സമൂഹമാധ്യമങ്ങളിൽ വൈറലായി ഇന്ത്യന് 2ന്റെ സ്വാതന്ത്ര്യദിന പോസ്റ്റര്; മറ്റൊരു ശങ്കർ മാജിക്കിനായി ആരാധകർ
Synopsis
200 കോടി രൂപ ബഡ്ജറ്റില് ഒരുക്കുന്ന ചിത്രത്തില് കാജല് അഗര്വാളാണ് നായിക
ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കമല്ഹാസന്റെ ഇന്ത്യന്2. ശങ്കര് സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് പുരോഗമിക്കുകയാണ്. ഇപ്പോഴിതാ സ്വാതന്ത്ര്യ ദിനത്തില് ഇന്ത്യന്2ന്റെ പ്രത്യേക പോസ്റ്റര് പുറത്തിറക്കിയിരിക്കുകയാണ് ചിത്രത്തിലെ അണിയറ പ്രവര്ത്തകര്.
200 കോടി രൂപ ബഡ്ജറ്റില് ഒരുക്കുന്ന ചിത്രത്തില് കാജല് അഗര്വാളാണ് നായിക. ഐശ്വര്യ രാജേഷും പ്രിയ ഭവാനിയും ചിത്രത്തിലെ പ്രധാനകഥാപാത്രങ്ങളായി എത്തുന്നു. രവി വര്മ്മ ഛായാഗ്രഹണം നിര്വഹിക്കുന്ന ചിത്രത്തിന്റെ സംഘട്ടനം ഒരുക്കുന്നത് പീറ്റര് ഹെയ്നാണ്. 1996ലാണ് കമല്ഹാസൻ-ശങ്കര് ടീമിന്റെ ഇന്ത്യൻ തിയേറ്ററുകളിലെത്തിയത്. കമൽ ഹാസൻ ഇരട്ടവേഷത്തിൽ എത്തിയ ചിത്രം 1996-ലെ ഓസ്കർ പുരസ്കാരത്തിനുള്ള ഇന്ത്യയുടെ ഔദ്യോഗിക എൻട്രിയായിരുന്നു. വമ്പൻ വിജയം നേടിയ ചിത്രത്തിന്റെ രണ്ടാം ഭാഗം ഏറെ പ്രതീക്ഷയോടെയാണ് ആരാധകര് കാത്തിരിക്കുന്നത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ