ദീപിക പദുക്കോണിനെ പിന്നിലാക്കി നയൻതാര, തെന്നിന്ത്യൻ നായിക വീണ്ടും ഒന്നാം സ്ഥാനത്ത്, ബോളിവുഡിനെ ഞെട്ടിച്ച് നടി

ജനപ്രീതിയില്‍ മുന്നിലുള്ള താരങ്ങളുടെ പട്ടിക.

ജനപ്രീതിയില്‍ മുന്നിലുള്ള ഇന്ത്യൻ നായിക താരങ്ങളുടെ പട്ടികയില്‍ നയൻതാരയ്‍ക്ക് നേട്ടമെന്ന് റിപ്പോര്‍ട്ട്. നാലാം സ്ഥാനത്തായിരുന്നു നയൻതാര സെപ്‍തംബറില്‍. എന്നാല്‍ ഒക്ടോബറില്‍ മൂന്നാം സ്ഥാനത്തേയ്‍ക്ക് താരം മുന്നേറിയിരിക്കുകയാണ്. ദീപീക പദുക്കോണ്‍ നാലാമതായി പിന്തള്ളപ്പെട്ടുവെന്നാണ് താരങ്ങളുടെ ഒക്ടോബര്‍ മാസത്തെ പട്ടിക വ്യക്തമാക്കുന്നു.

ഓര്‍മാക്സ് മീഡിയയാണ് ഇന്ത്യൻ നായികാ താരങ്ങളുടെ പട്ടിക പുറത്തുവിട്ടത്. ഒന്നാമത് സാമന്ത തുടരുകയും ചെയ്യുന്നുവെന്നത് താരങ്ങളുടെ പട്ടികയിലെ പ്രധാന പ്രത്യേകതയായി കാണാം. ആലിയ ഭട്ടാണ് ഇന്ത്യൻ നായികാ താരങ്ങളില്‍ രണ്ടാം സ്ഥാനത്ത് ഒക്ടോബറിലും ഉള്ളത്. തൊട്ടുപിന്നില്‍ തൃഷയാണ് ഒക്ടോബറില്‍ ഇടംനേടിയിരിക്കുന്നത്.

ഒക്ടോബറില്‍ ഹിറ്റ് സിനിമകള്‍ നയൻതാരയ്‍ക്കുണ്ടായിരുന്നില്ല. എന്നാല്‍ നയൻതാരയുടെ ഒടിടി ഡോക്യുമെന്ററി വരുന്നു എന്ന് റിപ്പോര്‍ട്ടുകളുണ്ടായിരുന്നു. മാത്രവുമല്ല നയൻതാരയ്‍ക്ക് വാര്‍ത്തകളില്‍ നിറഞ്ഞുനില്‍ക്കാനായി. തമിഴില്‍ നിരവധി സിനിമകള്‍ താരത്തിന്റേതായി വരാനിരിക്കുന്നു എന്നതും പട്ടികയില്‍ മുന്നേറാൻ സഹായകരമായി.

ആറാം സ്ഥാനത്ത് ഇടംനേടിയത് തെന്നിന്ത്യൻ താരം കാജല്‍ അഗര്‍വാളാണ് എന്നതും ശ്രദ്ധയാകര്‍ഷിക്കുന്നു ഏഴാം സ്ഥാനത്ത് ശ്രദ്ധ കപൂറുമാണ്. തൊട്ടുപിന്നില്‍ സായ് പല്ലവിയാണ് ഇടംനേടിയിരിക്കുന്നത്. രശ്‍മിക മന്ദാന ഒമ്പതാം സ്ഥാനത്തും താരങ്ങളുടെ ഒക്ടോബര്‍ മാസത്തെ പട്ടികയില്‍ ഇടംനേടിയപ്പോള്‍ പത്താമത് കത്രീന കൈഫാണ്. ബോളിവുഡിനെ സമീപകാലത്ത് തെന്നിന്ത്യ പിന്നിലാക്കുന്നുവെന്നാണ് താരങ്ങളുടെ പട്ടികയില്‍ നിന്ന് മനസ്സിലാക്കാൻ സാധിക്കുന്നത്. തെന്നിന്ത്യയില്‍ നിന്നുള്ള പാൻ ഇന്ത്യൻ ചിത്രങ്ങളുടെ വിജയം പട്ടികയിലെ മുന്നേറ്റത്തിലും പ്രകടമാണ്. ജനപ്രീതിയില്‍ മുന്നില്‍ വരാൻ തെന്നിന്ത്യൻ താരങ്ങള്‍ക്ക് സാധിക്കുന്നു. സ്വന്തം ഭാഷ പോലെ മറുഭാഷയിലും കളക്ഷനിലും മുന്നേറ്റമുണ്ടാക്കാൻ സാധിക്കുന്നവരായി മാറാൻ നിലവില്‍ തെന്നിന്ത്യൻ നായികമാര്‍ക്കും സാധിച്ചിട്ടുണ്ട്. ബോളിവുഡില്‍ നിന്നടക്കമുള്ള സിനിമകളില്‍ തെന്നിന്ത്യൻ താരങ്ങള്‍ നായികമാരാകുന്നുമുണ്ട്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക