ഏഴ് വർഷം രോഗത്തോട് പോരാടി; ഒടുവിൽ 37-ാം വയസ്സിൽ ലോകത്തോട് വിടപറഞ്ഞ് നടി രശ്മി ലീല

പ്രാർത്ഥനകൾക്കും മികച്ച ചികിത്സയ്ക്കും രശ്മിയുടെ ജീവൻ രക്ഷിക്കാൻ സാധിച്ചില്ല എന്നാണ് ഭർത്താവ് സറക്കി മഞ്ജു പുറത്തിറക്കിയ ഫേസ്‌ബുക്ക് കുറിപ്പിൽ പറയുന്നത്. Kannada actress Rashmi Leela passes away

ശ്വാസകോശ സംബന്ധമായ അസുഖത്തെ തുടർന്ന് വർഷങ്ങളായി ചികിത്സയിലായിരുന്ന കന്നഡ നടി രശ്മി ലീല (37 ) അന്തരിച്ചു. പ്രാർത്ഥനകൾക്കും മികച്ച ചികിത്സയ്ക്കും രശ്മിയുടെ ജീവൻ രക്ഷിക്കാൻ സാധിച്ചില്ല എന്നാണ് ഭർത്താവ് സറക്കി മഞ്ജു പുറത്തിറക്കിയ ഫേസ്‌ബുക്ക് കുറിപ്പിൽ പറയുന്നത്.

ഏഴ് വർഷമായി റുമറ്റോയിഡ് ആർത്രൈറ്റിസ് എന്ന വാതസംബന്ധിയായ പ്രശ്നവുമായി അതിജീവിക്കുകയായിരുന്നു രശ്മി. വേദനാജനകമായ ഈ ശാരീരികാവസ്ഥ അവരുടെ ശ്വാസകോശത്തെയും ബാധിച്ചിരുന്നു. തുടർന്ന് പൾമണറി ഫൈബ്രോസിസ് എന്ന അവസ്ഥയിലേക്ക് എത്തിച്ചേർന്നു. ശ്വാസകോശത്തിന്റെ കോശങ്ങൾ കട്ടപിടിക്കുകയും നശിക്കുകയും ചെയ്യുന്ന സാഹചര്യമാണ് പൾമണറി ഫൈബ്രോസിസ്. തുടർന്ന് ശ്വാസകോശം മാറ്റിവയ്ക്കൽ ശസ്ത്രക്രിയ ചെയ്തിരുന്നു.

അസുഖബാധിതയായ ശേഷവും സോഷ്യൽ മീഡിയയിലൂടെ തന്റെ ആരാധകരുമായി രശ്മി ലീല നിരന്തരം സംവദിച്ചിരുന്നു. നടിയുടെ വിയോഗത്തിൽ നിരവധി പേരാണ് അനുശോചനം രേഖപ്പെടുത്തുന്നത്.