'കണ്ണൻ ഭായിയെ ഇങ്ങേര് കൊന്നേനെ'; 'കിരീടം' കലിപ്പന് പിന്നാലെ മറ്റൊരു കലിപ്പൻ !

ജോഷിയുടെ മകൻ അഭിലാഷ് സംവിധാനം ചെയ്ത ചിത്രമാണ് കിം​ഗ് ഓഫ് കൊത്ത.

അടുത്ത കാലത്ത് സോഷ്യൽ മീഡിയയിൽ തരം​ഗമായൊരു കലിപ്പനുണ്ട്. 'കിരീടം' എന്ന എവർ​ഗ്രീൻ സുപ്പർ ഹിറ്റ് ചിത്രത്തിലെ ക്ലൈമാക്സ് രം​ഗത്തലുള്ള ഒരു സപ്പോർട്ടിം​ഗ് ആർട്ടിസ്റ്റ് ആയിരുന്നു ഇത്. സിനിഫിലേ എന്ന​ ​ഗ്രൂപ്പിലൂടെ ഇദ്ദേഹത്തെ കണ്ടെത്തുകയും ചെയ്തിരുന്നു. സാലു ജസ്റ്റസ് എന്ന ഇദ്ദേഹം ഇപ്പോൾ ഹെഡ്മാസ്റ്ററായി ജോലി നോക്കുകയാണ്. അത്തരത്തിൽ മറ്റൊരു കലിപ്പനെയാണ് സോഷ്യൽ മീഡിയ ഇപ്പോള്‍ തിരയുന്നത്. 

ദുൽഖർ സൽമാൻ നായകനായി എത്തിയ കിം​ഗ് ഓഫ് കൊത്തയിലേതാണ് ഈ ആർട്ടിസ്റ്റ്. കണ്ണൻ ഭായിയും കൊത്ത രാജുവും നേർക്കുനേർ എത്തിയ സീനിൽ പുറകിലായാണ് ഇദ്ദേഹം നിൽക്കുന്നത്. വില്ലന്മാരോട് കൊത്തയിൽ നിന്നും പോകാൻ ആവശ്യപ്പെടുന്ന രം​ഗത്തിലെ ഈ ആർട്ടിസ്റ്റിന്റെ ശൗര്യം കണ്ടാൽ 'കണ്ണൻ ഭായിയെ ഇങ്ങേര് കൊന്നേനെ' എന്ന് തോന്നും എന്നാണ് സോഷ്യൽ മീഡിയയിലെ പോസ്റ്റുകൾ. ഇയാളെ കണ്ടെത്തണമെന്ന ആവശ്യം സിനിമാ ​ഗ്രൂപ്പുകളിൽ നിറയുകയാണ്. 

"പടത്തിലെ ഏറ്റവും മാസ്സ് സീൻ നോക്കി വേറെ എവിടെയും പോകേണ്ട... കൊത്ത രാജുവും കണ്ണൻ ഭായിയും കൊത്ത മഞ്ജുവുമൊക്കെ രണ്ടടി മാറി നിക്കട്ടെ.. ഇനി ഈ കൊത്ത ഈ ചേട്ടൻ ഭരിക്കും...കിരീടത്തിലെ ചേട്ടനെ കണ്ടുപിടിച്ചതുപോലെ ഈ ബ്രോയെ നമുക്ക് കണ്ടുപിടിക്കണം, വില്ലന്മാരോട് തിരിച്ചു പോകാൻ പറയുന്ന ജനക്കൂട്ടം. പക്ഷേ ആ കൂട്ടത്തിൽ ഇത്രയും ശൗര്യം വേറെ ആരുടെ മുഖത്തും കണ്ടില്ല. കിരീടത്തിൽ കണ്ടതിലും കുറച്ചു മേലെ നിക്കുന്ന പ്രകടനം ആരാണാവോ ഈ ജൂനിയർ താരം", എന്നിങ്ങനെ പോകുന്നു പോസ്റ്റുകൾക്ക് വരുന്ന കമന്റുകൾ. 

ജോഷിയുടെ മകൻ അഭിലാഷ് സംവിധാനം ചെയ്ത ചിത്രമാണ് കിം​ഗ് ഓഫ് കൊത്ത. ദുൽഖർ സൽമാനൊപ്പം ​ഗോകുൽ സുരേഷും പ്രധാന വേഷത്തിൽ എത്തിയ ചിത്രം കഴി‍ഞ്ഞ ദിവസം ഒടിടിയിൽ റിലീസ് ചെയ്തിരുന്നു. ഡിസ്നി പ്ലസ് ഹോട്ട് സ്റ്റാറിലൂടെ ആയിരുന്നു ചിത്രത്തിന്റെ സ്ട്രീമിം​ഗ്. 

ഏഷ്യാനെറ്റ് ന്യൂസ് തത്സമയ വാർത്തകൾ..