കാണികളെ നേടുമോ സല്മാന് ഖാന്? 'കിസീ കാ ഭായ് കിസീ കി ജാന്' സെന്സറിംഗ് പൂര്ത്തിയായി
Synopsis
സല്മാന് ഖാന് ഫിലിംസിന്റെ ബാനറില് സല്മാന് ഖാന് തന്നെയാണ് നിര്മ്മാണം
സല്മാന് ഖാനെ നായകനാക്കി ഫര്ഹാദ് സാംജി സംവിധാനം ചെയ്ത കിസീ കാ ഭായ് കിസീ കി ജാന് എന്ന ചിത്രത്തിന്റെ സെന്സറിംഗ് പൂര്ത്തിയായി. യു/എ സര്ട്ടിഫിക്കറ്റ് ആണ് ചിത്രത്തിന്. 2 മണിക്കൂര് 24 മിനിറ്റ് 25 സെക്കന്ഡ് ആണ് ദൈര്ഘ്യം. ഈദ് റിലീസ് ആയി 21 നി ചിത്രം ലോകമെമ്പാടും തിയറ്ററുകളില് എത്തും.
തെന്നിന്ത്യന് സിനിമകള്ക്ക് വിശേഷിച്ച് തെലുങ്ക് ചിത്രങ്ങള് സമീപകാലത്ത് നേടുന്ന വലിയ വിജയം ബോളിവുഡിനെ എത്രത്തോളം സ്വാധീനിച്ചിരിക്കുന്നു എന്നതിന്റെ തെളിവായിരുന്നു കിസീ കാ ഭായ് കിസീ കി ജാനിന്റെ നേരത്തെ പുറത്തെത്തിയ ട്രെയ്ലര്. പൂജ ഹെഗ്ഡെയ്ക്കും തെലുങ്ക് താരം വെങ്കിടേഷിനുമൊപ്പം മുണ്ടുടുത്ത സല്മാന് ഖാന് ആയിരുന്നു ട്രെയ്ലറിലെ പ്രധാന കൗതുകം. വമ്പന് ആക്ഷന് സീക്വന്സുകളും കാണികളെ ആകര്ഷിക്കും എന്ന പ്രതീക്ഷയിലാണ് അണിയറക്കാര്. അനില് അരസ് ആണ് ആക്ഷന് ഡയറക്ടര്.
സല്മാന് ഖാന് ഫിലിംസിന്റെ ബാനറില് സല്മാന് ഖാന് തന്നെ നിര്മ്മിച്ചിരിക്കുന്ന ചിത്രത്തിന്റെ ഛായാഗ്രാഹകന് വി മണികണ്ഠന് ആണ്. അസോസിയേറ്റ് പ്രൊഡ്യൂസര് ഷമിറാ നമ്പ്യാര്, സംഗീതം ഹിമേഷ് രഷമിയ, രവി ബസ്രൂര്, സുഖ്ബീര് സിംഗ്, ദേവി ശ്രീ പ്രസാദ്, സാജിദ് ഖാന്, പായല് ദേവ്, അമാല് മാലിക് എന്നിവരാണ്. പശ്ചാത്തല സംഗീതം രവി ബസ്രൂര്, എഡിറ്റിംഗ് മയൂരേഷ് സാവന്ത്, പ്രൊഡക്ഷന് ഡിസൈന് രജത് പൊദ്ദാര്.
കൊവിഡ് കാലത്തിനു ശേഷം ബോളിവുഡ് വിജയം കണ്ടത് പഠാന് എന്ന ഷാരൂഖ് ഖാന് ചിത്രത്തിലൂടെയായിരുന്നു. പഠാന് വിജയത്തുടര്ച്ച നല്കാന് കിസീ കാ ഭായ് കിസീ കി ജാനിന് സാധിക്കുമോ എന്നാണ് ബോളിവുഡ് ഉറ്റുനോക്കുന്നത്.
ALSO READ : 'അഖില് കോട്ടാത്തല' അഖില് മാരാര് ആയ കഥ; ബിഗ് ബോസില് ജീവിതം പറഞ്ഞ് സംവിധായകന്
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ