൈല് മന്നൻ രജനികാന്തിന്റേതായി ഒടുവില് വന്നത് വേട്ടയ്യനായിരുന്നു.
സംവിധായകൻ ലോകേഷ് കനകരാജിന്റേതായി ഒടുവിലെത്തിയ ചിത്രം വിജയ് നായകനായി വേഷമിട്ട ലിയോയാണ്. സംവിധായകൻ ലോകേഷ് കനകരാജിന്റെ ഒരു ചിത്രത്തില് വിജയ് നായകനായപ്പോള് പ്രതീക്ഷിച്ചതിനും അപ്പുറമുള്ള ഒരു വിജയമാണ് നേടാനായത് എന്നായിരുന്നു ബോക്സ് ഓഫീസ് റിപ്പോര്ട്ട്. തമിഴകത്ത് ഇൻഡസ്ട്രി ഹിറ്റാകാനും വിജയ് ചിത്രം ലിയോയ്ക്ക് സാധിച്ചു. ദളപതി വിജയ്യുടെ ലിയോയുടെ രണ്ടാം ഭാഗം ഉണ്ടാകുമെന്നും നേരത്തെ ഒരു റിപ്പോര്ട്ടുണ്ടായിരുന്നു. വിജയ്യുടെ ലിയോ ആഗോളതലത്തില് 620 കോടി രൂപയിലധികം നേടിയിരുന്നു എന്നായിരുന്നു റിപ്പോര്ട്ട്. തൃഷ വിജയ്യുടെ നായികയായി 14 വര്ഷങ്ങള് കഴിഞ്ഞ് വീണ്ടും എത്തിയിരിക്കുന്നു എന്ന ഒരു പ്രത്യേകതയും ലിയോയ്ക്കുണ്ടായിരുന്നതിനാല് ആരാധകര് കാത്തിരുന്നിരുന്നതായിരുന്നു. സത്യ എന്ന ഒരു കഥാപാത്രമായിട്ടാണ് ചിത്രത്തില് വിജയ്യുടെ നായികയായി തൃഷ എത്തിയത്. വിജയ്യ്ക്കും നായിക തൃഷയ്ക്കും പുറമേ ചിത്രത്തില് അര്ജുൻ, സാൻഡി മാസ്റ്റര്, മാത്യു, മനോബാല, പ്രിയ ആനന്ദ്, ബാബു ആന്റണി, അഭിരാമി വെങ്കടാചലം, ഇയ, വാസന്തി, മായ എസ് കൃഷ്ണൻ, ശാന്തി മായാദേവേി, മഡോണ സെബാസ്റ്റ്യൻ, അനുരാഗ് കശ്യപ്, സച്ചിൻ മണി തുടങ്ങിയവരും വേഷമിട്ടു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക