തിയറ്ററില് തകര്ന്നടിഞ്ഞ കീര്ത്തി സുരേഷ് ചിത്രം ഒടിടിയില്, ട്വിസ്റ്റുണ്ടാകുമോ?
Synopsis
വിജയ് എലമെന്റുണ്ടായിരുന്നിട്ടും ചിത്രം തകര്ന്നടിഞ്ഞിരുന്നു.
കീര്ത്തി സുരേഷ് നായികയായ ചിത്രമാണ് ബേബി ജോണ്. വരുണ് ധവാനാണ് ചിത്രത്തില് നായകനായത്. ദളപതി വിജയ്യുടെ തെരിയാണ് ബോളിവുഡ് ചിത്രമായി റീമേക്ക് ചെയ്തത്. തിയറ്ററില് തകര്ന്നടിഞ്ഞ ചിതം പ്രൈം വീഡിയോയിലൂടെ ഒടിടിയില് ഇന്ന് പ്രദര്ശനത്തിനെത്തിയപ്പോള് അഭിപ്രായം മാറുമോ എന്ന ആകാംക്ഷയിലാണ് ആരാധകര്.
ബേബി ജോണ് ആഗോളതലത്തില് 61 കോടി ആണ് നേടിയത് എന്നാണ് റിപ്പോര്ട്ട്. വരുണ് ധവാൻ ബേബി ജോണായി ചിത്രത്തില് എത്തുമ്പോള് നായികയായ കീര്ത്തി സുരേഷിന് പുറമേ വാമിഖ ഗബ്ബി, ജാക്കി ഷ്രോഫ്, സാക്കിര് ഹുസൈൻ, രാജ്പാല് യാദവ്, സാന്യ മല്ഹോത്ര എന്നിവരും കഥാപാത്രങ്ങളായപ്പോള് സംവിധാനം കലീസാണ്. ദളപതി വിജയ്യുടെ വിജയ ചിത്രം ബോളിവുഡില് അങ്ങനങ്ങ് ഏറ്റില്ല എന്നാണ് റിപ്പോര്ട്ടുകള്. അറ്റ്ലി ആണ് തെരി സിനിമയുടെ സംവിധാനം നിര്വഹിച്ചത്.
കീര്ത്തി സുരേഷ് നായികയായി തമിഴില് വന്നത് രഘുതാത്തയാണ്. സുമൻ കുമാറാണ് രഘുതാത്തയുടെ തിരക്കഥയും സംവിധാനവും നിര്വഹിക്കുന്നത്. ഛായാഗ്രാഹണം യാമിനി യഗ്നമൂര്ത്തിയാണ്. കീര്ത്തി സുരേഷിനൊപ്പം രഘുതാത്ത സിനിമയില് കഥാപാത്രങ്ങളായി എം എസ് ഭാസ്കറും ദേവദര്ശനിയും രവിന്ദ്ര വിജയ്യുമൊക്കെയുണ്ട്.
തെലുങ്കില് ഭോലാ ശങ്കര് ആണ് ഒടുവില് കീര്ത്തി സുരേഷിന്റേതായി പ്രദര്ശനത്തിന് എത്തിയത്. ചിരഞ്ജീവിയാണ് ഭോലാ ശങ്കറില് നായകനായത്. ഭോലാ ശങ്കറില് കീര്ത്തിക്ക് ചിരഞ്ജീവിയുടെ സഹോദരിയുടെ വേഷമായിരുന്നു. സംവിധാനം നിര്വഹിച്ചത് മെഹ്ര് രമേഷായിരുന്നു. ചിത്രത്തിന്റെ നിര്മാണം എകെ എന്റര്ടെയ്ൻമെന്റ്സിന്റെ ബാനറില് ആയിരുന്നു. ചിരഞ്ജീവിക്കും കീര്ത്തി സുരേഷിനും പുറമേ ചിത്രത്തില് തമന്ന, സുശാന്ത്, തരുണ് അറോര, സായജി, പി+ രവി ശങ്കര്, വെന്നെല കിഷോര്, ഭ്രഹ്മജി, രഘു ബാബു, തുളസി, ശ്രീമുഖി, വേണു, ഹര്ഷ, സത്യ, സിത്താര എന്നിവര് വേഷമിട്ടിരുന്നു. ഛായാഗ്രാഹണം നിര്വഹിച്ചത് ഡൂഡ്ലി ആണ്. സംഗീതം മഹതി സ്വര സാഗറാണ്.
Read More: സൂപ്പര്താരത്തിന്റെ സഹായിയായി, ഡ്രൈവറായി, ഇന്ന് 12800 കോടിയുടെ ആസ്തിയുമായി ആ നിര്മാതാവ്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ