Meow movie|ലാൽജോസ് - സൗബിൻ ചിത്രത്തിന് 'യു' സർട്ടിഫിക്കറ്റ്; റിലീസ് തീയതി പ്രഖ്യാപിച്ചു
Synopsis
ലാല്ജോസിനു വേണ്ടി ഇക്ബാല് കുറ്റിപ്പുറം ഒരുക്കുന്ന നാലാമത്തെ തിരക്കഥയാണ് ഇത്.
സൗബിന് ഷാഹിര്(soubin shahir), മംമ്ത മോഹന്ദാസ്(mamtha mohandas) എന്നിവരെ കേന്ദ്ര കഥാപാത്രങ്ങളാക്കി ലാല് ജോസ്(lal jose) സംവിധാനം ചെയ്യുന്ന 'മ്യാവൂ' തിയറ്റർ റിലീസിനൊരുങ്ങുന്നു. ക്രിസ്മസ് റിലീസായി ( Christmas release) ചിത്രം ഡിസംബർ 24ന് ചിത്രം പ്രേക്ഷകർക്ക് മുന്നിലെത്തും.
സൗബിനും മംമ്ത മോഹന്ദാസും ആദ്യമായി ഒന്നിക്കുന്ന ചിത്രത്തിന്റെ സെന്സറിംഗ് നടപടികള് പൂര്ത്തിയായി. ക്ലീന് യു സര്ട്ടിഫിക്കറ്റോടെയാണ് മ്യാവൂ സെന്സര് ചെയ്തത്. ഡോ ഇക്ബാല് കുറ്റിപ്പുറമാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. സലിംകുമാര്, ഹരിശ്രീ യൂസഫ് എന്നിവര്ക്കൊപ്പം രണ്ടു കുട്ടികളും ഒരു പൂച്ചയുമാണ് ചിത്രത്തിലെ മറ്റു കഥാപാത്രങ്ങള്. ആലുവക്കാരനായ ഗ്രോസറി നടത്തിപ്പുകാരന് ദസ്തഗീറിന്റെയും ഭാര്യയുടെയും മൂന്ന് മക്കളുടെയും കഥയാണ് ചിത്രം പറയുന്നത്.
ലാല്ജോസിനു വേണ്ടി ഇക്ബാല് കുറ്റിപ്പുറം ഒരുക്കുന്ന നാലാമത്തെ തിരക്കഥയാണ് ഇത്. അറബിക്കഥ, ഡയമണ്ട് നെക്ലെയ്സ്, വിക്രമാദിത്യന് എന്നിവയാണ് ഈ കൂട്ടുകെട്ടില് നേരത്തെ എത്തിയിട്ടുള്ള മൂന്ന് ചിത്രങ്ങള്. സലിം കുമാര്, ഹരിശ്രീ യൂസഫ് എന്നിവര്ക്കൊപ്പം മറുനാടന് വേദികളില് കഴിവ് തെളിയിച്ച ഒരുപിടി പ്രവാസി കലാകാരന്മാരും കഥാപാത്രങ്ങളെ അവതരിപ്പിക്കും. യാസ്മിന എന്ന റഷ്യന് യുവതിയും ഒരു പൂച്ചയും കഥാപാത്രങ്ങളായി എത്തുന്നുണ്ട്.
തോമസ് തിരുവല്ല ഫിലിംസിന്റെ ബാനറില് തോമസ് തിരുവല്ലയാണ് നിര്മ്മാണം. ഛായാഗ്രഹണം അജ്മല് ബാബു. എഡിറ്റിംഗ് രഞ്ജന് എബ്രഹാം. സുഹൈല് കോയയുടെ വരികള്ക്ക് ജസ്റ്റിന് വര്ഗ്ഗീസ്സ് സംഗീതം പകരുന്നു. കല അജയന് മങ്ങാട്. മേക്കപ്പ് ശ്രീജിത്ത് ഗുരുവായൂര്. വസ്ത്രാലങ്കാരം സമീറ സനീഷ്. സ്റ്റില്സ് ജയപ്രകാശ് പയ്യന്നൂര്. ചീഫ് അസോസിയേറ്റ് ഡയറക്ടര് രഘു രാമ വര്മ്മ. വിതരണം എല് ജെ ഫിലിംസ്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ