'ഇൻസ്പെക്ടര് അര്ജുൻ വര്മ'യായി ദുല്ഖര്, വീഡിയോ കാണാം
Synopsis
ദുല്ഖര് 'ഇൻസ്പെക്ടര് അര്ജുൻ വര്മ'യായ വീഡിയോ പുറത്ത്.
ദുല്ഖര് പ്രധാന വേഷത്തിലെത്തുന്ന വെബ് സീരീസ് 'ഗണ്സ് ആൻഡ് ഗുലാബ്സ്' റിലീസ് തയ്യാറെടുക്കുകയാണ്. രാജ് നിദിമൊരുവും കൃഷ്ണ ഡികെയുമാണ് സംവിധാനം നിര്വഹിക്കുന്നത്. 'ഗണ്സ് ആൻഡ് ഗുലാബ്സി'ലെ ദുല്ഖറിന്റെ കഥാപാത്രത്തിന്റെ ഗ്ലിംപ്സ് പുറത്തുവിട്ടിരിക്കുകയാണ്. 'ഇൻസ്പെക്ടര് അര്ജുൻ വര്മ'യായിട്ടാണ് ദുല്ഖര് സീരീസില് എത്തുക.
കോമഡി ക്രൈം ത്രില്ലര് വിഭാഗത്തിലുള്ള സിരീസാണ് ഇത്. രാജ്കുമാര് റാവു, ആദര്ശ് ഗൗരവ്, ഗുല്ഷന് ദേവയ്യ, സതീഷ് കൌശിക്, വിപിന് ശര്മ്മ, ശ്രേയ ധന്വന്തരി, ടി ജെ ഭാനു എന്നിവരാണ് മറ്റു വേഷങ്ങള് ചെയ്തിരിക്കുന്ന 'ഗണ്സ് ആൻഡ് ഗുലാബ്സ്' നെറ്റ്ഫ്ലിക്സില് ഓഗസ്റ്റ് 18 സ്ട്രീമിംഗ് ആരംഭിക്കും. പങ്കജ് കുമാറാണ് ഛായാഗ്രഹണം. തൊണ്ണൂറുകള് പശ്ചാത്തലമാക്കുന്ന ദുല്ഖിറിന്റെ സിരീസിന്റെ കഥ ഒരുക്കിയിരിക്കുന്നത് രാജ് നിദിമൊരുവും കൃഷ്ണ ഡികെയോടുമൊപ്പം സുമന് കുമാര് കൂടി ചേര്ന്നാണ്.
ദുല്ഖര് നായകനായി വേഷിടുന്ന പുതിയ ചിത്രമായി ഇനി എത്താനുള്ളത് 'കിംഗ് ഓഫ് കൊത്ത'യാണ്. മലയാളത്തിന്റെ ഹിറ്റ് മേക്കര് ജോഷിയുടെ മകൻ അഭിലാഷ് ജോഷിയാണ് ചിത്രം സംവിധാനം ചെയ്യുന്നത്. 'കിംഗ് ഓഫ് കൊത്ത' എന്ന സിനിമയുടെ ഓഡിയോ റൈറ്റ്സ് സോണി മ്യൂസിക് നേടിയിരിക്കുന്നത്. 'പൊറിഞ്ചു മറിയം ജോസി'ന്റെ തിരക്കഥാകൃത്ത് അഭിലാഷ് എന് ചന്ദ്രനാണ് ചിത്രത്തിന്റെ രചന നിര്വ്വഹിക്കുന്നത്.
ആര് ബല്കി സംവിധാനം ചെയ്ത 'ഛുപ്: റിവെഞ്ച് ഓഫ് ദ് ആര്ട്ടിസ്റ്റ്' എന്ന ബോളിവുഡ് ചിത്രമാണ് ദുല്ഖറിന്റേതായി ഏറ്റവും ഒടുവില് പ്രദര്ശനത്തിന് എത്തിയത്. ആര് ബല്കിയുടെ തന്നെ രചനയില് എത്തിയ ചിത്രമാണ് ഇത്. വിശാല് സിന്ഹ ഛായാഗ്രഹണം നിര്വ്വഹിച്ചിരിക്കുന്ന ചിത്രത്തിന് സംഗീതം പകരുന്നത് അമിത് ത്രിവേദിയാണ്. എഡിറ്റിംഗ് നയന് എച്ച് കെ ഭദ്ര. സംവിധായകനൊപ്പം രാജ സെന്, റിഷി വിര്മാനി എന്നിവര് ചേര്ന്നാണ് തിരക്കഥ, സംഭാഷണം ഒരുക്കിയിരിക്കുന്നത്. പ്രൊഡക്ഷന് ഡിസൈനര് സന്ദീപ് ഷറദ് റവാഡെ, സൗണ്ട് ഡിസൈനിംഗ് ദേബഷിഷ് മിശ്ര, വരികള് സ്വാനന്ദ് കിര്കിറെ, വസ്ത്രാലങ്കാരം അയ്ഷ മര്ച്ചന്റ്, സംഘട്ടനം വിക്രം ദഹിയ. ഗൗരി ഷിന്ഡെ, ആര് ബല്കി, രാകേഷ് ജുന്ജുന്വാല എന്നിവര് ചേര്ന്നാണ് നിര്മ്മാണം. പ്രമുഖ ബോളിവുഡ് സംവിധായകനും നടനുമൊക്കെയായിരുന്ന ഗുരു ദത്തിനുള്ള ആദരം എന്ന നിലയ്ക്കാണ് 'ഛുപ്: റിവെഞ്ച് ഓഫ് ദ് ആര്ട്ടിസ്റ്റ്' ഒരുക്കിയിരുന്നത്.
'രഞ്ജിത്താണ് മറുപടി പറയേണ്ടത്', അവാര്ഡ് വിവാദത്തില് മന്ത്രി സജി ചെറിയാനെ വിമര്ശിച്ച് വിനയൻ
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ