'എല്ലാം ഫണ്‍ അല്ല', നിയമ നടപടിയുമായി 'പര്‍പ്പിള്‍ ഹാല്‍സിയന്‍'; ആദ്യ എഫ്ഐആര്‍ ഇട്ടെന്ന് അശ്വനി

Published : Apr 02, 2026, 07:55 PM IST
instagram influencer purplehalcyon Ashwani A filed a defamation case against person behind a roasting video

Synopsis

തനിക്കെതിരായ റോസ്റ്റിംഗ് വീഡിയോയില്‍ നിയമ നടപടിയുമായി ഇൻസ്റ്റഗ്രാം ഇൻഫ്ലുവൻസർ അശ്വനി എ

ഇന്‍സ്റ്റഗ്രാം സബ്സ്ക്രിപ്ഷന്‍ ആരംഭിച്ചിരിക്കുന്ന മലയാളികളില്‍ ഏറ്റവുമധികം സബ്സ്ക്രൈബേഴ്സ് ഉള്ള ഇന്‍ഫ്ലുവന്‍സര്‍ എന്ന രീതിയില്‍ സമീപകാലത്ത് സോഷ്യല്‍ മീഡിയയില്‍ വലിയ ശ്രദ്ധ നേടിയ ആളാണ് അശ്വനി എ. പര്‍പ്പിള്‍ ഹാല്‍സിയന്‍ എന്ന പേരിലാണ് അശ്വനിയുടെ ഇന്‍സ്റ്റഗ്രാം പേജ്. സോഷ്യല്‍ മീഡിയയില്‍ വലിയ ആരാധകവൃന്ദമുള്ള അശ്വനിയുടെ വീഡിയോകള്‍ക്കും പോസ്റ്റുകള്‍ക്കുമൊക്കെ വലിയ റീച്ച് ആണ് എപ്പോഴും ലഭിക്കാറ്. എന്നാല്‍ സമീപകാലത്ത് ഇന്‍സ്റ്റഗ്രാം സബ്സ്ക്രൈബേഴ്സിന്‍റെ എണ്ണത്തിലെ നേട്ടം വാര്‍ത്തയായതിന് പിന്നാലെ നിരവധി റോസ്റ്റിം​ഗ് വീഡിയോകളും അശ്വനിക്കെതിരെ വന്നിരുന്നു. ഇപ്പോഴിതാ അത്തരത്തില്‍ ഒരു വീഡിയോ ചെയ്തയാള്‍ക്കെതിരെ കേസ് കൊടുത്തിരിക്കുകയാണ് അവര്‍. റോസ്റ്റിം​ഗ് നടത്തുന്നവര്‍ക്കുള്ള ബോധവത്കരണം എന്ന നിലയ്ക്ക് ഒരു വീഡിയോയും അശ്വനി ചെയ്തിട്ടുണ്ട്.

അശ്വനിയുടെ വാക്കുകള്‍

സോഷ്യല്‍ മീഡിയയില്‍ വന്നിരുന്ന് റോസ്റ്റ് ചെയ്യുന്നവരുടെ ശ്രദ്ധയ്ക്ക്, നിങ്ങള്‍ റോസ്റ്റ് ചെയ്യുന്നതിന് മുന്‍പ് മാനനഷ്ടം എന്താണെന്നൊക്കെ ഒന്ന് തിരക്കണം കേട്ടോ. എന്നിട്ട് വേണം വീഡിയോ ചെയ്യാന്‍. ഒരു പരിധിയുണ്ട് എല്ലാത്തിനും. അതിന് മുകളില്‍ ഒരാളെപ്പറ്റി വീഡിയോ ചെയ്യുകയാണെങ്കില്‍ അതിനെതിരെ കേസ് എടുക്കാന്‍ പറ്റും. ഇന്ന് രാവിലെ ഞാന്‍ ഒരാള്‍ക്കെതിരെ കേസ് കൊടുത്തു. പുള്ളിയുടെ പേരില്‍ എഫ്ഐആര്‍ ഇട്ട് കേസ് എടുത്തതേയുള്ളൂ. അത് നിങ്ങളെ ഒന്ന് കാണിച്ച് തരാമെന്ന് ഞാന്‍ കരുതി. ഒരാളെ അപകീര്‍ത്തിപ്പെടുത്തുക, ഇല്ലാക്കഥകള്‍ ഉണ്ടാക്കി പറയുക തുടങ്ങിയ കാര്യങ്ങളൊക്കെ ചെയ്തുകഴിഞ്ഞാല്‍ അതൊക്കെ മാനനഷ്ടത്തിന്‍റെ കീഴില്‍ വരുന്നതാണ്. ഫണ്‍ ആയിട്ടുള്ള കാര്യങ്ങള്‍ അങ്ങനെതന്നെ എടുക്കും. അങ്ങനെയുള്ള വീഡിയോകളുടെ താഴെ പോയി ഞാന്‍ തന്നെ കമന്‍റ് ചെയ്യാറുണ്ട്. പക്ഷേ ഒരാളെ മനപൂര്‍വ്വം മോശമാക്കാന്‍ വേണ്ടി ഇങ്ങനെ റോസ്റ്റ് ചെയ്യുന്നവര്‍ ശ്രദ്ധിക്കുക. കാരണം കോടതി കയറി ഇറങ്ങേണ്ടിവരും. എഫ്ഐആര്‍ ഒക്കെ ഇട്ട് കേസ് എടുത്തുകഴിഞ്ഞാല്‍ കേസ് നടത്തി മുന്നോട്ട് പോകാനുള്ള അമ്പിയര്‍ ഉള്ളവര്‍ ആണെന്നുണ്ടെങ്കില്‍ ചെയ്തോളൂ കുഴപ്പമില്ല. എനിക്കും നല്ല ആമ്പിയര്‍ ആണ്. കേസ് ഒക്കെ നടത്തി മുന്നോട്ട് പോകാന്‍ എനിക്ക് ഇഷ്ടംപോലെ സമയമുണ്ട്. റോസ്റ്റ് ചെയ്യുന്ന ആളുകള്‍ക്ക് നിയമം അറിയില്ലെങ്കില്‍ നിങ്ങള്‍ ഒന്ന് ഗൂഗിള്‍ ചെയ്ത് നോക്കണം, കേട്ടോ. അല്ലെങ്കില്‍ വല്ല ചാറ്റ് ജിപിടിയിലോ ജെമിനിയിലോ ചോദിക്ക്. ഒരാളെക്കുറിച്ച് നമുക്ക് ഏതൊക്കെ രീതിയില്‍ വീഡിയോ ചെയ്യാന്‍ പറ്റും, എങ്ങനെയൊക്കെയാണ് എന്ന് നോക്ക് കേട്ടോ.

PREV

സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ

Read more Articles on
click me!

Recommended Stories

'നിരീശ്വരവാദി, അമ്മയുടെ മരണാനന്തര ചടങ്ങുകള്‍ ക്രിസ്‍തീയ രീതിയില്‍'; സൈബര്‍ ആക്രമണത്തില്‍ പ്രതികരണവുമായി പ്രകാശ് രാജ്
'ഫ്ലക്സും പോസ്റ്ററും കീറുന്നു, തടയാൻ ശ്രമിച്ച ബിജെപിക്കാരനെ ഹെൽമെറ്റിന് തലയ്ക്ക് അടിച്ചു': അഖില്‍ മാരാര്‍