അജയ് വാസുദേവിന്റെ കുഞ്ചാക്കോ ബോബന് ചിത്രം; 'പകലും പാതിരാവും' റിലീസ് തിയതി
Synopsis
രജിഷ വിജയന് ആണ് നായിക.
കുഞ്ചാക്കോ ബോബനെ നായകനാക്കി അജയ് വാസുദേവ് സംവിധാനം ചെയ്യുന്ന 'പകലും പാതിരാവും' എന്ന ചിത്രത്തിന്റെ റിലീസ് പ്രഖ്യാപിച്ചു. മാർച്ച് 3ന് ചിത്രം വേൾഡ് വൈഡ് ആയി റിലീസ് ചെയ്യും. റിലീസ് വിവരം പങ്കുവച്ച് പുതിയ പോസ്റ്ററും അണിയറ പ്രവർത്തകർ പങ്കുവച്ചിട്ടുണ്ട്.
ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് നിര്മ്മിക്കുന്ന ചിത്രത്തില് രജിഷ വിജയന് ആണ് നായിക. മനോജ് കെ യു, സീത, തമിഴ് എന്നിവര്ക്കൊപ്പം ഗോകുലം ഗോപാലനും ഒരു ശ്രദ്ധേയ കഥാപാത്രത്തെ അവതരിപ്പിക്കുന്നുണ്ട്.
നിഷാദ് കോയ രചന നിര്വ്വഹിച്ചിരിക്കുന്ന ചിത്രത്തിന്റെ ഛായാഗ്രഹണം ഫായിസ് സിദ്ദിഖ് ആണ്. എഡിറ്റിംഗ് റിയാസ് കെ ബദര്, സംഗീതം സ്റ്റീഫന് ദേവസ്സി, വരികള് സേജ്ഷ് ഹരി, ചീഫ് അസോസിയേറ്റ് ഡയറക്ടര് മനേഷ് ബാലകൃഷ്ണന്, പശ്ചാത്തലസംഗീതം കേദാര്, ആക്ഷന് ഡയറക്ടര് പ്രഭു, മേക്കപ്പ് ജയന് പൂങ്കുന്നം, വസ്ത്രാലങ്കാരം അയേഷ സഫീര് സേഠ്, സൗണ്ട് മിക്സിംഗ് അജിത്ത് എ ജോര്ജ്, നൃത്തസംവിധാനം കലാ മാസ്റ്റര്, സ്റ്റില്സ് പ്രേംലാല് പട്ടാഴി, പ്രോജക്റ്റ് ഡിസൈനര് ബാദുഷ എന് എം, പ്രൊഡക്ഷന് ഡിസൈനര് ജോസഫ് നെല്ലിക്കല്, പ്രൊഡക്ഷന് കണ്ട്രോളര് സുരേഷ് മിത്രകരി.
അജയ് വാസുദേവിന്റെ ഫിലിമോഗ്രഫിയിലെ നാലാമത്തെ ചിത്രമാണ് പകലും പാതിരാവും. മമ്മൂട്ടി നായകനായ മൂന്ന് ചിത്രങ്ങളാണ് ഇതിനു മുന്പ് അദ്ദേഹം സംവിധാനം ചെയ്തത്. രാജാധിരാജ, മാസ്റ്റര്പീസ്, ഷൈലോക്ക് എന്നിവയാണ് ആ സിനിമകൾ.
സാനിയ-ദിൽഷ എന്നിവർക്കൊപ്പം മാത്രം ഡാൻസ് കളിക്കുന്നത് എന്ത് ? കാരണം പറഞ്ഞ് റംസാൻ
അതേസമയം, ടിനു പാപ്പച്ചന് ചിത്രം ചാവേര് ആണ് കുഞ്ചാക്കോയുടേതായി റിലീസിനൊരുങ്ങുന്ന ഒരു ചിത്രം. ത്രില്ലര് സ്വഭാവമുള്ള ആക്ഷന് ചിത്രമാകും ചാവേര്. ആന്റണി വര്ഗീസും അര്ജുന് അശോകനുമാണ് മറ്റു രണ്ട് പ്രധാന കഥാപാത്രങ്ങളെ അവതരിപ്പിക്കുന്നത്. ജോയ് മാത്യുവിന്റേതാണ് ചിത്രത്തിന്റെ രചന. അരുണ് നാരായണ്, വേണു കുന്നപ്പിള്ളി എന്നിവര് ചേര്ന്നാണ് ചിത്രത്തിന്റെ നിര്മ്മാണം.