സിനിമയിലെ 50 വര്ഷങ്ങള്; ആശംസകള്ക്ക് നന്ദി പറഞ്ഞ് മമ്മൂട്ടി
Synopsis
മമ്മൂട്ടിയുടെ സിനിമാജീവിതത്തിന് അര നൂറ്റാണ്ട് തികഞ്ഞ ദിവസം ഇന്നലെ ആയിരുന്നു
തിരശ്ശീലയില് അര നൂറ്റാണ്ട് പൂര്ത്തിയാക്കിയ വേളയില് ആശംസകള് കൊണ്ട് തന്നെ പൊതിഞ്ഞ സഹപ്രവര്ത്തകര്ക്കും ആരാധകര്ക്കും നന്ദി പറഞ്ഞ് മമ്മൂട്ടി. "ഓരോരുത്തരില് നിന്നുമുള്ള ഈ സ്നേഹം എന്നെ കീഴടക്കിയിരിക്കുന്നു. എന്റെ സഹപ്രവര്ത്തകരും എല്ലായിടത്തുനിന്നുമുള്ള ആരാധകരും. നിങ്ങള് ഓരോരുത്തരോടും നന്ദി", മമ്മൂട്ടി സോഷ്യല് മീഡിയയില് കുറിച്ചു.
മമ്മൂട്ടിയുടെ സിനിമാജീവിതത്തിന് അര നൂറ്റാണ്ട് തികഞ്ഞ ദിവസം ഇന്നലെ ആയിരുന്നു. മമ്മൂട്ടി ആദ്യം സ്ക്രീനില് പ്രത്യക്ഷപ്പെട്ട 'അനുഭവങ്ങള് പാളിച്ചകള്' റിലീസ് ചെയ്യപ്പെട്ടത് 1971 ഓഗസ്റ്റ് ആറിനാണ്. സോഷ്യല് മീഡിയയിലൂടെ നിരവധി ആരാധകരും സിനിമാപ്രവര്ത്തകരുമാണ് തങ്ങളുടെ പ്രിയതാരത്തിന് ആശംസകള് നേര്ന്നതും തങ്ങളുടെ മമ്മൂട്ടി അനുഭവങ്ങള് പങ്കുവച്ചതും.
അതേസമയം സിനിമയില് അന്പതാണ്ട് പിന്നിടുന്ന വേളയിലും പുതിയ സിനിമകളുടെ ചര്ച്ചകളിലും ആലോചനകളിലുമാണ് മമ്മൂട്ടി. 'ബിഗ് ബി'ക്കു ശേഷം അമല് നീരദിനൊപ്പം ഒന്നിക്കുന്ന 'ഭീഷ്മ പര്വ്വം', നവാഗതയായ റതീന ഷര്ഷാദ് ഒരുക്കുന്ന 'പുഴു' എന്നിവയാണ് അദ്ദേഹത്തിന് പൂര്ത്തിയാക്കാനുള്ള പ്രോജക്റ്റുകള്. അഖില് അക്കിനേനി നായകനാവുന്ന തെലുങ്ക് ചിത്രം 'ഏജന്റി'ല് മമ്മൂട്ടി പ്രതിനായക കഥാപാത്രത്തെ അവതരിപ്പിക്കുമെന്നും സ്ഥിരീകരിക്കാത്ത റിപ്പോര്ട്ടുകള് ഉണ്ട്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ചു നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ