റിലീസ് 117 തീയേറ്ററുകളില്; 'ഹെലെന്' ഇന്ന് മുതല്
Synopsis
ഹാബിറ്റ് ഓഫ് ലൈഫിന്റെ ബാനറില് വിനീത് ശ്രീനിവാസന് നിര്മ്മിക്കുന്ന ചിത്രം സംവിധാനം ചെയ്തിരിക്കുന്നത് നവാഗതനായ മാത്തുക്കുട്ടി സേവ്യറാണ്.
അന്ന ബെന് ടൈറ്റില് കഥാപാത്രമായെത്തുന്ന 'ഹെലെന്' ഇന്ന് തീയേറ്ററുകളില്. കേരളത്തിലെ 117 റിലീസിംഗ് സെന്ററുകളിലാണ് ചിത്രം എത്തുന്നത്. ഹാബിറ്റ് ഓഫ് ലൈഫിന്റെ ബാനറില് വിനീത് ശ്രീനിവാസന് നിര്മ്മിക്കുന്ന ചിത്രം സംവിധാനം ചെയ്തിരിക്കുന്നത് നവാഗതനായ മാത്തുക്കുട്ടി സേവ്യറാണ്.
'കുമ്പളങ്ങി നൈറ്റ്സി'ലെ ശ്രദ്ധേയ കഥാപാത്രത്തിന് ശേഷം അന്ന ബെന് അഭിനയിച്ചിരിക്കുന്ന ചിത്രമാണിത്. ത്രില്ലര് വിഭാഗത്തില് പെടുന്ന ചിത്രത്തില് ലാല്, നോബിള് ബാബു തോമസ്, അജു വര്ഗീസ്, റോണി ഡേവിഡ് രാജ്, ബിനു പപ്പു തുടങ്ങിയവര് അഭിനയിച്ചിരിക്കുന്നു. ആല്ഫ്രഡ് കുര്യന് ജോസഫ്, നോബിള് ബാബു തോമസ്, മാത്തുക്കുട്ടി സേവ്യര് എന്നിവര് ചേര്ന്നാണ് രചന നിര്വ്വഹിച്ചിരിക്കുന്നത്.
ഛായാഗ്രഹണം ആനന്ദ് സി ചന്ദ്രന്. എഡിറ്റിംഗ് ഷമീര് മുഹമ്മദ്. സംഗീതം ഷാന് റഹ്മാന്. ചീഫ് അസോസിയേറ്റ് ഡയറക്ടര് അനില് എബ്രഹാം. ഹാബിറ്റ് ഓഫ് ലൈഫിന്റെ ബാനറില് വിനീത് ശ്രീനിവാസന് നിര്മ്മിക്കുന്ന രണ്ടാമത്തെ ചിത്രമാണിത്. ഗണേഷ് രാജ് സംവിധാനം ചെയ്ത ആനന്ദമായിരുന്നു വിനീതിന്റെ ആദ്യ നിര്മ്മാണ സംരംഭം.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ