പൊലീസുകാരൻ, രാഷ്‍ട്രീയക്കാരൻ, കര്‍ഷകൻ, ജോണ്‍ എബ്രഹാം ട്രിപ്പിള്‍ റോളില്‍- ട്രെയിലര്‍

ജോണ്‍ എബ്രഹാം നായകനാകുന്ന ചിത്രത്തിന്റെ ട്രെയിലര്‍ പുറത്തുവിട്ടു.

ജോണ്‍ എബ്രഹാം (Johan Abraham) നായകനാകുന്ന ചിത്രമാണ് സത്യമേവ ജയതേ 2. മിലാപ് സവേരി ആണ് ചിത്രം സംവിധാനം ചെയ്യുന്നത്. മിലാപ്  സവേരി തന്നെയാണ് ചിത്രത്തിന്റെ തിരക്കഥ എഴുതുന്നതും. ഏവരും ആകാംക്ഷയോടെ കാത്തിരിക്കുന്ന ചിത്രത്തിന്റെ ട്രെയിലര്‍ പുറത്തുവിട്ടു.

ജോണ്‍ എബ്രഹാം മൂന്ന് കഥാപാത്രങ്ങളായാണ് സത്യമേവ ജയതേ 2ല്‍ അഭിനയിക്കുന്നത്. സത്യ, ജയ്, എന്നീ കഥാപാത്രങ്ങളായും അവരുടെ അച്ഛനായും അഭിനയിക്കുന്നു. പൊലീസുകാരൻ,  രാഷ്‍ട്രീയക്കാരൻ, കര്‍ഷകൻ എന്നീ വേഷങ്ങളിലാണ് ജോണ്‍ എബ്രഹാമിനെ സത്യമേവജയതേ 2വില്‍ കാണാനാകുക. സഞ്‍ജോയ് ചൗധരി ആണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. 

ടി സീരിസ് ആണ് ചിത്രം നിര്‍മിക്കുന്നത്.

ദിവ്യ ഖോസ്‍ലെ,  രാജീവ് പിള്ള,  ഹര്‍ഷ ഛായ, അനുപ സോണി, സഹില്‍ വൈദ്, നോറ ഫതേഹി തുടങ്ങി താരങ്ങള്‍ സത്യമേവ ജയതേ 2ല്‍ അഭിനയിക്കുന്നു. ജോണ്‍ എബ്രഹാം നായകനാകുന്ന ചിത്രത്തിന്റെ ഛായാഗ്രാഹണം നിര്‍വഹിക്കുന്നത് ഡുഡ്‍ലെ ആണ്. നവംബര്‍ 25ന് ആണ് ചിത്രം റിലീസ് ചെയ്യുക. പ്രധാനമായും മുംബൈയില്‍ ആയിരുന്നു ചിത്രത്തിന്റെ ഷൂട്ടിംഗ് നടന്നത്.