അജിത്ത് നായകനാകുന്ന ചിത്രത്തിന്റെ ഓവര്സീസ് റൈറ്റ്സ് ലൈക്ക പ്രൊഡക്ഷൻസിന്.
അജിത്ത് ആരാധകര് ആകാംക്ഷയോടെ കാത്തിരിക്കുന്ന ചിത്രമാണ് 'തുനിവ്'. എച്ച് വിനോദാണ് ചിത്രം സംവിധാനം ചെയ്യുന്നത്. 'തുനിവി'ന്റെ ഫസ്റ്റ് ലുക്ക് ഓണ്ലൈനില് തരംഗമായിരുന്നു. പൊങ്കലിന് പ്രദര്ശനത്തിനെത്താനിരിക്കുന്ന ചിത്രത്തിന്റെ ഓവര്സീസ് തിയറ്റര് റൈറ്റ്സ് വിറ്റുപോയതിനെ കുറിച്ചാണ് പുുതിയ വാര്ത്ത.
ലൈക്ക പ്രൊഡക്ഷൻസാണ് ചിത്രത്തിന്റെ ഓവര്സീസ് തിയറ്റര് റൈറ്റ്സ് സ്വന്തമാക്കിയിരിക്കുന്നത്. മലയാളികളുടെ പ്രിയപ്പെട്ട താരം മഞ്ജു വാര്യര് നായികയാകുന്ന 'തുനിവ്' തിയറ്റര് റിലീസിന് ശേഷം നെറ്റ്ഫ്ലിക്സിലായിരിക്കും സ്ട്രീം ചെയ്യുക. നിരവ് ഷാ ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. വിജയ് വേലുക്കുട്ടിയാണ് ചിത്രസംയോജനം നിര്വഹിക്കുക.
We are extremely delighted 🤩 on bagging the overseas theatrical rights of 💥 produced by &
It’s always a pleasure 😌 to associate with our dear 😎 💥 💪🏻✨ pic.twitter.com/eFzZnPLJlf
എച്ച് വിനോദ് തന്നെയാണ് ചിത്രത്തിന്റെ തിരക്കഥയും എഴുതുന്നത്. വീര, സമുദ്രക്കനി, ജോണ് കൊക്കെൻ, തെലുങ്ക് നടൻ അജയ് തുടങ്ങിയവരും ചിത്രത്തില് അഭിനയിക്കുന്നു. ബോണി കപൂറാണ് ചിത്രം നിര്മിക്കുന്നത്. അജിത്തും എച്ച് വിനോദും ബോണി കപൂറും 'വലിമൈ'ക്ക് ശേഷം ഒന്നിക്കുന്ന ചിത്രമാണ് 'തുനിവ്'.
'തുനിവി'നു ശേഷം വിഘ്നേശ് ശിവന്റെ സംവിധാനത്തിലാണ് അജിത്ത് നായകനാകുക. ദേശീയ അവാര്ഡ് ജേതാവ് സുധ കൊങ്ങര പ്രസാദ് സംവിധാനം ചെയ്യുന്ന ചിത്രത്തിലും അജിത്ത് നായകനായേക്കുമെന്ന് റിപ്പോര്ട്ടുണ്ട്. സംവിധായകൻ ശ്രീ ഗണേഷ് അജിത്തുമായി പുതിയ സിനിമ സംബന്ധിച്ച് ചര്ച്ചകളിലാണെന്ന വാര്ത്തയും ആരാധകര്ക്കിടയില് പ്രചരിക്കുന്നുണ്ട്. 'കുരുതി ആട്ട'ത്തിന്റെ സംവിധായകനാണ് ശ്രീ ഗണേഷ്. മിസ്കിന്റെ സഹസംവിധായകനായിരുന്നു ശ്രീ ഗണേഷ്. '8 തോട്ടക്കള്' ആണ് ശ്രീ ഗണേഷിന്റെ ആദ്യത്തെ ചിത്രം. 2017ലാണ് ആദ്യ ചിത്രം പുറത്തിറങ്ങിയത്. ശ്രീ ഗണേഷിന്റെ രണ്ടാമത്തെ ചിത്രം അടുത്തിടെ പുറത്തിറങ്ങിയ 'കുരുതി ആട്ടം' ആണ്. അഥര്വ നായകനായ ചിത്രത്തില് നിരവധി അജിത്ത് റെഫറൻസുകളുമുണ്ട്. അതിനാല് അജിത്തും ശ്രീ ഗണേഷും ഒന്നിക്കുന്ന വാര്ത്തയ്ക്ക് വലിയ പ്രചാരം ലഭിച്ചിരിക്കുകയാണ്.
Read More: 'ലാത്തി'യുടെ റിലീസ് പ്രഖ്യാപിച്ച് വിശാല്