18 ന് തിയറ്ററുകളിലേക്ക്; ജി മാര്‍ത്താണ്ഡന്‍റെ 'ഓട്ടം തുള്ളലി'ലെ പ്രധാന കഥാപാത്രങ്ങളെ പരിചയപ്പെടാം

ജി മാർത്താണ്ഡൻ സംവിധാനം ചെയ്യുന്ന 'ഓട്ടം തുള്ളൽ' സെപ്റ്റംബർ പതിനെട്ടിന് തിയേറ്ററുകളിലെത്തുന്നു

ജി മാർത്താണ്ഡൻ സംവിധാനം ചെയ്യുന്ന ഓട്ടം തുള്ളൽ എന്ന ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായി. ചിത്രം സെപ്റ്റംബർ പതിനെട്ടിന് പ്രദർശനത്തിനെത്തുമ്പോൾ ചിത്രത്തിലെ ചില സുപ്രധാന കഥാപാത്രങ്ങളെക്കൂടി ഒന്ന് പരിചയപ്പെടാം. ചിരിയും ചിന്തയും നൽകുന്ന ഈ കഥാപാതങ്ങൾ നമ്മുടെ ഗ്രാമീണ ജീവിതത്തിൽ നാം നിത്യവും കാണുകയും കേൾക്കുകയും ചെയ്യുന്നവരുടെ പ്രതീകങ്ങളായി കണക്കാക്കാം. ചിത്രത്തിലെ കേന്ദ്ര കഥാപാത്രം ഉദയൻ ശാന്തിയാണ്. ഒരു ശാന്തിക്കാരനാണോ എന്നു ചോദിച്ചാൽ പൂർണ്ണമായും ആണന്നും പറയാൻ പറ്റില്ല, പല രംഗങ്ങളിലും ഉദയൻ ശാന്തിക്കാരനുണ്ട്. വിജയരാഘവനാണ് ഉദയൻ ശാന്തിക്കാരനെ ഭദ്രമാക്കുന്നത്. ഏത് കഥാപാത്രത്തെയും അനായാസേന അവതരിപ്പിക്കുന്ന വിജയരാലവൻ്റെ ഏറെ കൗതുകകരമായ കഥാപാത്രമാണ് ഉദയൻ ശാന്തിക്കാരൻ.

വിഷ്‌ണു ഉണ്ണികൃഷ്ണൻ അവതരിപ്പിക്കുന്ന സ്വപ്‌നേഷ് മറ്റൊരു രസകരമായ കഥാപാത്രമാണ്. ആശുപത്രിക്കടുത്ത് ശവപ്പെട്ടിക്കട നടത്താൻ പരസ്യം ചെയ്യുന്ന സ്വപ്നേഷ് ആരെയും എളുപ്പത്തിൽ ആകർഷിക്കാൻ പോന്ന ആളാണ്. ഇത്തരം പരിപാടികളാണ് സ്വപ്‌നേഷിൻ്റെ കൂടപ്പിറപ്പായി ഉള്ളത്. ഇനി നമുക്ക് ബാബു അളിയനെ പരിചയപ്പെടാം. അശോകനാണ് ഈ കഥാപാത്രത്തെ അവതരിപ്പിക്കുന്നത്. പ്രേഷകരെ എന്നും ചിരിപ്പിക്കുന്ന ഹരിശ്രീ അശോകൻ്റെ ബാബു അളിയന്‍ വീണ്ടും പ്രേഷകരെ ചിരിപ്പിക്കുമോ? ഇനി ആൻ്റപ്പനിലേക്ക് എത്താം. ടിനി ടോം അവതരിപ്പിക്കുന്ന ഈ കഥാപാത്രത്തിനു പിന്നിൽ എന്തെല്ലാം പ്രത്യേകതകളുണ്ട്. പ്രേഷകരെ ഏറെ സ്വാധീനിച്ച ഒരു ചിത്രമാണ് രിങ്കളാഴ്ച്ച നിശ്ചയം. ഈ ചിത്രത്തിലൂടെ ഏറെ പ്രശസ്‌തി നേടിയ നടനാണ് മനോജ് കെ യു. പിന്നീട് നിരവധി ചിത്രങ്ങളിലൂടെ തൻ്റെ സാന്നിദ്ധ്യം സിനിമയിൽ ഉറപ്പിച്ചെടുത്ത നടനുമാണ് ഇദ്ദേഹം. ഈ ചിത്രത്തിലെ രാജൻ എന്ന കഥാപാത്രത്തെ മനോജ് കെ യു അവതരിപ്പിക്കുന്നു.

മലയാള സിനിമയിലെ മികച്ച അഭിനേതാക്കളുടെ ഈ കൂട്ടായ്മയിലെത്തുന്ന ഈ ചിത്രം പ്രേഷകർക്ക് നല്ലൊരു കലാവിരുന്നു തന്നെ നൽകുമെന്നതിൽ സംശയമില്ല. തികഞ്ഞ നാട്ടിൻപുറം പശ്ചാത്തലത്തിലൂടെ അവിടുത്തെ ജീവിതത്തിൻ്റെ റിയലിസ്‌റ്റിക്കായ അവതരണമാണ് മാർത്താണ്ഡൻ ഈ ചിത്രത്തിലൂടെ നിർവ്വഹിക്കുന്നത്. ആദ്യാ പ്രൊഡക്ഷൻസ് അവതരിപ്പിക്കുന്ന ഈ ചിത്രം ജെ.കെ.എസ് പ്രൊഡക്ഷൻസിൻ്റെ ബാനറിൽ മോഹൻ നെല്ലിക്കാട്ട് നിർമ്മിക്കുന്നു. കോ പ്രൊഡ്യൂസർ സിറിയക്ക് ആലഞ്ചേരി, എക്സിക്യൂട്ടീവ് പ്രൊഡ്യൂസേഴ്സ് ഹിരൺ മഹാജൻ, ജി മാർത്താണ്ഡൻ. വിജയരാഘവൻ, വിഷ്‌ണു ഉണ്ണികൃഷ്ണൻ, ഹരിശ്രീ അശോകൻ, ടിനി ടോം, കെ യു മനോജ് എന്നിവർക്ക് പുറമെ ബിനു ശിവറാം, ജിയോ ബേബി, സിദ്ധാർത്ഥ് ശിവ, കുട്ടി അഖിൽ ജെറോം, ബിപിൻ ചന്ദ്രൻ, പ്രിയനന്ദൻ, വൈക്കം ഭാസി, ആദിനാട് ശശി, റോയ് തോമസ്, മാസ്റ്റർ ശ്രീപദ് യാൻ, അനിയപ്പൻ, ശ്രീരാജ്, പൗളി വത്സൻ, സേതുലക്ഷ്മി, ജസ്ന്യ കെ ജയദീഷ്, ചിത്ര നായർ, പ്രിയ കോട്ടയം, ബിന്ദു അനീഷ്, ലത ദാസ്, അജീഷ, രാജി മേനോൻ, ബേബി റിഹരാജ് എന്നിവരും ഈ ചിത്രത്തിലെ പ്രധാന വേഷങ്ങളിലെത്തുന്നു. ബിബിൻ ജോർജ് സുപ്രധാനമായ ഒരു കഥാപാത്രത്തെ അവതരിപ്പിക്കുന്നു.

ബിനു ശശിറാമിൻ്റേതാണു തിരക്കഥ. പ്രദീപ് നായർ ഛായാഗ്രഹണവും ജോൺകുട്ടി എഡിറ്റിംഗും നിർവ്വഹിക്കുന്നു. കലാസംവിധാനം സുജിത് രാഘവ്, മേക്കപ്പ് അമൽ.സി.ചന്ദ്രൻ, കോസ്റ്റ്യൂം ഡിസൈൻ സിജി തോമസ് നോബൽ, ചീഫ് അസോസിയേറ്റ് ഡയറക്ടർ അജയ് ചന്ദ്രിക, പ്രശാന്ത് ഈഴവൻ, അസോസിയേറ്റ് ഡയറക്ടേഴ്സ് സജ്യൂ പൊറ്റയിൽക്കട, ഡിഫിൻ ബാലൻ, പ്രൊഡക്ഷൻ സ്റ്റിൽസ് അജി മസ്ക്കറ്റ്, മാനേജേഴ്സ് റഫീഖ് ഖാൻ, ആര്‍ മെൽബിൻ ഫെലിക്സ്, പ്രൊഡക്ഷൻ കൺട്രോളർ ബിജു കടവൂർ. ഗുഡ് ഫെല്ലാസ് റിലീസ് ഈ ചിത്രം പ്രദർശനത്തിനെത്തിക്കുന്നു. പിആര്‍ഒ വാഴൂർ ജോസ്.