മധുര മനോഹര മോഹം രണ്ടാം വാരം കൂടുതൽ തിയറ്ററുകളിലേക്ക്

സ്റ്റെഫി സേവ്യര്‍ ആണ് ചിത്രം സംവിധാനം ചെയ്‍തിരിക്കുന്നത്. ഷറഫുദ്ധീൻ, രജിഷ വിജയൻ എന്നിവരാണ് ചിത്രത്തില്‍ പ്രധാന വേഷങ്ങളില്‍ എത്തിയിരിക്കുന്നത്. 

തിരുവനന്തപുരം: കഴിഞ്ഞ വാരം തിയറ്ററുകളിൽ റിലീസ് ചെയ്ത മധുര മനോഹര മോഹത്തിന് മികച്ച പ്രേക്ഷക പ്രതികരണമാണ് ലഭിച്ചത്. 90 സ്ക്രീനുകളിലാണ് ചിത്രം റിലീസ് ചെയ്തത്. മിനിമം ഷോകളുമായി തുടങ്ങിയ പല തിയറ്ററുകളും അടുത്ത ദിവസങ്ങളിൽ തന്നെ ഷോകളുടെ എണ്ണം വർദ്ധിപ്പിച്ചിരുന്നു. അഭിപ്രായമറിഞ്ഞ് കൂടുതൽ കുടുംബ പ്രേക്ഷകർ എത്താൻ തുടങ്ങിയതോടെ ഈ ആഴ്ച ചിത്രം 145 തിയറ്ററുകളിലാണ് പ്രദർശിപ്പിക്കുന്നത്. 

സ്റ്റെഫി സേവ്യര്‍ ആണ് ചിത്രം സംവിധാനം ചെയ്‍തിരിക്കുന്നത്. ഷറഫുദ്ധീൻ, രജിഷ വിജയൻ എന്നിവരാണ് ചിത്രത്തില്‍ പ്രധാന വേഷങ്ങളില്‍ എത്തിയിരിക്കുന്നത്. ചന്ദ്രു സെല്‍വ രാജ ആണ് ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത്. മഹേഷ് ഗോപാലും ജയ് വിഷ്‍ണുവുമാണ് തിരക്കഥ എഴുതിയിരിക്കുന്നത്.

ബിത്രീഎം ക്രിയേഷൻസിന്റെ ഏറ്റവും പുതിയ ചിത്രമാണ് ഇത്. 'ഹൃദയം' എന്ന സൂപ്പര്‍ഹിറ്റ് മലയാള ചിത്രത്തിലെ ഗാനങ്ങളിലൂടെ ശ്രദ്ധയാകര്‍ഷിച്ച ഹിഷാം അബ്‍ദുള്‍ വഹാബ് ആണ് സംഗീത സംവിധായകൻ. നിര്‍മാണ നിര്‍വ്വഹണം ഷബീര്‍ മലവെട്ടത്ത്. അപ്പു ഭട്ടതിരിയാണ് ചിത്രത്തിന്റെ എഡിറ്റിംഗ്.

പത്തനംതിട്ടയിലെ ജില്ലയിലെ നായര്‍ തറവാട്ടിനെ കേന്ദ്രീകരിച്ചാണ് സൈജു കുറുപ്പ്, അല്‍ത്താഫ് സലിം, വിജയരാഘവൻ, സുനില്‍ സുഗത, ബിജു സോപാനം, ബിന്ദു പണിക്കര്‍ എന്നിവരും വേഷമിടുന്ന ചിത്രത്തിന്റെ അവതരണം. ഒരു കുടുംബത്തില്‍ അരങ്ങേറുന്ന കൊച്ചു കൊച്ചു കാര്യങ്ങള്‍ തികഞ്ഞ നര്‍മത്തിന്റെ മേമ്പൊടിയോടെ അവതരിപ്പിക്കുകയും ഒപ്പം ചില സന്ദേശങ്ങളും ഷറഫുദ്ധീന്റെ ഈ ചിത്രം നല്‍കുന്നുണ്ട്.

ജയൻ ക്രയോണാണ് ചിത്രത്തിന്റെ കലാസംവിധാനം. മേക്കപ്പ് റോണക്സ് സേവ്യര്‍, കോസ്റ്റ്യും ഡിസൈൻ സനൂജ് ഖാൻ, പിആര്‍ഒ വാഴൂര്‍ ജോസ്, ആതിര ദില്‍ജിത്ത്, ഡിസൈനുകള്‍ യെല്ലോടൂത്ത്‌സ്, ഡിജിറ്റല്‍ മാര്‍ക്കറ്റിങ് ഒബ്‍സ്‍ക്യൂറ എന്നിവരുമാണ് ചിത്രത്തിന്റെ മറ്റ് പ്രവര്‍ത്തകര്‍.

അവസാന വാരത്തിലേക്ക് ബിഗ്ബോസ് ഇനിയെന്ത് സംഭവിക്കും