യുവ നടനുമായുള്ള പ്രണയം വെളിപ്പെടുത്തി മഞ്ജിമ മോഹൻ
Synopsis
'ഒരു വടക്കൻ സെല്ഫി'യിലൂടെ മലയാളത്തിന്റെ പ്രിയങ്കരിയായി മാറിയ നടിയാണ് മഞ്ജിമ.
പ്രണയം വെളിപ്പെടുത്തി മലയാളത്തിന്റെ പ്രിയതാരം മഞ്ജിമ മോഹൻ. തമിഴ് നടൻ ഗൗതം കാര്ത്തിക്കുമൊത്തുള്ള ഫോട്ടോകള് പങ്കുവെച്ചാണ് മഞ്ജിമ മോഹൻ പ്രണയം വെളിപ്പെടുത്തിയിരിക്കുന്നത്. ജീവിതത്തില് എല്ലാം നഷ്ടപ്പെട്ട അവസ്ഥയില് കാവല് മാലാഖയായി വന്ന ആളാണ് ഗൗതമെന്ന് മഞ്ജിമ മോഹൻ പറയുന്നു. മഞ്ജിമ മോഹനുമായി പ്രണയത്തിലാണ് എന്ന് ഗൗതം കാര്ത്തികും തന്റെ ഇൻസ്റ്റാഗ്രാം പേജിലൂടെ അറിയിച്ചിട്ടുണ്ട്.
ഞാൻ എത്രമാത്രം അനുഗ്രഹീതയായിരിക്കുന്നുവെന്ന് തിരിച്ചറിയാൻ ഗൗതം കാര്ത്തിക് സഹായിച്ചു. ജീവിതത്തെ കുറിച്ചുള്ള തന്റെ കാഴ്ചപ്പാട് മാറ്റി എന്നും മഞ്ജിമ മോഹൻ എഴുതിയിരിക്കുന്നത്. മീര നന്ദൻ, സംയുക്ത മേനോൻ, ജീവ, ആരതി തുടങ്ങി ഒട്ടേറെ താരങ്ങള് മഞ്ജിമ മോഹന് ആശംസകളുമായി എത്തിയിട്ടുണ്ട്. സുഹൃത്തുക്കളായതിന ശേഷം അത് പ്രണയത്തിലേക്ക് വഴിമാറുകയായിരുന്നുവെന്നാണ് ഗൗതം കാര്ത്തിക് എഴുതിയിരിക്കുന്നത്.
ബാലതാരമായി വന്ന് നായികയായി വളര്ന്ന നടിയാണ് മഞ്ജിമ മോഹൻ. 'കളിയൂഞ്ഞാല്' എന്ന സിനിമയില് തുടക്കം. തുടര്ന്നങ്ങോട്ട് ഒട്ടേറെ സിനിമകളില് ബാലതാരമായി. 'ഒരു വടക്കൻ സെല്ഫി' എന്ന സിനിമയിലൂടെ നായികയായ മഞ്ജിമ തമിഴിലും തെലുങ്കിലുമെല്ലാം പ്രധാന വേഷത്തിലെത്തി. ഛായാഗ്രാഹകൻ വിപിൻ മോഹന്റെയും നര്ത്തകി കലാമണ്ഡലം ഗിരിജയുടെയും മകളാണ് മഞ്ജിമ മോഹൻ. ഗണിതശാസ്ത്രത്തില് മഞ്ജിമ മോഹൻ ബിരുദം നേടിയിട്ടുണ്ട്. 'എഫ്ഐആര്' എന്ന ചിത്രമാണ് മഞ്ജിമ മോഹൻ അഭിനയിച്ചതില് ഏറ്റവും ഒടുവില് പ്രദര്ശനത്തിന് എത്തിയത്.
നടൻ കാര്ത്തിക്കിന്റെ മകനാണ് ഗൗതം. മണിരത്നം സംവിധാനം ചെയ്ത 'കടലി'ലൂടെയാണ് ഗൗതം കാര്ത്തിക് നായകനായത്. എ മുരുഗദോസ് നിര്മിക്കുന്ന 'ഓഗസ്റ്റ് 16,1947' ആണ് ഗൗതം കാര്ത്തിന്റെ പുതിയ സിനിമ. ചിമ്പു നായകനാകുന്ന ചിത്രം 'പത്ത് തല'യിലും ഗൗതം കാര്ത്തിക് അഭിനയിക്കുന്നുണ്ട്.
'മോണിക്ക ഓ മൈ ഡാര്ലിംഗു'മായി രാജ്കുമാര് റാവു, ട്രെയിലര് പുറത്ത്