സർക്കാരിന് തീരുമാനിക്കാം! ലിയോ പ്രത്യേക പ്രദർശനം അനുവദിക്കുന്നതിൽ നിർണായക യോഗം വൈകിട്ട്

രാവിലെ 9 നും പുലർച്ചെ ഒന്നിനും ഇടയിൽ 5 പ്രദർശനം അനുവദിച്ച് സർക്കാർ ഉത്തരവിറക്കിയിരുന്നു. എന്നാൽ രാവിലെ 7 ന് പ്രദർശനം തുടങ്ങണമെന്നാണ് നിർമതാക്കളുടെ ആവശ്യം.

ചെന്നൈ: വിജയ് നായകനായ പുതിയ ചിത്രം ലിയോയ്ക്ക് പ്രത്യേക പ്രദർശനം അനുവദിക്കുന്നതിൽ തീരുമാനം തമിഴ്നാട് സർക്കാരിന് വിട്ടു മദ്രാസ് ഹൈക്കോടതി. റിലീസിങ് ദിനമായ വ്യാഴാഴ്ച മുതൽ 6 ദിവസം പ്രത്യേക പ്രദർശനം അനുവദിക്കണമെന്ന നിർമാതാക്കളുടെ ഹർജിയിലാണ് നിർദേശം. രാവിലെ 9 നും പുലർച്ചെ ഒന്നിനും ഇടയിൽ 5 പ്രദർശനം അനുവദിച്ച് സർക്കാർ ഉത്തരവിറക്കിയിരുന്നു. എന്നാൽ രാവിലെ 7 ന് പ്രദർശനം തുടങ്ങണമെന്നാണ് നിർമതാക്കളുടെ ആവശ്യം. കോടതി ഉത്തരവിന് പിന്നാലെ, വൈകിട്ട് നാലു മണിക്ക് നിർമാതാക്കളുടെയും തിയറ്റർ ഉടമകളുടെയും യോഗം സർക്കാർ വിളിച്ചിട്ടുണ്ട്. അതേസമയം പുലർച്ചെ നാലിന് പ്രദർശനം വേണമെന്ന ആവശ്യത്തിൽ കോടതി ഉത്തരവിറക്കിയില്ല.