ജോജു നായകനായ പുലിമട, പുതിയ വീഡിയോ ഗാനം പുറത്ത്
Synopsis
ജോജു ജോര്ജ് നായകനായ ചിത്രത്തിലെ വീഡിയോ ഗാനം പുറത്തുവിട്ടു.
ജോജു ജോര്ജ് നായകനായി എത്തിയ ചിത്രമാണ് പുലിമട. ജോജു വീണ്ടും പ്രകടനത്തില് ഞെട്ടിക്കുന്ന ചിത്രമാണ് പുലിമട എന്നാണ് റിപ്പോര്ട്ടുകള്. പുലിമടയിലെ പുതിയ ഒരു ഗാനത്തിന്റെ വീഡിയോ പുറത്തുവിട്ടിരിക്കുകയാണ്. നീല വാനിലേ എന്ന ഗാനത്തിന്റെ വീഡിയോയാണ് പുറത്തുവിട്ടത്.
ഡോ. താര ജയശങ്കറിന്റെ വരികള് ചിത്രത്തിനായി ആലപിച്ചിരിക്കുന്നത് പ്രദീപ് കുമാറാണ്. ജോജുവിന്റെ ഒരു പാൻ ഇന്ത്യൻ ചിത്രമായി എത്തിയ 'പുലിമട' എ കെ സാജൻ സംവിധാനം ചെയ്തപ്പോള് നായികയായിരിക്കുന്നത് ഐശ്വര്യ രാജേഷാണ്. വേണുവാണ് 'പുലിമട'യുടെ ഛായാഗ്രാഹണം. ചിത്രത്തില് നായികയായി ലിജോമോളും ഉണ്ട്.
ഐൻസ്റ്റീൻ മീഡിയയുടെയും ലാൻഡ് സിനിമാസിന്റെയും ബാനറില് ഐന്സ്റ്റീന് സാക് പോളും രാജേഷ് ദാമോദരനും ചേര്ന്നാണ് നിര്മാണം. ചിത്രത്തിന്റെ പ്രധാന ലൊക്കേഷൻ വയനാടായിരുന്നു. പുലിമട ഒരു ഷെഡ്യൂളിൽ 60 ദിവസം കൊണ്ട് ചിത്രീകരണം പൂർത്തിയാക്കിയിരുന്നു. പ്രൊഡക്ഷൻ ഡിസൈനർ വിനേഷ് ബംഗ്ലാൻ.
ബാലചന്ദ്രമേനോൻ, ചെമ്പൻ വിനോദ്, ജോണി ആന്റണി, ജാഫർ ഇടുക്കി, ജിയോ ബേബി, അബു സലിം, സോന നായർ, കൃഷ്ണ പ്രഭ, പൗളി വിത്സൻ, ഷിബില തുടങ്ങിയവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. പൊലീസ് കോൺസ്റ്റബിളായ 'വിൻസന്റ് സ്കറി'യയുടെ (ജോജു ജോർജ് ) വിവാഹവും അതുമായി ബന്ധപ്പെട്ട് നടക്കുന്ന സംഭവങ്ങളും അത് അയാളുടെ സ്വഭാവത്തിലും ജീവിതത്തിലും വരുത്തുന്ന മാറ്റങ്ങളുമാണ് 'പുലിമട'യിലൂടെ പ്രേക്ഷകനു മുന്നിലെത്തുന്നത്. ജോജുവിന്റെ മികച്ച ഒരു കഥാപാത്രമാണ് ചിത്രത്തിലേത് എന്നാണ് റിപ്പോര്ട്ടുകള്. ആർട് ജിത്തു സെബാസ്റ്റ്യൻ, മേക്കപ്പ് ഷാജി പുൽപള്ളി, വസ്ത്രാലങ്കാരം സുനിൽ റഹ്മാൻ, സ്റ്റെഫി സേവ്യർ, ചീഫ് അസോസിയേറ്റ് ഡയറക്ടർ ഹരീഷ് തെക്കേപ്പാട്ട്, സ്റ്റിൽസ് അനൂപ് ചാക്കോ, പിആർഒ മഞ്ജു ഗോപിനാഥ്, ഡിസൈൻസ് ഓൾഡ്മങ്ക്സ്, മാർക്കറ്റിംഗ് പ്ലാനിങ് ഒബ്സ്ക്യൂറ എന്റർടൈൻമെന്റ്, വിതരണം ആൻ മെഗാ മീഡിയ.
Read More: 'തേജസിന്' ക്രാഷ് ലാന്റിംഗ്: ബോക്സോഫീസില് മൂക്കുംകുത്തി വീണ് കങ്കണ
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക