'മനുഷ്യരാശിയുടെ ചെറുത്തു നിൽപ്പ്, ഈ യുദ്ധം നമ്മള്‍ ജയിക്കും'; കൊവിഡ് വാക്സീൻ യജ്ഞത്തിൽ മഞ്ജു വാര്യർ

ഇത് മനുഷ്യ രാശിയുടെ ചെറുത്തുനിൽപ്പാണെന്നും ഈ മഹാമാരിയെ ഒരു മനസോടെ നമുക്ക് നേരിടാമെന്നും സോഷ്യൽ മീഡിയയിൽ പങ്കുവച്ച വീഡിയോയിൽ മഞ്ജു പറഞ്ഞു.  

രാജ്യത്ത് ഇന്ന് കൊവിഡിനെതിരായ പ്രതിരോധ കുത്തിവയ്പ്പ് ആരംഭിക്കുമ്പോൾ ഏറെ പ്രതീക്ഷയിലാണ് ജനങ്ങൾ. കേരളത്തിലും ലക്ഷക്കണക്കിന് ആരോഗ്യപ്രവർത്തകരും മുന്നണി പോരാളികളുമാണ് വാക്സീൻ സ്വീകരിക്കുന്നത്. വാക്സീനേഷൻ വിജയകരമാകുമെന്നും ഈ ദുരിതകാലത്തു നിന്നും മോചനം ലഭിക്കുമെന്നുമുള്ള പ്രതീക്ഷയിലാണ് ഓരോരുത്തരും. ഇപ്പോഴിതാ പ്രതിരോധ കുത്തിവയ്പ്പ് യജ്ഞത്തിന് പിന്തുണയുമായി എത്തിയിരിക്കുകയാണ് നടി മഞ്ജു വാര്യർ

ഇത് മനുഷ്യ രാശിയുടെ ചെറുത്തുനിൽപ്പാണെന്നും ഈ മഹാമാരിയെ ഒരു മനസോടെ നമുക്ക് നേരിടാമെന്നും സോഷ്യൽ മീഡിയയിൽ പങ്കുവച്ച വീഡിയോയിൽ മഞ്ജു പറഞ്ഞു.

മഞ്ജു വാര്യരുടെ വാക്കുകൾ

നമസ്കാരം, രാജ്യത്തെ ഏറ്റവും വലിയ കൊവിഡ് പ്രതിരോധ മരുന്ന് വിതരണ യജ്ഞത്തിന് തുടക്കമാകുകയാണ്. കൊവിഡ് എന്ന മഹാമാരിക്കെതിരായുള്ള മനുഷ്യരാശിയുടെ ചെറുത്ത് നില്‍പ്പാണിത്. ഈ യുദ്ധം നമ്മള്‍ ജയിക്കും. കൊവിഡ് വാക്സീന്‍ വിതരണ യജ്ഞത്തിന് ഒരേമനസ്സോടെ നമുക്ക് അണിചേരാം.